• HOME
  • »
  • NEWS
  • »
  • india
  • »
  • Amit Shah Interview | 'യുപി രാഷ്ട്രീയവും ഭീകരവാദവും സിഎഎയും': അമിത് ഷാ അഭിമുഖത്തിൽ പറഞ്ഞ 10 കാര്യങ്ങൾ

Amit Shah Interview | 'യുപി രാഷ്ട്രീയവും ഭീകരവാദവും സിഎഎയും': അമിത് ഷാ അഭിമുഖത്തിൽ പറഞ്ഞ 10 കാര്യങ്ങൾ

ഉത്തർപ്രദേശ് രാഷ്ട്രീയം, ഉത്തർപ്രദേശിലെ ഭീകരവാദ വിഷയങ്ങൾ, സിഎഎ എന്നിവയിലെല്ലാം അമിത് ഷാ നിലപാട് വ്യക്തമാക്കുന്നുണ്ട്. അമിത് ഷാ അഭിമുഖത്തിൽ പറഞ്ഞ 10 കാര്യങ്ങൾ എന്തൊക്കെയെന്ന് നോക്കാം.

അമിത് ഷാ

അമിത് ഷാ

  • Share this:
    ന്യൂഡൽഹി: ഇന്ത്യൻ രാഷ്ട്രീയത്തിൽ (Indian Politics) ഏവരും ഉറ്റുനോക്കുന്ന അഞ്ച് സംസ്ഥാനങ്ങളിലെ നിയമസഭാ തെരഞ്ഞെടുപ്പ് പുരോഗമിക്കുകയാണ്. ഉത്തർപ്രദേശിൽ (Uttarpradesh Assembly Election 2022) മൂന്ന് ഘട്ടം വോട്ടെടുപ്പ് പൂർത്തിയായി കഴിഞ്ഞു. ഇനി നാല് ഘട്ടം കൂടി ബാക്കിയുണ്ട്. പഞ്ചാബ്, ഗോവ, ഉത്തരാഖണ്ഡ്, മണിപ്പുർ സംസ്ഥാനങ്ങളിൽ നടക്കുന്ന തെരഞ്ഞെടുപ്പ് ഭരണകക്ഷിയായ ബിജെപിക്കും (BJP) പ്രതിപക്ഷകക്ഷികൾക്കും ഒരുപോലെ നിർണായകമാണ്. ഈ ഘട്ടത്തിലാണ് ആഭ്യന്തരമന്ത്രി അമിത് ഷായുമായി (Amit Shah) നെറ്റ്‌വർക്ക് 18 എംഡിയും ഗ്രൂപ്പ് എഡിറ്റർ-ഇൻ-ചീഫുമായ രാഹുൽ ജോഷി നടത്തിയ അഭിമുഖം ഏറെ ശ്രദ്ധേയമാകുന്നത്. ഉത്തർപ്രദേശ് രാഷ്ട്രീയം, ഉത്തർപ്രദേശിലെ ഭീകരവാദ വിഷയങ്ങൾ, സിഎഎ എന്നിവയിലെല്ലാം അമിത് ഷാ നിലപാട് വ്യക്തമാക്കുന്നുണ്ട്. അമിത് ഷാ അഭിമുഖത്തിൽ പറഞ്ഞ 10 കാര്യങ്ങൾ എന്തൊക്കെയെന്ന് നോക്കാം.

    1. യുപി തിരഞ്ഞെടുപ്പും കർഷക സമരവും

    ബിജെപി സർക്കാരിനെതിരെ കർഷകർ നടത്തിയ സമരത്തിൽ അമിത് ഷാ നിലപാട് വ്യക്തമാക്കി. കർഷകർക്കിടയിൽ രോഷമില്ലെന്നും അടുത്തിടെ റദ്ദാക്കിയ കാർഷിക നിയമത്തിനെതിരെ കർഷകർ നടത്തിയ പ്രക്ഷോഭത്തിൽ ബിജെപിയോട് ആർക്കും ദേഷ്യമില്ലെന്നും പ്രതിപക്ഷത്തിന്റെ വിമർശനത്തിന് അമിത് ഷാ മറുപടി നൽകി. കർഷകർക്കിടയിൽ മിഥ്യാധാരണകൾ സൃഷ്ടിക്കാനാണ് പ്രതിപക്ഷം ശ്രമിക്കുന്നതെന്നും എന്നാൽ കർഷകർ ബിജെപിക്ക് പിന്നിലാണെന്നും അദ്ദേഹം പറഞ്ഞു. യുപി തെരഞ്ഞെടുപ്പിൽ കർഷക മുന്നേറ്റത്തിന് സ്വാധീനമില്ലെന്നും ബിജെപി വൻ ഭൂരിപക്ഷത്തോടെ അധികാരത്തിൽ തിരിച്ചെത്തുമെന്നും ഷാ പറഞ്ഞു.

    2. സിഎഎ

    മോദി സർക്കാർ സി‌എ‌എ എപ്പോൾ നടപ്പാക്കുമെന്ന ചോദ്യത്തിന്, കൊറോണയിൽ നിന്ന് പൂർണ്ണമായ കരകയറിയതിന് ശേഷം മാത്രമേ സി‌എ‌എയിൽ തീരുമാനമെടുക്കൂവെന്ന് അമിത് ഷാ പറഞ്ഞു. ഏത് സാഹചര്യത്തിലും CAA നടപ്പിലാക്കും. സി‌എ‌എയിൽ നിന്ന് പിന്നോട്ട് പോകുന്ന പ്രശ്നമില്ലെന്നും അദ്ദേഹം പറഞ്ഞു. സി‌എ‌എ നിയമം നടപ്പാക്കുന്നതിനിടെയാണ് രാജ്യത്ത് കൊവിഡ് വ്യാപനം ഉണ്ടായത്. അതുകൊണ്ടുതന്നെ കോവിഡ് പ്രതിരോധമാണ് ഇപ്പോൾ സർക്കാർ പ്രാധാന്യത്തോടെ നോക്കുന്നതെന്നും അതുകഴിഞ്ഞ് സിഎഎ നടപ്പാക്കുക തന്നെ ചെയ്യുമെന്നും അമിത് ഷാ വ്യക്തമാക്കി.

    3. യുപിയിൽ ബിജെപി അധികാരം നിലനിർത്തും

    യുപി തെരഞ്ഞെടുപ്പിൽ ബിജെപി വിജയിക്കുമെന്നും യോഗി സർക്കാർ വൻ ഭൂരിപക്ഷത്തോടെ അധികാരത്തിലെത്തുമെന്നും അമിത് ഷാ പറഞ്ഞു. ഇത്തവണയും മുന്നൂറിലധികം സീറ്റുകൾ നേടുമെന്നും അദ്ദേഹം പറഞ്ഞു. 2017ലെ തെരഞ്ഞെടുപ്പിന് മുമ്പുള്ള സർവേകളിൽ ബിജെപി 230 സീറ്റുകൾ നേടുമെന്ന് പ്രവചിച്ചിരുന്നെങ്കിലും അത് 300 കടന്നതായി അമിത് ഷാ പറഞ്ഞു. അതിനാൽ ഇത്തവണയും ഞങ്ങൾ 300ൽ അധികം സീറ്റുകൾ നേടുമെന്നും അമിത് ഷാ പറഞ്ഞു.

    Also Read- Amit Shah |എല്ലാ മതക്കാരും സ്‌കൂളുകളിലെ ഡ്രസ്സ് കോഡ് അംഗീകരിക്കണം; ഹിജാബ് വിഷയത്തില്‍ അമിത് ഷാ

    4. തീവ്രവാദ വിഷയത്തിൽ

    യുഎപിഎ (നിയമവിരുദ്ധ പ്രവർത്തനങ്ങൾ തടയൽ നിയമം), പോട്ട (തീവ്രവാദ വിരുദ്ധ നിയമം) എന്നീ കേസുകൾ യുപിയിൽ എസ്.പി-ബി.എസ്.പി സർക്കാരുകളുടെ ഭരണകാലത്ത് പിൻവലിച്ചതിന് സമാജ്‌വാദി പാർട്ടിയെയും ബിഎസ്‌പിയെയും ഷാ വിമർശിച്ചു. 11 കേസുകൾ അവർ പിൻവലിച്ചു. എസ്പിയും ബിഎസ്പിയും തീവ്രവാദ കേസുകളിൽ പ്രീണനത്തിൽ പങ്കാളികളാണ്. യുഎപിഎയും പോട്ടയും പിൻവലിച്ചതിന് ശേഷം ഇവർ ആരെയാണ് സഹായിക്കുന്നത്? വോട്ട് ബാങ്ക് കണ്ടുകൊണ്ടാണ് കേസുകൾ പിൻവലിച്ചത്? കോൺഗ്രസും തങ്ങളുടെ ഭരണകാലത്ത് സമാനമായ കേസുകൾ പിൻവലിച്ചിട്ടുണ്ടെന്നും അമിത് ഷാ പറഞ്ഞു. കോൺഗ്രസ് ഭരണകാലത്തും രാജ്യത്തുടനീളം ഇത്തരം നിരവധി ഉദാഹരണങ്ങളുണ്ടെന്ന് ഷാ പറഞ്ഞു.

    5. യുപി തിരഞ്ഞെടുപ്പിൽ ജാതി ഘടകം

    ജാതി അടിസ്ഥാനത്തിൽ 2019 ൽ 4 പാർട്ടികൾ ഒന്നിച്ചു, പക്ഷേ ഞങ്ങൾ 64 ലോക്‌സഭാ സീറ്റുകൾ നേടി, രാഷ്ട്രീയം അങ്ങനെയല്ല. 2022ലും വൻ ഭൂരിപക്ഷത്തിൽ പ്രധാനമന്ത്രി പാർട്ടിയെ നയിക്കുമെന്ന് തനിക്ക് ഉറപ്പുണ്ടെന്നും അമിത് ഷാ പറഞ്ഞു.

    6. സ്ത്രീകളുടെ സുരക്ഷയെക്കുറിച്ച്

    ബി.ജെ.പി ഭരണകാലത്ത് ഉത്തർപ്രദേശിലെ സ്ത്രീസുരക്ഷയും മെച്ചപ്പെട്ടിട്ടുണ്ടെന്ന് അമിത് ഷാ അഭിമുഖത്തിൽ പറഞ്ഞു. കാൺപൂരിൽ, അർദ്ധരാത്രിയിൽ പെൺകുട്ടികൾ സ്‌കൂട്ടറിൽ വരുന്നത് കാണാൻ കഴിഞ്ഞുവെന്ന് അദ്ദേഹം പറഞ്ഞു. അതിൽ തനിക്ക് അതിയായ സന്തോഷമുണ്ട്. തന്റെ ഹോട്ടലിന്റെ ജനലിലൂടെയാണ് താൻ അത് കണ്ടതെന്നും അദ്ദേഹം പറഞ്ഞു. ഇത് വലിയ വിജയമായിരുന്നു, ആളുകൾ ഞങ്ങളുടെ പ്രവർത്തനത്തെ അഭിനന്ദിച്ചു.. അത് വോട്ടായി മാറും, ”അമിത് ഷാ പറഞ്ഞു.

    Also Read- Exclusive Amit Shah | യുപിയിൽ ബി.ജെ.പി. വൻ ഭൂരിപക്ഷത്തോടെ വിജയിക്കും; നാലു പ്രധാന വിഷയങ്ങളിൽ ജനപിന്തുണ; അമിത് ഷാ

    7. യുപി തെരഞ്ഞെടുപ്പിൽ എംഐഎം മത്സരത്തിൽ

    യുപി തിരഞ്ഞെടുപ്പിൽ മത്സരിക്കുന്ന അസദുദ്ദീൻ ഒവൈസിയുടെ പാർട്ടിയെക്കുറിച്ച് പറയുമ്പോൾ - മുസ്ലീം യുവാക്കൾക്കിടയിൽ അദ്ദേഹം ശ്രദ്ധാകേന്ദ്രമാണ്. എന്നാൽ ഓരോ തവണയും വോട്ട് വർദ്ധിക്കുന്ന കാര്യമില്ലെന്നും അദ്ദേഹം പറഞ്ഞു.

    8. മുസ്ലീം ബിജെപി ബന്ധം

    സർക്കാരും - ജനങ്ങളും ഉത്തരവാദിത്തമുള്ള രാഷ്ട്രീയ പാർട്ടിയും - പൗരന്മാരും തമ്മിൽ നിലനിൽക്കേണ്ട ബന്ധങ്ങളുണ്ട്. എന്നാൽ തിരഞ്ഞെടുപ്പിൽ ആർക്ക് വോട്ട് ചെയ്യണം എന്നതും നോക്കേണ്ടതുണ്ട്. ഇത് നിസ്സഹായതയല്ല. രാഷ്ട്രീയ മര്യാദ. ഭരണഘടന അനുസരിച്ചുള്ള പ്രവർത്തനങ്ങൾ സർക്കാർ നിർവഹിക്കുമെന്നും അമിത് ഷാ പറഞ്ഞു.

    Also Read- Amit Shah Exclusive Interview | തീവ്രവാദ വിഷയത്തിൽ എസ്.പിക്കും ബി.എസ്.പിക്കും അലസമായ സമീപനം: അമിത് ഷാ

    9. രാഹുൽ ഗാന്ധിയെക്കുറിച്ച്

    പാകിസ്ഥാൻ-ചൈന അതിർത്തിയിൽ നരേന്ദ്ര മോദി സർക്കാർ കശ്മീർ നയങ്ങൾ പിന്തുടരുകയാണെന്ന കോൺഗ്രസ് നേതാവ് രാഹുൽ ഗാന്ധിയുടെ ആരോപണത്തോട് പ്രതികരിച്ച അമിത് ഷാ, രാഹുൽ ഗാന്ധിക്ക് രാജ്യത്തിന്റെ ചരിത്രം അറിയില്ലെന്നും പാർലമെന്റിൽ ആ പ്രസ്താവന നടത്താൻ പാടില്ലായിരുന്നുവെന്നും പറഞ്ഞു. ഫെബ്രുവരി മൂന്നിന് ലോക്‌സഭയിൽ രാഷ്ട്രപതിയുടെ പ്രസംഗത്തിന് നന്ദി പറയുന്ന പ്രമേയത്തിന്മേലുള്ള ചർച്ചയ്ക്കിടെയാണ് ഗാന്ധി ഇക്കാര്യം അറിയിച്ചത്. 'രാജ്യത്തിന്റെ അതിർത്തികളും പരമാധികാരവും സംരക്ഷിച്ച നരേന്ദ്രമോദി സർക്കാർ, അയൽരാജ്യങ്ങളെ കുറിച്ച് ഒരു ദേശീയ നേതാവും ഇത്തരം പ്രസ്താവനകൾ നടത്തുന്നത് ഞാൻ ആഗ്രഹിക്കുന്നില്ല'- അമിത് ഷാ പറഞ്ഞു.

    10. യുപിയിൽ ബാഹുബലി ഇല്ല

    എസ്പി ഭരണത്തിൽ ഉള്ളപ്പോൾ ഒരു മതത്തിൽ പെട്ടവരെ സഹായിച്ചു. കർഷകരുടെ വീടുകളിൽ നിന്ന് കന്നുകാലികളെ കൊണ്ടുപോയെങ്കിലും ആർക്കും ഒന്നും ചെയ്യാൻ കഴിഞ്ഞില്ല. അസം ഖാൻ, അതിഖ് അഹമ്മദ്, മുഖ്താർ അൻസാരി എന്നിവർ ഇപ്പോൾ ജയിലിലാണ്. രണ്ടായിരം കോടി സർക്കാർ സ്വത്ത് മാഫിയയിൽ നിന്ന് മോചിപ്പിച്ചു. തങ്ങളെ ഉപദ്രവിച്ചവർ ജയിലിൽ കിടക്കുമെന്ന് ഉത്തർപ്രദേശിലെ ജനങ്ങൾ ഒരിക്കലും കരുതിയിരിക്കില്ല. ഇന്ന് ആളുകൾ സമാധാനത്തോടെ ജീവിക്കുന്നു. ഒരു ജില്ലയിലും ബാഹുബലിയോ മാഫിയയോ ഉണ്ടായിരുന്നില്ല, അതിനുമുമ്പ് അതൊരു സ്ഥിരം സവിശേഷതയായിരുന്നു. ഗുണ്ടാസംഘം പിടിച്ചെടുത്ത 200 കോടിയുടെ സ്വത്തുക്കളാണ് ഇപ്പോൾ ഇവരിൽ നിന്ന് പിടിച്ചെടുത്തത്. ഇത് വലിയ വിജയമാണെന്നും ആളുകൾ തങ്ങളുടെ പ്രവർത്തനത്തെ അഭിനന്ദിച്ചുവെന്നും അമിത് ഷാ പറഞ്ഞു.
    Published by:Anuraj GR
    First published: