Ayodhya Verdict | അയോധ്യ വിധി: 'ഇന്ത്യയിലെ നിയമ സംവിധാനം ശക്തമെന്ന് ലോകത്തെ ബോധ്യപ്പെടുത്തിയ ദിനം'; പ്രധാനമന്ത്രി

Ayodhya | എത്ര വലിയ പ്രതിസന്ധിയും നിയമത്തിലൂടെ മറികടക്കാനാകുമെന്നതിന് തെളിവാണ് ഈ വിധി.

News18 Malayalam | news18-malayalam
Updated: November 9, 2019, 6:25 PM IST
Ayodhya Verdict | അയോധ്യ വിധി: 'ഇന്ത്യയിലെ നിയമ സംവിധാനം ശക്തമെന്ന് ലോകത്തെ ബോധ്യപ്പെടുത്തിയ ദിനം'; പ്രധാനമന്ത്രി
News18
  • Share this:
ന്യൂഡല്‍ഹി: അയോധ്യ തര്‍ക്കത്തില്‍ സുപ്രീം കോടതി പുറപ്പെടുവിച്ചത് ചരിത്ര വിധിയെന്ന് പ്രധാനമന്ത്രി നരേന്ദ്ര മോദി. ദശകങ്ങളായി നിലനില്‍ക്കുന്ന തര്‍ക്കത്തിനാണ് കോടതി വിധിയിലൂടെ പരിഹാരമായത്. തുറന്ന മനസോടെ രാജ്യം വിധിയെ സ്വാഗതം ചെയ്യുന്നു. ഏകതയുടെ സന്ദേശമാണ് കോടതി വിധി നല്‍കുന്നതെന്നും പ്രധാനമന്ത്രി പറഞ്ഞു. അയോധ്യ വിധിക്ക് പിന്നാലെ രാജ്യത്തെ അഭിസംബോധന ചെയ്ത് പ്രസംഗിക്കുകയായിരുന്നു പ്രധാനമന്ത്രി.

രാജ്യത്തെ നിയമ സംവിധാനം ശക്തമാണെന്ന് ലോകത്തെ ബോധ്യപ്പെടുത്തിയ ദിവസമാണിത്. ലോകം മുഴുവന്‍ ഈ വിധിയെ തുറന്ന മനസോടെ സ്വീകരിച്ചു. ചരിത്രത്തിലെ സുവര്‍ണ അധ്യായമാണ് ഈ വിധി. വിഭാഗീയതുടെ പ്രതീകമായ ബർലിൻ മതിൽ പൊളിച്ചതിന്റെ വാർഷിക ദിനത്തിലാണ് സുപ്രീം കോടതി മതനിരപേക്ഷത ഊട്ടിയുറപ്പിക്കുന്ന വിധി പ്രസ്താവിച്ചത്. എത്ര വലിയ പ്രതിസന്ധിയും നിയമത്തിലൂടെ മറികടക്കാനാകുമെന്നതിന് തെളിവാണ് ഈ വിധി. ജുഡീഷ്യറിയുടെ സുതാര്യത ഊട്ടിയുറപ്പിക്കുന്ന വിധിയാണ് അയോധ്യ തർക്ക വിഷയത്തിൽ ഉണ്ടായതെന്നും പ്രധാനമന്ത്രി പറഞ്ഞു.

Also Read തർക്ക ഭൂമി ഹിന്ദുക്കൾക്ക്; മുസ്ലിംകൾക്ക് പകരം ഭൂമി; ചരിത്ര വിധിയിലെ 10 കാര്യങ്ങൾ

രാമ ക്ഷേത്ര നിര്‍മാണത്തിന് കോടതി അനുമതി നല്‍കിയിട്ടുണ്ട്. ഇത് നവ രാഷ്ട്ര നിര്‍മാണത്തിന് കൂടിയുള്ള സമയമാണ്. എല്ലാവരും നിയമവ്യവസ്ഥയില്‍ വിശ്വസിക്കണമെന്നും പ്രധാനമന്ത്രി ആഹ്വാനം ചെയ്തു.

 

 
First published: November 9, 2019, 6:25 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading