• HOME
  • »
  • NEWS
  • »
  • india
  • »
  • ഛത്തീസ്ഗഢിൽ മാവോയിസ്റ്റുകൾ രണ്ട് പൊലീസ് ഉദ്യോഗസ്ഥരെ വെടിവെച്ച് കൊന്നു

ഛത്തീസ്ഗഢിൽ മാവോയിസ്റ്റുകൾ രണ്ട് പൊലീസ് ഉദ്യോഗസ്ഥരെ വെടിവെച്ച് കൊന്നു

നാലോ അഞ്ചോ പേരടങ്ങുന്ന മാവോയിസ്റ്റ് സംഘം ഇവർക്ക് നേരെ വെടിയുതിർക്കുകയായിരുന്നു.

ഫയല്‍ ചിത്രം

ഫയല്‍ ചിത്രം

  • News18
  • Last Updated :
  • Share this:
    ന്യൂഡൽഹി: ഛത്തീസ്ഗഢിലെ ബിജാപൂരിൽ മാവോയിസ്റ്റുകൾ രണ്ട് പൊലീസ് ഉദ്യോഗസ്ഥരെ വെടിവെച്ച് കൊന്നു. രണ്ട് പ്രദേശവാസികള്‍ക്ക് പരുക്കേറ്റു. ബിജാപൂർ ജില്ലാ സേനയിലെ അരവിന്ദ് മിന്‍ജ്, സുക്കു ഹബ്ക എന്നിവരാണ് കൊല്ലപ്പെട്ടത്. പാമേദ് പൊലീസ് സ്റ്റേഷനു സമീപംവെച്ചാണ് ആക്രമണം ഉണ്ടായതെന്ന് എസ്പി ഗോവർദ്ധൻ താക്കൂര്‍ പറഞ്ഞു.

    also read: ഗുണനിലവാരമില്ല; ജോൺസൺ ആൻഡ് ജോൺസൺസ് ബേബി ഷാംപുവിന്‍റെ വിൽപ്പന തടഞ്ഞു

    രണ്ട് പ്രദേശവാസികളും രണ്ട് പൊലീസ് ഉദ്യേഗസ്ഥരും മോട്ടോർ ബൈക്കിൽ തിപ്പാപുരം ഗ്രാമത്തിലേക്ക് പോകുന്നതിനിടെയാണ് ആക്രമണം ഉണ്ടായത്. നാലോ അഞ്ചോ പേരടങ്ങുന്ന മാവോയിസ്റ്റ് സംഘം ഇവർക്ക് നേരെ വെടിയുതിർക്കുകയായിരുന്നു.

    രണ്ട് പൊലീസ് ഉദ്യോഗസ്ഥരും സംഭവ സ്ഥലത്തുവെച്ച് തന്നെ കൊല്ലപ്പെട്ടു. പരുക്കേറ്റവരെ പ്രദേശവാസികളാണ് ആശുപത്രിയിലെത്തിച്ചത്. ഇവരിൽ ഒരാളുടെ നില ഗുരുതരമാണ്.
    First published: