News 18 Budget Day Exclusive LIVE: ജനങ്ങളുടെ വാങ്ങൽ ശേഷി കൂട്ടുകയാണ് ലക്ഷ്യം: നിർമല സീതാരാമൻ

നികുതി സംബന്ധമായ കാര്യങ്ങൾ കൈകാര്യം ചെയ്യുന്നതിന് ആധുനിക സാങ്കേതികവിദ്യയുടെയും ആർട്ടിഫിഷ്യൽ ഇന്‍റലിജൻസിന്‍റെയും സഹായം ലഭ്യമാക്കും.

നികുതി ചാർട്ടറിൽ ലോകത്തിലെ നാലാമത്തെ രാജ്യമാണ് ഇന്ത്യ. നികുതിദായകരെ ഞങ്ങൾ വിശ്വസിക്കുന്നു. അവരെ സംരക്ഷിക്കുന്ന തരത്തിൽ നിയമമുണ്ടാക്കുന്നത് സർക്കാരിന്‍റെ പരിഗണനയിലാണ്.

"ഇ-കൊമേഴ്‌സ് കമ്പനികൾ വാഗ്ദാനം ചെയ്യുന്ന ഓഫറുകൾ ഇന്ത്യൻ നിർമ്മാതാക്കൾക്കും ചെറുകിട വ്യാപാരികൾക്കും ബുദ്ധിമുട്ട് ഉണ്ടാക്കുന്നതാണ്."

'എയർ ഇന്ത്യ, എസ്‌സി‌ഐ, കോൺ‌കോർ‌ എന്നിവയുടെ ഓഹരി വിറ്റഴിക്കൽ ഈ വർഷം നടക്കും. അടുത്ത വർഷം 2.10 ലക്ഷം കോടി രൂപയാണ് ഓഹരി വിറ്റഴിക്കലിലൂടെ ലക്ഷ്യമിടുന്നത്.'

"സിഎഎ പ്രതിഷേധവും ഇന്ത്യയുടെ പ്രതിച്ഛായയെയോ വിദേശനിക്ഷേപത്തെയോ ബാധിക്കില്ല"

'ഈ സാമ്പത്തികവർഷം അവസാനത്തോടെ നികുതി വരുമാനം വർധിക്കുമെന്ന് പ്രതീക്ഷിക്കുന്നു'

നിർമല സീതാരാമൻ: സമ്പദ്‌വ്യവസ്ഥയ്ക്ക് ഉത്തേജനം നൽകാൻ ആവശ്യമായ എല്ലാ നടപടികളും ഞങ്ങൾ സ്വീകരിക്കുന്നു.

'ബജറ്റിന് മുന്നോടിയായി രാജ്യത്തുടനീളമുള്ള ധാരാളം ആളുകളുമായി ഞാൻ കൂടിക്കാഴ്ച നടത്തിയിട്ടുണ്ട്, നികുതിദായകർക്ക് ഞങ്ങൾ അവരെ ബഹുമാനിക്കുന്നുവെന്ന് ഉറപ്പ് നൽകണമെന്നാണ് അവർ ആഗ്രഹിക്കുന്നത്'- നിർമല സീതാരാമൻ

ആദായനികുതിയിലെ ഇളവുകൾ ഇനിയും തുടരും. ഇത്തരത്തിൽ ലഭിക്കുന്ന പണം മധ്യവർഗക്കാരുടെ കൈകളിലെത്താനാണ് സർക്കാർ ആഗ്രഹിക്കുന്നത്