K Surendran | അമിത് ഷാ ഏപ്രിൽ 29 ന് കേരളത്തിൽ; മതഭീകരവാദം സംബന്ധിച്ച് വിവരം നല്‍കും: കെ സുരേന്ദ്രൻ

തിരുവനന്തപുരം: കേന്ദ്ര ആഭ്യന്തര മന്ത്രി അമിത് ഷാ (Amit Shah)ഈ മാസം 29ന് കേരളത്തിൽ എത്തുമെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ(K Surendran). കേരളത്തിലെ മതഭീകരവാദത്തിനെതിരായ പോരാട്ടത്തിന് ആസൂത്രണ പരിപാടികൾ നടത്താനാണ് ബിജെപിയുടെ തീരുമാനം. അമിത് ഷായുടെ സാന്നിധ്യത്തിലാകും സൂത്രണങ്ങള്‍ നടത്തുകയെന്നും സുരേന്ദ്രന്‍ വ്യക്തമാക്കി.

പാര്‍ട്ടി നേതൃ യോഗത്തില്‍ പങ്കെടുക്കാനായാണ് അമിത് ഷാ കേരളത്തിൽ എത്തുന്നത്. കേരളത്തിലെ പ്രചരണത്തിന്റേയും പ്രക്ഷോഭത്തിന്റേയും പദ്ധതികള്‍ തയ്യാറാക്കും. കേരളത്തില്‍ വര്‍ധിച്ചുവരുന്ന മതഭീകരവാദം സംബന്ധിച്ച് അമിത് ഷായ്ക്ക് വിവരിച്ച് നല്‍കുമെന്നും സുരേന്ദ്രൻ പറ‍ഞ്ഞു.
Also Read- 'പോപ്പുലര്‍ ഫ്രണ്ടിനെ സിപിഎം സഹായിക്കുന്നു; ആഭ്യന്തര വകുപ്പ് പൂര്‍ണ പരാജയം'; കെ സുരേന്ദ്രന്‍

ക്രൈസ്തവ സമൂഹത്തില്‍ നിന്ന് ആയിരകണക്കിന് പെണ്‍കുട്ടികളെ മതംമാറ്റി ഭീകരവാദത്തിന് അയക്കുന്ന ലൗ ജിഹാദടക്കം തുടരുകയാണ്. ഏതെങ്കിലും ഒരു സമുദായത്തിനെതിരെ മാത്രമല്ല. കേരളത്തിന്റെ പൊതുസമൂഹത്തിനാകെ ഭീഷണിയായിട്ടുള്ള വര്‍ഗീയതക്കും മതഭീകരവാദത്തിനും എതിരായ പോരാട്ടത്തിനുള്ള ആസൂത്രണമാകും നടത്തുകയെന്നും സുരേന്ദ്രന്‍ പറഞ്ഞു.