HOME » NEWS » India » POLICE STOP INTERFAITH WEDDING IN LUCKNOW DESPITE CONSENT FROM COUPLES FAMILIES CEREMONY DEFERRED AR

വീട്ടുകാരുടെ സമ്മതമുണ്ടായിട്ടും രണ്ടു മതത്തിൽപെട്ടവരുടെ വിവാഹം പൊലീസ് തടഞ്ഞു; നടപടി ഹിന്ദുമഹാസഭയുടെ പരാതിയിൽ

റൈന എന്ന ഇരുപത്തിരണ്ടുകാരി ബാല്യകാല സുഹൃത്ത് മുഹമ്മദ് ആസിഫ് എന്ന ഇരുപത്തിനാലുകാരനെയാണ് വിവാഹം കഴിക്കാനിരുന്നത്

News18 Malayalam | news18-malayalam
Updated: December 4, 2020, 11:47 AM IST
വീട്ടുകാരുടെ സമ്മതമുണ്ടായിട്ടും രണ്ടു മതത്തിൽപെട്ടവരുടെ വിവാഹം പൊലീസ് തടഞ്ഞു; നടപടി ഹിന്ദുമഹാസഭയുടെ പരാതിയിൽ
പ്രതീകാത്മക ചിത്രം
  • Share this:
ലക്നൗ: വീട്ടുകാരുടെ സമ്മതമുണ്ടായിട്ടും രണ്ടു മതത്തിൽപ്പെട്ടവരുടെ വിവാഹം പൊലീസ് ഇടപെട്ടു തടഞ്ഞു. ഉത്തർപ്രദേശിലെ ലക്നൗവിലാണ് സംഭവം. ബുധനാഴ്ച രാത്രി വിവാഹേതര ചടങ്ങ് നടക്കുന്നതിനിടെയാണ് പൊലീസ് ഇടപെട്ടത്. റൈന ഗുപ്ത എന്ന ഇരുപത്തിരണ്ടുകാരി ബാല്യം മുതൽ അറിയുന്ന മുഹമ്മദ് ആസിഫ് എന്ന ഇരുപത്തിനാലുകാരനെയാണ് വിവാഹം കഴിക്കാനിരുന്നത്. ഇരു കുടുംബംഗങ്ങളും ചേർന്നാണ് വിവാഹം നടത്തുന്നത്. രണ്ടു കുടുംബങ്ങളിലേയും അംഗങ്ങളും ബന്ധുക്കളും ചേർന്ന് വിവാഹം ആഘോഷമായി നടത്തുന്നതിനുള്ള ഒരുക്കങ്ങൾ അവസാന നിമിഷത്തിലേക്കു കടക്കുന്നതിനിടെ പൊലീസ് എത്തുകയായിരുന്നു. ഹിന്ദു മഹാസഭയുടെ പരാതിയെ തുടർന്നാണ് നടപടി.

ലഖ്‌നൗവിലെ പാരാ പ്രദേശത്തെ ദുഡാ കോളനിയിലാണ് ഒരു ഹിന്ദു യുവതി മുസ്ലീം യുവാവുമായുള്ള വിവാഹം നടത്താനിരുന്നത്. വിവാഹത്തിനു മുന്നോടിയായുള്ള ചടങ്ങിനിടെയാണ് പൊലീസ് എത്തിയത്. സ്പെഷ്യൽ മാര്യേജ് ആക്ട് പ്രകാരമുള്ള നടപടികൾ പാലിക്കാൻ പോലീസ് കുടുംബങ്ങളോട് ആവശ്യപ്പെട്ടു. തുടർന്ന് ചടങ്ങ് മാറ്റിവയ്ക്കാൻ ഇരു കുടുംബങ്ങളും തീരുമാനിച്ചു. നിർബന്ധിതവും സത്യസന്ധമല്ലാത്തതുമായ മതപരിവർത്തനത്തിനെതിരായ പുതിയ ഓർഡിനൻസിനെക്കുറിച്ചും പൊലീസ് ദമ്പതികൾക്ക് വിശദീകരിച്ചു. യോഗി ആദിത്യനാഥ് സർക്കാർ കൊണ്ടുവന്ന ഈ നിയമം അടുത്തിടെ ഏറെ ചർച്ചയായിരുന്നു.

Also Read- ഉത്തർപ്രദേശിൽ ആദ്യ 'ലൗ ജിഹാദ്' അറസ്റ്റ്; കഴിഞ്ഞ വർഷം ഹിന്ദു യുവതിയുമായി ഒളിച്ചോടിയ മുസ്ലിം യുവാവ് പിടിയിൽ

“മിശ്ര വിവാഹം നടക്കാൻ പോകുന്നതിനെക്കുറിച്ച് പോലീസിന് വിവരം ലഭിച്ചു. സംഭവസ്ഥലത്തെത്തിയപ്പോൾ ഇരു കുടുംബങ്ങളുടെയും സമ്മതത്തോടെയാണ് വിവാഹം നടത്തുന്നതെന്ന് മനസ്സിലായി. തുടർന്ന് പുതിയ നിയമത്തെക്കുറിച്ച് വധു-വരൻമാരെയും ബന്ധുക്കളെയും പറഞ്ഞു മനസിലാക്കി. തുടർന്ന് സ്പെഷ്യൽ മാര്യേജ് ആക്ട് പ്രകാരം വിവഹം നടത്തണമെന്ന നിർദേശവും മുന്നോട്ടുവെച്ചു. ഇതു പാലിച്ചു വിവാഹം നടത്താൻ തയ്യാറാണെന്ന് അവർ അറിയിച്ചു. അതിനായി വിവാഹം ഒരു മാസത്തേക്കു മാറ്റിവെച്ചു ”- അഡീഷണൽ ഡെപ്യൂട്ടി കമ്മീഷണർ (സൗത്ത്) സുരേഷ് ചന്ദ്ര റാവത്ത് പറഞ്ഞു,

പ്രത്യേക വിവാഹ നിയമപ്രകാരം മതം മാറാതെ ദമ്പതികൾക്ക് വിവാഹിതരാകാമെന്ന് റാവത്ത് പറഞ്ഞു, എന്നിരുന്നാലും, മതപരിവർത്തനം നടത്തണമെങ്കിൽ ജില്ലാ മജിസ്‌ട്രേട്ടിനോ അഡീഷണൽ മജിസ്‌ട്രേറ്റിനോ 60 ദിവസമെങ്കിലും മുൻ‌കൂട്ടി ഒരു സത്യവാങ്മൂലം നൽകേണ്ടിവരും.

Also Read- Yogi Adityanath | 'ലൗ ജിഹാദ്' തടയാൻ നിയമം കൊണ്ടുവരും; കടുത്ത താക്കീതുമായി യോഗി ആദിത്യനാഥ്

മതപരിവർത്തന നിരോധന ഓർഡിനൻസിന് യുപി ഗവർണർ ആനന്ദി ബെൻ ശനിയാഴ്ച അംഗീകാരം നൽകി. ഓർഡിനൻസിന് കീഴിൽ മറ്റൊരു വ്യക്തിയെ ബലമായി പരിവർത്തനം ചെയ്തതിന് ആരെങ്കിലും കുറ്റക്കാരനാണെന്ന് കണ്ടെത്തിയാൽ 10 വർഷം വരെ കഠിന തടവിന് ശിക്ഷിക്കാമെന്ന് വ്യവസ്ഥ ചെയ്തിട്ടുണ്ട്. വിവാഹത്തിനായി സ്ത്രീയുടെ മതം മാത്രം മാറ്റുകയാണെങ്കിൽ, അത്തരം വിവാഹം അസാധുവായി പ്രഖ്യാപിക്കപ്പെടുമെന്ന് മാത്രമല്ല, മതപരിവർത്തനത്തിന് സഹായിക്കുന്നവർക്ക് 10 വർഷം വരെ തടവ് ലഭിക്കാമെന്നും അതിൽ പറയുന്നു. കള്ളം, അത്യാഗ്രഹം, അല്ലെങ്കിൽ മറ്റേതെങ്കിലും വഞ്ചനാപരമായ മാർഗം അല്ലെങ്കിൽ വിവാഹത്തിലേക്ക് പരിവർത്തനം എന്നിവ ജാമ്യമില്ലാ കുറ്റമാണെന്ന് ഓർഡിനൻസിൽ പറയുന്നു.

അതേസമയം വിവാഹത്തിനെത്തിയ ബന്ധുക്കൾ പൊലീസ് നടപടിക്കെതിരെ പ്രതികരിച്ചു. നിയമം കൊണ്ടുവന്നപ്പോൾ ഉയർന്നുവന്ന ആശങ്കകളിൽ ഒന്ന് സത്യമാണെന്നു വ്യക്തമായിരിക്കുകയാണെന്ന് അവർ പറഞ്ഞു. ഇരുകൂട്ടരും ഒരുമിച്ചു നടത്തുന്ന വിവാഹത്തിൽ പോലും പൊലീസ് ഇടപെടുന്നു. വ്യക്തിസ്വാതന്ത്ര്യത്തിനു നാട്ടിൽ ഒരു വിലയും ഇല്ലാതായെന്ന് അവർ മാധ്യമങ്ങളോട് പറഞ്ഞു.
Published by: Anuraj GR
First published: December 4, 2020, 11:47 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading