HOME » NEWS » India » UNION CONSUMER AFFAIRS MINISTER RAM VILAS PASWAN DIES AT DELHI RV

BREAKING| Ram Vilas Paswan Passes Away| കേന്ദ്രമന്ത്രിയും എൽജെപി നേതാവുമായ രാം വിലാസ് പാസ്വാൻ അന്തരിച്ചു

അഞ്ചുപതിറ്റാണ്ടായി രാഷ്ട്രീയത്തിൽ സജീവം. വിടവാങ്ങുന്നത് രാജ്യത്തെ പ്രധാന ദളിത് നേതാക്കളിൽ ഒരാൾ.

News18 Malayalam | news18-malayalam
Updated: October 8, 2020, 9:24 PM IST
BREAKING| Ram Vilas Paswan Passes Away| കേന്ദ്രമന്ത്രിയും എൽജെപി നേതാവുമായ രാം വിലാസ് പാസ്വാൻ അന്തരിച്ചു
രാംവിലാസ് പാസ്വാൻ
  • Share this:
ന്യൂ‍ഡൽഹി: കേന്ദ്രമന്ത്രിയും ലോക് ജനശക്തി പാർട്ടി നേതാവുമായ രാംവിലാസ് പാസ്വാൻ അന്തരിച്ചു. 74 വയസായിരുന്നു. നരേന്ദ്ര മോദി മന്ത്രിസഭയിൽ ഭക്ഷ്യം, പൊതുവിതരണം, ഉപഭോക്തൃകാര്യം വകുപ്പുകളുടെ ചുമതലയായിരുന്നു അദ്ദേഹത്തിന്. അടുത്തിടെ ഡൽഹി ഫോർടിസ് ആശുപത്രിയിൽ ഹൃദയശസ്ത്രക്രിയക്ക് വിധേയനായിരുന്നു.

കഴിഞ്ഞ് അഞ്ച് പതിറ്റാണ്ടിലേറെയായി ദേശീയ രാഷ്ട്രീയത്തിലടക്കം സജീവ സാന്നിധ്യമായിരുന്നു പാസ്വാൻ. രാജ്യത്തെ ഏറ്റവും ശ്രദ്ധേയരായ ദളിത് നേതാക്കളിൽ ഒരാളാണ് അദ്ദേഹം. പാർട്ടി അധ്യക്ഷനായ മകൻ ചിരാഗ് പാസ്വാനാണ് അദ്ദേഹത്തിന്റെ മരണവിവരം ട്വിറ്ററിലൂടെ അറിയിച്ചത്.

Also Read- ടിആര്‍പി റേറ്റിങ്ങില്‍ തട്ടിപ്പ്; റിപ്പബ്ലിക് ടിവി ഉള്‍പ്പെടെ 3 ചാനലുകള്‍ക്കെതിരെ അന്വേഷണം

1946 ജൂലൈ അഞ്ചിന് കിഴക്കൻ ബിഹാറിലെ ഖാഗരിയയിലെ ഷഹർബാനി ഗ്രാമത്തിലാണ് രാംവിലാസ് പാസ്വാൻ ജനിച്ചത്. നിയമത്തിൽ ബിരുദം സ്വന്തമാക്കിയശേഷം ബിഹാർ സിവിൽ സർവീസ് പരീക്ഷയും വിജയിച്ചു. പൊലീസ് ഡെപ്യൂട്ടി സൂപ്രണ്ട് ആയി നിയമനം ലഭിച്ചെങ്കിലും ജോലിയിൽ പ്രവേശിക്കാതെ രാഷ്ട്രീയത്തിലേക്കിറങ്ങുകയായിരുന്നു. 1969ൽ ബിഹാർ നിയമസഭയിലേക്ക് തെരഞ്ഞെടുക്കപ്പെട്ടു.

Also Read- കൊറോണയ്ക്കെതിരെ യോജിച്ച പോരാട്ടത്തിന് പ്രധാനമന്ത്രിയുടെ ആഹ്വാനം

എട്ടുതവണ ലോക്സഭാംഗമായിരുന്നു. അടിയന്തരാവസ്ഥക്കാലത്ത് ജയിൽവാസവും അനുഷ്ഠിച്ചു. സംയുക്ത സോഷ്യലിസ്റ്റ് പാർട്ടിയിലൂടെയായിരുന്നു രാഷ്ട്രീയ പ്രവേശനം. 1977ലാണ് ജനതാപാർട്ടി അംഗമായി ആദ്യമായി ലോക്സഭയിലെത്തി. ബിഹാറിലെ ഹാജിപൂർ മണ്ഡലത്തിൽ പിന്നീട് തുടർച്ചയായി അഞ്ചുതവണ തെരഞ്ഞെടുക്കപ്പെട്ടു. 2000ൽ എൽജെപിക്ക് രൂപം നൽകി. 2004ൽ കോൺഗ്രസ് നേതൃത്വത്തിലുള്ള യുപിഎ മുന്നണയില്‍ ചേർന്നു. അഞ്ചുപ്രധാനമന്ത്രിമാർക്ക് കീഴിൽ കേന്ദ്രമന്ത്രിസ്ഥാനം വഹിച്ചു. രാംവിലാസ് പാസ്വാന്റെ പാർട്ടി എല്ലാ മുന്നണിയിലും ഭാഗമായിട്ടുണ്ട്.
Published by: Rajesh V
First published: October 8, 2020, 9:06 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories