കശ്മീരിനെ കീറിമുറിച്ചല്ല ദേശീയോദ്ഗ്രഥനം പരിപോഷിപ്പിക്കേണ്ടത്: രാഹുൽ ഗാന്ധി

ന്യൂഡൽഹി: ജമ്മു കാശ്മീരിനെ കീറിമുറിച്ചല്ല ദേശീയോദ്ഗ്രഥനം പരിപോഷിപ്പിക്കേണ്ടതെന്ന് കോൺഗ്രസ് മുൻ അധ്യക്ഷൻ രാഹുൽ ഗാന്ധി. ആർട്ടിക്കിൾ 370 റദ്ദാക്കി, കാശ്മീരിനെ വിഭജിച്ച് കേന്ദ്ര ഭരണ പ്രദേശമാക്കിയ കേന്ദ്ര സർക്കാർ തീരുമാനത്തിനെതിരെയാണ് രാഹുലിന്റെ പ്രതികരണം.

Also Read-ആർട്ടിക്കിൾ 370 ; അറിയേണ്ടതെല്ലാം

'ഏകപക്ഷീയമായി കാശ്മീരിനെ കീറിമുറിച്ച്, തെരഞ്ഞെടുക്കപ്പെട്ട ജനപ്രതിനിധികളെ ജയിലിൽ അടച്ച് ഭരണഘടനാ ലംഘനം നടത്തിയല്ല ദേശീയോദ്ഗ്രഥനം പരിപോഷിപ്പിക്കേണ്ടത്.. ഈ ദേശം ഇവിടുത്തെ ജനങ്ങളാൽ നിർമ്മിക്കപ്പെട്ടതാണ്.. അല്ലാതെ തുണ്ട് ഭൂമികൾ കൊണ്ടല്ല.. ഈ അധികാര ദുർവിനിയോഗം നമ്മുടെ ദേശീയ സുരക്ഷയിൽ ഗുരുതര പ്രത്യാഘാതങ്ങളാകും സൃഷ്ടിക്കുക.. ' രാഹുൽ ട്വിറ്ററിൽ കുറിച്ചു.. വിഷയത്തിൽ ഇതാദ്യമായാണ് രാഹുൽ ഗാന്ധി പ്രതികരിക്കുന്നത്.

National integration isn’t furthered by unilaterally tearing apart J&K, imprisoning elected representatives and violating our Constitution. This nation is made by its people, not plots of land.

This abuse of executive power has grave implications for our national security.

— Rahul Gandhi (@RahulGandhi) August 6, 2019

കശ്മീരിന് പ്രത്യേക അധികാരം നൽകുന്ന ആർട്ടിക്കിൾ 370 റദ്ദാക്കിക്കൊണ്ടുള്ള വിജ്ഞാപനം കഴി‍ഞ്ഞ ദിവസമാണ് കേന്ദ്ര ആഭ്യന്തരമന്ത്രി അമിത് ഷാ രാജ്യസഭയിൽ അവതരിപ്പിച്ചത്. കശ്മീരിനെ വിഭജിച്ച് കേന്ദ്ര ഭരണ പ്രദേശമാക്കാനുള്ള പ്രമേയവവും അവതരിപ്പിച്ചിരുന്നു.