അമ്പതുകാരിയെ കൂട്ടബലാത്സംഗം ചെയ്തു കൊന്ന സംഭവം; യോ​ഗി സര്‍ക്കാരിനെ വിമര്‍ശിച്ച്‌ പ്രിയങ്ക ​ഗാന്ധി

ഉത്തര്‍പ്രദേശില്‍ അം​ഗനവാടി ജീവനക്കാരി കൂട്ടബലാത്സം​ഗത്തിനിരയായി കൊല്ലപ്പെട്ട സംഭവത്തില്‍ യോ​ഗി സര്‍ക്കാരിനെ വിമര്‍‌ശിച്ച്‌ പ്രിയങ്ക ​ഗാന്ധി. സ്ത്രീ സുരക്ഷയില്‍ ഉത്തര്‍പ്രദേശ് സര്‍ക്കാരിന് തുടര്‍ച്ചയായി വീഴ്ച സംഭവിക്കുകയാണെന്ന് പ്രിയങ്ക ഗാന്ധി പറഞ്ഞു.

ഹത്റാസ് പെണ്‍കുട്ടിയുടെ കുടുംബത്തിന്റെ പരാതിയും തുടക്കത്തില്‍ യോഗി സര്‍ക്കാര്‍ കേട്ടില്ല. അംഗനവാടി ജീവനക്കാരിയുടെ കാര്യത്തിലും അത് തന്നെ സംഭവിച്ചുവെന്നും പ്രിയങ്ക പറഞ്ഞു. അമ്പതു വയസുകാരിയെ ക്ഷേത്രത്തിലെ പൂജാരിയും രണ്ട് ശിഷ്യന്മാരും ചേർന്നാണ് കൂട്ടബലാത്സംഗം ചെയ്ത് കൊലപ്പെടുത്തിയത്.

Also Read ക്ഷേത്രത്തിൽ പോയ അമ്പതുകാരിയെ പൂജാരി ഉൾപ്പെടെയുള്ളവർ ചേർന്ന് ബലാത്സംഗം ചെയ്തു കൊന്നു; രണ്ടുപേർ അറസ്റ്റിൽ

പടിഞ്ഞാറൻ ഉത്തർപ്രദേശിലെ ബദൗൻ ജില്ലയിൽ ഞായറാഴ്ച രാത്രിയായിരുന്നു സംഭവം. സംഭവവുമായി ബന്ധപ്പെട്ട് രണ്ടുപേരെ പൊലീസ് അറസ്റ്റ് ചെയ്യുകയും അവർക്കെതിരെ കേസ് രജിസ്റ്റർ ചെയ്യുകയും ചെയ്തു. അങ്കണവാടി ജീവനക്കാരിയായ അമ്പതുകാരിയാണ് ക്രൂരബലാത്സംഗത്തിനു ശേഷം കൊല്ലപ്പെട്ടത്.