നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • india
    • »
    • Mullaipperiyar Dam | നവംബര്‍ 11 വരെ ജലനിരപ്പ് 139.5 അടിയായി നിലനിര്‍ത്തണം; സുപ്രീംകോടതി

    Mullaipperiyar Dam | നവംബര്‍ 11 വരെ ജലനിരപ്പ് 139.5 അടിയായി നിലനിര്‍ത്തണം; സുപ്രീംകോടതി

    തമിഴ്‌നാടിന്റെ റൂള്‍ കര്‍വ് അനുസരിച്ച് മുന്നോട്ട് പോകാനാവില്ലെന്നും കേരളം നിലപാടറിയിച്ചു.

    മുല്ലപ്പെരിയാര്‍

    മുല്ലപ്പെരിയാര്‍

    • Share this:
      ന്യൂഡല്‍ഹി: നവംബര്‍ 11വരെ മുല്ലപ്പെരിയാറിലെ(Mullapperiyar) ജലനിരപ്പ്(Water Level) 139.5 അടിയായി നിലനിര്‍ത്തണമെന്ന് സുപ്രീംകോടതി(Supreme Court). മേല്‍നോട്ട സമിതി അംഗീകരിച്ച റൂള്‍ കേര്‍വ് പ്രകാരം നവംബര്‍ 10 വരെ 139.50 അടിയാണ് പരമാവധി ജലനിരപ്പ്. മുല്ലപ്പെരിയാറില്‍ ജലനിരപ്പ് 142 അടിയാണെങ്കില്‍ കനത്ത മഴയുണ്ടായാലുള്ള നീരൊഴുക്ക് അണക്കെട്ടിന് താങ്ങാനാവില്ലെന്ന് കേരളം സുപ്രീംകോടതിയില്‍ ചൂണ്ടിക്കാട്ടിയിരുന്നു

      കേരളം സമര്‍പ്പിച്ച റൂള്‍ കര്‍വ്വ് പ്രകാരം ഒക്ടോബര്‍ 31 വരെ 136 അടിയായും നവംബര്‍ പത്ത് 138.3 അടിയായും അണക്കെട്ടിലെ ജലനിരപ്പ് ക്രമീകരിക്കാനാണ് നിര്‍ദേശിക്കുന്നത്. 139.5 അടിയായി നവംബര്‍ 11 വരെ ജലനിരപ്പ് നിജപ്പെടുത്താനാണ് തമിഴ്‌നാട് നിര്‍ദേശിച്ചത്.

      തമിഴ്‌നാടിന്റെ റൂള്‍ കര്‍വ് അനുസരിച്ച് മുന്നോട്ട് പോകാനാവില്ലെന്നും കേരളം നിലപാടറിയിച്ചു. മേല്‍നോട്ട സമിതി ഇത്തരം കാര്യങ്ങളില്‍ കൃത്യമായി തീരുമാനമെടുക്കുന്നില്ലെന്ന വിമര്‍ശനം ജസ്റ്റിസ് കന്‍വില്‍ക്കര്‍ ഇന്ന് ഉന്നയിച്ചു.

      നാല് പേജില്‍ എഴുതി നല്‍കിയ വാദമാണ് സംസ്ഥാന സര്‍ക്കാര്‍ ഇന്നു കോടതിയില്‍ നല്‍കിയത്. ഇതുമായി ബന്ധപ്പെട്ട് വിശദമായ സത്യവാങ്മൂലം നവംബര്‍ ഏഴിനകം സമര്‍പ്പിക്കാന്‍ കോടതി നിര്‍ദേശം നല്‍കി.

      Also Read-Cases of Politicians | മന്ത്രിമാരും എംഎല്‍എമാരും പ്രതികളായ 128 കേസുകള്‍ അഞ്ചു വര്‍ഷത്തിനിടെ പിന്‍വലിച്ചു; മുഖ്യമന്ത്രി

      Mullaipperiyar | മുല്ലപ്പെരിയാര്‍ തുറക്കുമ്പോള്‍ ആദ്യം വെള്ളമെത്തുന്നത് വളളക്കടവില്‍; മഴ കനത്താല്‍ ഇടുക്കിയും തുറക്കേണ്ടി വന്നേക്കും

      വൃഷ്ടിപ്രദേശങ്ങളിൽ മഴ കനത്തതോടെ ജലനിരപ്പ് ഉയർന്നതിനാൽ  മുല്ലപ്പെരിയാര്‍ അണക്കെട്ട് നാളെ തുറക്കുമ്പോള്‍ ആദ്യം വെള്ളമെത്തുന്നത് വള്ളക്കടവില്‍. ജനവാസകേന്ദ്രമായ വള്ളക്കടവിലേക്ക് 20 മിനിറ്റ് കൊണ്ടു വെള്ളം ഒഴുകിയെത്തുമെന്നാണ് കക്കുകൂട്ടുന്നത്. വള്ളക്കടവിൽ നിന്നും മഞ്ചുമല, വണ്ടിപ്പെരിയാര്‍, മ്ലാമല, ശാന്തിപ്പാലം, ചപ്പാത്ത്, ആലടി, ഉപ്പുതറ, ആനവിലാസം, അയ്യപ്പന്‍കോവില്‍, കാഞ്ചിയാര്‍ വഴിയാണ് ഇടുക്കി അണക്കെട്ടിലെത്തുന്നത്.

      രാവിലെ ഏഴ് മണിക്ക് അണക്കെട്ടിന്റെ സ്പില്‍വേയിലൂടെ വെള്ളം ഒഴുക്കിവിടുമ്പോൾ വെള്ളം  അയ്യപ്പന്‍ കോവിലില്‍ ഉച്ചയ്ക്ക് 12 മണിക്ക് എത്തും. ഇടുക്കി ഡാമില്‍നിന്ന് 35 കി.മീ അകലെയാണ് അയ്യപ്പൻ കോവിൽ സ്ഥിതി ചെയ്യുന്നത്.ഇടുക്കി അണക്കെട്ടിലെ ജലനിരപ്പുയർന്നാണ് ചെറുതോണി അണക്കെട്ടിലൂടെ വെള്ളം  പെരിയാറ്റിലേക്ക് ഒഴുക്കും.എന്നാൽ കഴിഞ്ഞയാഴ്ച ഷട്ടറുകൾ തുറന്നതിനാൽ  ഇടുക്കിയിൽ നിന്നും നിന്നും വെള്ളം ഇനിയും  ഒഴുക്കി വിടേണ്ടത് ഇല്ലെന്നാണ് നിഗമനം .

      ഏലപ്പാറ, ഉപ്പുതറ, പെരിയാര്‍, മഞ്ചുമല, അയ്യപ്പന്‍ കോവില്‍, കാഞ്ചിയാര്‍, ആനവിലാസം എന്നിവിടങ്ങളില്‍നിന്ന് 3,220 പേരെയാണ് മാറ്റിപ്പാര്‍പ്പിക്കേണ്ടിവരിക. മുല്ലപ്പെരിയാര്‍ അണക്കെട്ടിലേക്ക് നിലവില്‍ സെക്കന്‍ഡില്‍  5,800 ഘനയടി വെള്ളമാണ് ഒഴുകിയെത്തുന്നത്. ഇതില്‍ 2,300 ഘനയടിവെള്ളം തമിഴ്‌നാട് കൊണ്ടുപോകുന്നുണ്ട്. സ്പില്‍വേ ഷട്ടറുകള്‍ നാളെ രാവിലെ ഏഴു മണിക്ക് ഷട്ടറുകള്‍ തുറക്കുമെന്ന് തമിഴ്‌നാട് അറിയിച്ചിട്ടുണ്ട്.

      മുല്ലപ്പെരിയാര്‍ ഡാം തുറക്കാനുള്ള മുന്നൊരുക്കങ്ങള്‍ പൂര്‍ത്തിയായെന്ന് ജലവിഭവ വകുപ്പ് മന്ത്രി റോഷി അഗസ്റ്റിന്‍ അറിയിച്ചു. ജനങ്ങള്‍ക്ക് ആശങ്ക വേണ്ട. മന്ത്രി ഇന്ന് വൈകിട്ട് മുല്ലപ്പെരിയാര്‍ ഡാം സന്ദര്‍ശിക്കും. 20ഓളം ക്യാമ്പുകള്‍ തയ്യാറാക്കിയിട്ടുണ്ട്. രോഗബാധിതരെയും പ്രായമായവരെയും ആദ്യം മാറ്റും. 20 റവന്യു ഉദ്യോഗസ്ഥര്‍ക്ക് 20 ക്യാമ്പിന്റെ ചുമതല നല്‍കി.

      Also Read-Mullaipperiyar Dam | മുല്ലപ്പെരിയാര്‍ ജലനിരപ്പ് 138.05 അടിയായി; രണ്ടാം മുന്നറിയിപ്പ് നല്‍കി

      ഉദ്യോഗസ്ഥ തലത്തില്‍ പ്രത്യേക ചുമതല നല്‍കി. ആളുകളെ മാറ്റി പാര്‍പ്പിക്കാന്‍ നടപടികള്‍ ആരംഭിച്ചു. ഉദ്യോഗസ്ഥരും തയ്യാറെടുപ്പുകള്‍ പൂര്‍ത്തിയാക്കി. വെള്ളം ഒഴുകിപ്പോകാനുള്ള തടസങ്ങള്‍ നീക്കി. പെരിയാര്‍ തീരത്തുള്ളവരുടെ സുരക്ഷ ഉറപ്പുവരുത്തും. വാഹനങ്ങളും മണ്ണുമാന്തി യന്ത്രങ്ങളും സജ്ജമാണ്.
      മുല്ലപ്പെരിയാര്‍ ഡാം തുറക്കാനുള്ള എല്ലാ മുന്നൊരുക്കങ്ങളും പൂര്‍ത്തിയായെന്ന് റവന്യു മന്ത്രി കെ രാജനും അറിയിച്ചു. തമിഴ്‌നാട് കൂടുതല്‍ വെള്ളം കൊണ്ടുപോകുന്നുണ്ട്. 20 റവന്യു ഉദ്യോഗസ്ഥന്മാര്‍ക്ക് 20 ക്യാമ്പുകളുടെ ചുമതല നല്കിയിട്ടുണ്ട്. കൊവിഡ് ബാധിതര്‍ക്കും നിരീക്ഷണത്തില്‍ ഉള്ളവര്‍ക്കും പ്രത്യേക ക്യാമ്പുകള്‍ സജ്ജമാണെന്ന് മന്ത്രി കെ രാജന്‍  പറഞ്ഞു. കൂടാതെ സമൂഹമാധ്യമങ്ങളിലൂടെയുള്ള അനാവശ്യ പ്രചാരണങ്ങള്‍ ഒഴിവാക്കണമെന്നും തെറ്റായ വിവരങ്ങള്‍ പ്രചരിപ്പിച്ചാല്‍ കര്‍ശന നിയമനടപടിയെന്നും അദ്ദേഹം കൂട്ടിച്ചേര്‍ത്തു.
      അതേസമയം മുല്ലപ്പെരിയാര്‍ അണക്കെട്ടിലെ ജലനിരപ്പ് 138 അടി പിന്നിട്ടതോടെ  ജില്ലാ ഭരണകൂടം രണ്ടാമത്തെ മുന്നറിയിപ്പ്പുറപ്പെടുവിച്ചു. അണക്കെട്ടിന്റെ വൃഷ്ടി പ്രദേശത്ത് ഇന്നലെ വൈകിട്ട് ശക്തമായ മഴ പെയ്തിരുന്നു. തമിഴ്‌നാട് കൊണ്ടുപോകേണ്ട വെള്ളത്തിന്റെ അളവ് 2300 ഘനയടിയായി തുടരുന്നു. പൊൻസ്റ്റോക്ക് പൈപ്പിനൊപ്പം ഇറച്ചിൽ പാലം വഴിയും വെള്ളം കൊണ്ടു പോകുന്നുണ്ട്.
      Published by:Jayesh Krishnan
      First published:
      )}