• HOME
  • »
  • NEWS
  • »
  • india
  • »
  • 'താടി കണ്ട് മുസ്ലീമായി തെറ്റിദ്ധരിച്ചു': അഭിഭാഷകനെ മർദ്ദിച്ചതിൽ വിശദീകരണവുമായെത്തിയ പൊലീസ് ഉദ്യോഗസ്ഥന് സസ്പെൻഷൻ

'താടി കണ്ട് മുസ്ലീമായി തെറ്റിദ്ധരിച്ചു': അഭിഭാഷകനെ മർദ്ദിച്ചതിൽ വിശദീകരണവുമായെത്തിയ പൊലീസ് ഉദ്യോഗസ്ഥന് സസ്പെൻഷൻ

അഭിഭാഷകന്‍റെ മൊഴി രേഖപ്പെടുത്താൻ ഇയാളുടെ വീട് സന്ദർശിച്ച സമയത്താണ് അന്വേഷണ ഉദ്യോഗസ്ഥനായ ബിഎസ് പട്ടേൽ വർഗ്ഗീയമായ പരാമർശം നടത്തിയത്

Lawyer Deepak Bundele. (Image: Twitter)

Lawyer Deepak Bundele. (Image: Twitter)

  • Share this:
    ഭോപ്പാൽ: അഭിഭാഷകന് പൊലീസ് മർദ്ദനമേറ്റ സംഭവത്തിൽ വര്‍ഗ്ഗീയത കലര്‍ന്ന വിശദീകരണം നടത്തിയ പൊലീസ് ഉദ്യോഗസ്ഥന് സസ്പെൻഷൻ. മധ്യപ്രദേശിലെ ബെതുൽ ജില്ലയിലെ പൊലീസ് സബ് ഇൻസ്പെക്ടർ ബി.എസ് പട്ടേലിനെയാണ് സസ്പെൻഡ് ചെയ്തത്. ഇയാൾക്കെതിരെയുള്ള മാധ്യമ വാർത്തകളുടെ അടിസ്ഥാനത്തിലാണ് നടപടി.

    ദീപക് ബുന്ദേല എന്ന അഭിഭാഷകനാണ് പൊലീസുകാർ മർദ്ദിച്ചു എന്ന പരാതിയുമായെത്തിയത്. കോവിഡ് 19ന്‍റെ പശ്ചാത്തലത്തിൽ കടുത്ത നിയന്ത്രണങ്ങളിലാണ് മധ്യപ്രദേശ്. ഇക്കഴിഞ്ഞ മാർച്ച് 23-ാം തീയതി ചികിത്സാ ആവശ്യങ്ങൾക്കായി ആശുപത്രിയിലേക്ക് പോകുന്നതിനിടെ വഴിയിൽ തടഞ്ഞു നിർത്തിയ പൊലീസ് ക്രൂരമായി മർദ്ദിച്ചു എന്നാണ് പരാതിയിൽ ആരോപിക്കുന്നത്. ആശുപത്രിയിലേക്കാണെന്ന് ആവർത്തിച്ച് പറഞ്ഞിട്ടും അതു വകവയ്ക്കാതെ മർദ്ദനം തുടര്‍ന്നുവെന്നും ദീപക് പരാതിയിൽ പറയുന്നു.

    ഒരുവിധത്തിൽ ആശുപത്രിയിലെത്തിപ്പെട്ടുവെന്നും പിന്നീടാണ് പൊലീസുകാർക്കെതിരെ പരാതിയുമായി വിവിധ അധികാരികളെ സമീപിച്ചുവെന്നുമാണ് ദീപക് പറയുന്നത്. പരാതി പിൻവലിക്കാൻ ഇപ്പോൾ പൊലീസുകാരുടെ ഭാഗത്തു നിന്നും സമ്മർദ്ദം ഉണ്ടാകുന്നുവെന്നും വിവരാവകാശനിയമ പ്രകാരം പരാതി നല്‍കിയിട്ട് പോലും പൊലീസ് അതിക്രമം നടന്ന സ്ഥലത്തെ സിസിറ്റിവി ദൃശ്യങ്ങള്‍ തനിക്ക് ലഭ്യമാകുന്നില്ലെന്നും ഇയാൾ ആരോപിക്കുന്നുണ്ട്.
    TRENDING:Happy Birthday Mohanlal | മലയാളത്തിന്റെ നടന വിസ്മയം മോഹൻലാലിന് ഇന്ന് 60 വയസ്! [NEWS]പെരുന്നാൾ നമസ്കാരം വീടുകളിൽ; ആലിംഗനവും ഹസ്തദാനവും വേണ്ട; നിര്‍ദേശങ്ങളുമായി കർണാടകയിലെ മുസ്ലീം സംഘടനകൾ [NEWS]Covid 19 in Kerala | 24 പേര്‍ക്ക് കൂടി കോവിഡ്; 12 പേര്‍ വിദേശത്തു നിന്ന് വന്നവര്‍; എട്ടുപേർ മഹാരാഷ്ട്രയിൽ നിന്ന് [NEWS]
    അഭിഭാഷകന്‍റെ മൊഴി രേഖപ്പെടുത്താൻ ഇയാളുടെ വീട് സന്ദർശിച്ച സമയത്താണ് അന്വേഷണ ഉദ്യോഗസ്ഥനായ ബിഎസ് പട്ടേൽ വിവാദ പരാമർശം നടത്തിയത്. 'നിങ്ങളുടെ താടി കണ്ട് മുസ്ലീം വിഭാഗത്തിൽപെട്ട ആളാണെന്ന് തെറ്റിദ്ധരിച്ചാണ് പൊലീസുകാര്‍ മർദ്ദിച്ചത്' എന്നായിരുന്നു ഇയാളുടെ വിശദീകരണം.. പൊലീസ് ഉദ്യോഗസ്ഥനുമായുള്ള സംഭാഷണത്തിന്‍റെ ഓഡിയോ ക്ലിപ്പുകൾ അഭിഭാഷകൻ മാധ്യമ പ്രവർത്തകർക്ക് കൈമാറിയിരുന്നു. മാധ്യമങ്ങളിലൂടെ ഇത് വിവാദങ്ങള്‍ ഉയർത്തിയതോടെയാണ് പൊലീസുകാരനെതിരെ നടപടി ഉണ്ടായിരിക്കുന്നത്.

    അന്വേഷണത്തിന്‍റെ ഭാഗമായ ഒരു ഉദ്യോഗസ്ഥനിൽ നിന്നുണ്ടാകേണ്ട പ്രസ്താവന അല്ല പട്ടേൽ നടത്തിയതെന്നാണ് സസ്പെൻഷൻ വാർത്ത ശരിവച്ച പൊലീസ് സൂപ്രണ്ടന്‍റ് ഡി.എസ്.ഭഡോരിയ അറിയിച്ചത്.


     
    First published: