Shocking | മൃതദേഹത്തിനും രക്ഷയില്ല; ചുണ്ടും ചെവിയും എലി കടിച്ചുതിന്നു

പിറ്റേദിവസം പോസ്റ്റ്‌മോർട്ടത്തിനായി മാറ്റുന്നതിന് മുമ്പ് മരിച്ചയാളുടെ ബന്ധു മോർച്ചറിയിലെത്തിയപ്പോഴാണ് മൃതദേഹത്തിൽ രക്തം കണ്ടത്.

News18 Malayalam | news18-malayalam
Updated: August 1, 2020, 8:55 PM IST
Shocking | മൃതദേഹത്തിനും രക്ഷയില്ല; ചുണ്ടും ചെവിയും എലി കടിച്ചുതിന്നു
news18
  • Share this:
ന്യൂഡൽഹി: ആശുപത്രി മോർച്ചറിയിൽ സൂക്ഷിച്ചിരുന്ന മുൻ സൈനിക ഉദ്യോഗസ്ഥന്‍റെ ഭാര്യയുടെ മൃതദേഹം എലി കടിച്ച് വികൃതമാക്കിയ നിലയിൽ. പഞ്ചാബിലെ മൊഹാലിയിലാണ് സംഭവം. വിരമിച്ച കേണൽ അമർജിത് സിങ്ങിന്റെ ഭാര്യയുടെ മൃതദേഹത്തിന്‍റെ ചുണ്ടും ചെവിയുമാണ് എലി കടിച്ചുതിന്നത്.

ഹൃദയചികിത്സയ്ക്കായാണ് അമർജിത് സിങ്ങിന്‍റെ ഭാര്യയായ യുവതിയെ ആശുപത്രിയിൽ പ്രവേശിപ്പിച്ചത്. എന്നാൽ ഓപ്പറേഷന് മുമ്പ് അവർ മരിച്ചു. തുടർന്ന് മരിച്ച സ്ത്രീയുടെ മൃതദേഹം ആശുപത്രി മോർച്ചറിയിൽ സൂക്ഷിക്കുകയായിരുന്നു.

പിറ്റേദിവസം മൃതദേഹം പോസ്റ്റ്‌മോർട്ടത്തിനായി മാറ്റുന്നതിന് മുമ്പ് മരിച്ചയാളുടെ ബന്ധു മോർച്ചറിയിലെത്തിയപ്പോഴാണ് മൃതദേഹത്തിൽ രക്തം കണ്ടത്.

വിശദമായ പരിശോധനയിൽ മൃതദേഹത്തിന്‍റെ ചെവിയും ചുണ്ടും കടിച്ചുമുറിച്ചു വികൃതമാക്കിയ നിലയിലായിരുന്നു. എലി കടിച്ചുമുറിച്ചതാണെന്ന് വ്യക്തമായതിനെ തുടർന്ന് വീട്ടുകാർ ഉടൻ തന്നെ ആശുപത്രിക്കെതിരെ പരാതി നൽകി.

മൊഹാലിയിലെ സ്വകാര്യ ആശുപത്രി അധികൃതരുടെ അശ്രദ്ധയും തെറ്റായ ചികിത്സയും മൂലമാണ് 51 കാരിയായ ജസ്ജോത് കൌർ മരിച്ചതെന്ന് ബന്ധുക്കൾ പറയുന്നു. പോസ്റ്റ്‌മോർട്ടം റിപ്പോർട്ട് പുറത്തുവന്നതോടെ ബന്ധുക്കളുടെ ആരോപണം ശരിയാണെന്ന് തെളിഞ്ഞു.
TRENDING:Unlock 3.0 | അൺലോക്ക് 3.0 ഇന്നുമുതൽ; രാജ്യം വീണ്ടും തുറക്കുമ്പോൾ മാറ്റം എന്തൊക്കെ?[NEWS]കുറുനരി മോഷ്ടിക്കരുത്.....!! കുറുനരി ശരിക്കും മോഷ്ടിച്ചു അതും നൂറോളം ചെരിപ്പുകൾ[NEWS]സംസ്ഥാനത്ത് ആദ്യം കോവിഡ് ബാധിച്ചു മരിച്ച പൊലീസ് ഉദ്യോഗസ്ഥന് രോഗം സമ്പർക്കത്തിലൂടെ; ഭാര്യയും മക്കളും രോഗബാധിതർ[NEWS]
മൊഹാലിയിലെ സിന്ധു ആശുപത്രിയിലാണ് സംഭവം. വിരമിച്ച കേണൽ അമർജിത് സിങ്ങിന്റെ ഭാര്യയായിരുന്നു മരിച്ച ജസ്ജോത് കൌർ. ആശുപത്രി അധികൃതർക്കെതിരായ പരാതിയിൽ പൊലീസ് അന്വേഷണം ആരംഭിച്ചു.
Published by: Anuraj GR
First published: August 1, 2020, 8:18 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading