കോൺഗ്രസ് സ്ഥാപക ദിനത്തലേന്ന് രാഹുൽ ഗാന്ധി സ്വകാര്യ സന്ദർശനത്തിനായി ഇറ്റലിയിലേക്ക്

ഇന്ത്യൻ നാഷണൽ കോൺഗ്രസിന്റെ 136-ാം സ്ഥാപക ദിനം ഡിസംബർ 28 ന് വിവിധ പരിപാടികളിലൂടെ ആചരിക്കുകയാണ്. എന്നാൽ സ്ഥാപനകദിനാചരണത്തിന്‍റെ തലേദിവസം മുതിർന്ന കോൺഗ്രസ് നേതാവ് രാഹുൽ ഗാന്ധി ഇറ്റലി സന്ദർശനത്തിനായി പുറപ്പെട്ടു. സ്ഥാപനകദിനാചരണത്തിന് പുറമെ രാജ്യതലസ്ഥാനത്ത് കർഷക സമരം കൂടുതൽ കരുത്താർജ്ജിക്കുന്നതിനിടെയാണ് രാഹുൽ ഗാന്ധിയുടെ യാത്ര എന്നതും ശ്രദ്ധേയമാണ്.

യുവാക്കളുമായി ബന്ധിപ്പിക്കുന്നതിന് നൂതന പ്രചാരണ ആശയങ്ങൾ കൊണ്ടുവരാൻ അഖിലേന്ത്യാ കോൺഗ്രസ് കമ്മിറ്റി നേരത്തെ സംസ്ഥാന ഘടകങ്ങളോട് ആവശ്യപ്പെട്ടിരുന്നു. ദേശീയത ഫലകവുമായി ആളുകളുമായി ഇടപഴകുന്നതിന് പാർട്ടി പ്രത്യക്ഷത്തിൽ ആരംഭിച്ച രണ്ട് പ്രചാരണങ്ങളാണ് തിരംഗ യാത്രയും ടിറംഗയുമായുള്ള സെൽഫിയും. എന്നാൽ ഏറെ നിർണായകമായ ഈ സമയത്ത് രാഹുൽ ഗാന്ധി ഇന്ത്യക്ക് പുറത്തായത് പാർട്ടിക്ക് തിരിച്ചടിയാകുമെന്നാണ് വിലയിരുത്തൽ.. രാഹുൽ ഗാന്ധി കുറച്ച് ദിവസത്തേക്ക് വിദേശത്തായിരിക്കുമെന്ന് കോൺഗ്രസ് വക്താവ് രൺദീപ് സുർജേവാല സ്ഥിരീകരിച്ചു.

പാർട്ടിയുടെ സ്ഥാപക ദിനത്തിന് ഒരു ദിവസം മുമ്പാണ് രാഹുൽ ഗാന്ധി ഇന്ത്യ വിട്ടുപോയതെന്ന റിപ്പോർട്ടുകൾ സോഷ്യൽ മീഡിയയിൽ പ്രചരിക്കാൻ തുടങ്ങിയിട്ടുണ്ട്. വ്യക്തിപരമായ ആവശ്യത്തിനാണ് രാഹുലിന്‍റെ യാത്രയെന്നും സൂചനയുണ്ട്. .

Also Read- കാര്‍ഷിക പ്രക്ഷോഭങ്ങൾക്ക് പിന്തുണ; എൻഡിഎ വിട്ട് രാഷ്ട്രീയ ലോക് താന്ത്രിക് പാർട്ടി

ഇത്തവണ പാർട്ടിയുടെ സ്ഥാപനക ദിനത്തിൽ പ്രത്യേകം ഊന്നൽ നൽകുന്നത്, പാർട്ടി പിന്തുണയോടെ നടക്കുന്ന കർഷക പ്രതിഷേധത്തിലായിരിക്കുമെന്ന് കോൺഗ്രസ് വൃത്തങ്ങൾ ഏറെക്കുറെ വ്യക്തമാക്കി കഴിഞ്ഞു. കർഷകരുടെ പ്രതിഷേധവുമായി ബന്ധപ്പെട്ട് സർക്കാരിനും പ്രധാനമന്ത്രി മോദിക്കും നേരെയുള്ള വിമർശനം കഴിഞ്ഞ ദിവസവും രാഹുൽ നടത്തിയിരുന്നു.

1885 ഡിസംബർ 28 നാണ് ഇന്ത്യൻ നാഷണൽ കോൺഗ്രസ് രൂപീകൃതമായത്. ആദ്യ സെഷൻ ഡിസംബർ 28 മുതൽ ഡിസംബർ 31 വരെ ബോംബെയിൽ നടന്നു. മേഷ് ചന്ദ്ര ബാനർജി ആയിരുന്നു കോൺഗ്രസിന്റെ ആദ്യ പ്രസിഡന്റ്.