Chandrayaan 2: പ്രധാനമന്ത്രി നരേന്ദ്ര മോദി എട്ടുമണിക്ക് ശാസ്ത്രലോകത്തെ അഭിസംബോധന ചെയ്യും

ബംഗളൂരു: പ്രധാനമന്ത്രി നരേന്ദ്ര മോദി രാജ്യത്തെ അഭിസംബോധന ചെയ്യും. ശനിയാഴ്ച രാവിലെ എട്ടുമണിക്ക് ബംഗളൂരുവിലെ ഐ എസ് ആർ ഒ കൺട്രോൾ സെന്‍ററിൽ വെച്ചാണ് പ്രധാനമന്ത്രി രാജ്യത്തെ അഭിസംബോധന ചെയ്യുക.

അതേസമയം, ശാസ്ത്രലോകത്തിന് ആത്മവിശ്വാസം പകർന്ന് പ്രധാനമന്ത്രി നരേന്ദ്ര മോദി. ഐ എസ് ആർ ഒ കൈവരിച്ചത് മികച്ച നേട്ടമാണെന്ന് പ്രധാനമന്ത്രി നരേന്ദ്ര മോദി പറഞ്ഞു. ചന്ദ്രയാൻ രണ്ട് ദൗത്യത്തിൽ നിന്ന് പാഠം ഉൾക്കൊള്ളും. നമ്മുടെ ശാസ്ത്രജ്ഞരെ ഓർത്ത് ഇന്ത്യ അഭിമാനിക്കുന്നെന്ന് പ്രധാനമന്ത്രി ട്വിറ്ററിൽ കുറിച്ചു.

Chandrayaan 2: 'ചന്ദ്രോപരിതലത്തിൽ നിന്ന് 2.1 കിലോമീറ്റർ അകലെ വെച്ച് വിക്രം ലാൻഡറുമായി ബന്ധം നഷ്ടപ്പെട്ടു', വേദനയോടെ ISRO തലവൻ അറിയിച്ചു

ഇന്ത്യയെ അഭിമാനിതയാക്കാൻ അവർ അവരുടെ ഏറ്റവും മികച്ചത് തന്നെ നൽകി. മനഃശക്തിയുടെ നിമിഷങ്ങളാണ് ഇത്, ഇത് ഇനിയും ഉണ്ടാകുമെന്നും അദ്ദേഹം ട്വിറ്ററിൽ കുറിച്ചു.

ഐ എസ് ആർ ഒ ചെയർമാൻ ചന്ദ്രയാൻ - രണ്ടിനെക്കുറിച്ചുള്ള പുതിയ കാര്യങ്ങൾ അറിയിച്ചു. നമുക്ക് പ്രതീക്ഷയോടെ നിലകൊള്ളാം ഒപ്പം നമ്മുടെ ബഹിരാകാശ പ്രവർത്തനങ്ങളിൽ കൂടുതൽ കഠിനമായി അദ്ധ്വാനിക്കുകയും ചെയ്യാമെന്നും പ്രധാനമന്ത്രി നരേന്ദ്ര മോദി ട്വിറ്ററിൽ കുറിച്ചു.