'പ്ലാസ്റ്റിക് ബാഗിന് പകരം തുണി സഞ്ചി ഉപയോഗിക്കണം'; മന്‍ കീ ബാത്തില്‍ പ്രധാനമന്ത്രി നരേന്ദ്രമോദി

ന്യൂഡല്‍ഹി: രാജ്യത്തെ ജനങ്ങള്‍ പാസ്റ്റിക് ബാഗുകള്‍ ഉപേക്ഷിച്ച് തുണിസഞ്ചികള്‍ ഉപയോഗിക്കാന്‍ തയാറാകണമെന്ന് ആഹ്വാനം ചെയ്ത് പ്രധാനമന്ത്രി നരേന്ദ്രമോദി. സ്വച്ഛ് ഭാരത് പദ്ധതിയുടെ ഏറ്റവും പ്രധാനപ്പെട്ട ഘട്ടങ്ങളിൽ ഒന്നാണ് മാലിന്യ സംസ്കരണമെന്ന് തന്‍റെ മാസാന്ത്യ റേഡിയോ പരിപാടിയായ  മൻ കീ ബാത്തിലൂടെ ജനങ്ങളോട് പറഞ്ഞു.  ശുചീകരണ യജ്ഞങ്ങളിൽ ബഹുജന പങ്കാളിത്തം ഉറപ്പാക്കാനും ജനങ്ങളിൽ ശുചിത്വ ബോധം വളർത്താനും സ്വച്ഛ് ഭാരത് വലിയ തോതിൽ പ്രയോജനപ്പെട്ടുവെന്നും പ്രധാനമന്ത്രി പറഞ്ഞു.

Also Read – ‘എന്റെ ഇന്നിങ്സ് ഇതോടെ അവസാനിക്കും, ഭാരത് ജോഡോ യാത്രാ നിർണായക വഴിത്തിരിവ്’: സോണിയാ ഗാന്ധി

പ്ലാസ്റ്റിക് നിർമാർജ്ജനത്തിൽ രാജ്യത്തെ സ്ത്രീകൾ വലിയ തോതിൽ പങ്കാളികളാകുന്നുണ്ട്. പാൽക്കവറുകളിൽ നിന്നും മറ്റ് പ്ലാസ്റ്റിക് വസ്തുക്കളിൽ നിന്നും കൂടകളും മൊബൈൽ സ്റ്റാൻഡുകളും നിർമ്മിക്കുന്ന വനിതാ സ്വയം സഹായ സംഘങ്ങളെ പ്രധാനമന്ത്രി അനുമോദിച്ചു.

ഇന്ത്യൻ നിർമ്മിത കളിപ്പാട്ടങ്ങൾ പ്രചരിപ്പിക്കണമെന്ന തന്‍റെ ആഹ്വാനത്തോട് മികച്ച പ്രതികരണമായിരുന്നു ജനങ്ങളില്‍ നിന്ന് ലഭിച്ചത്.  അതിന് ഏവരോടും നന്ദി അറിയിക്കുകയാണെന്നും പ്രധാനമന്ത്രി പറഞ്ഞു. മന്‍ കീ ബാത്തിലൂടെ എല്ലാവര്‍ക്കും ഹോളി ആശംസകള്‍ നേര്‍ന്ന മോദി ‘വോക്കൽ ഫോർ ലോക്കൽ‘ എന്ന ആശയം മനസ്സിൽ ഉറപ്പിച്ച് വേണം നമ്മുടെ ആഘോഷങ്ങളെന്നും ജനങ്ങളെ  ഓർമ്മിപ്പിച്ചു.