COVID 19 | വരനും വരന്റെ പിതാവിനും രോഗം സ്ഥിരീകരിച്ചു; വിവാഹം നിർത്തിവെച്ചു

വരനെയും പിതാവിനെയും ആരോഗ്യപ്രവർത്തകർ എത്തി ആശുപത്രിയിൽ എത്തിച്ചു.

News18 Malayalam | news18
Updated: June 21, 2020, 8:11 PM IST
COVID  19 | വരനും വരന്റെ പിതാവിനും രോഗം സ്ഥിരീകരിച്ചു; വിവാഹം നിർത്തിവെച്ചു
News18
  • News18
  • Last Updated: June 21, 2020, 8:11 PM IST
  • Share this:
ന്യൂഡൽഹി: വരനും വരന്റെ പിതാവും കോവിഡ് 19 പോസിറ്റീവ് ആയതിനെ തുടർന്ന് വിവാഹപരിപാടി നിർത്തി വെച്ചു. ഉത്തർപ്രദേശിലെ അമേത്തി ജില്ലയിലാണ് കോവിഡ് 19 സ്ഥിരീകരിച്ചതിനെ തുടർന്ന് വിവാഹ ഘോഷയാത്ര നിർത്തിവെച്ചത്. ഡൽഹിയിൽ നിന്നെത്തിയ വരനും പിതാവിനുമാണ് രോഗം സ്ഥിരീകരിച്ചത്.

അമേത്തിയിലെ കംറൗലി ഗ്രാമത്തിൽ നിന്ന് വെള്ളിയാഴ്ചയാണ് വിവാഹഘോഷയാത്ര ബാരാബങ്കിയിലെ ഹൈദർഗാഹിലേക്ക് പുറപ്പെട്ടത്. ജൂൺ 15ന് വരന്റെ കുടുംബം ഡൽഹിയിൽ നിന്ന് അമേത്തിയിലേക്ക് എത്തിയിരുന്നു. തുടർന്ന് ഇവരുടെ സാമ്പിളുകൾ പരിശോധനയ്ക്ക് അയച്ചിരുന്നു.

You may also like:ഗാൽവനിൽ നാല്‍പതിലേറെ ചൈനീസ് സൈനികര്‍ കൊല്ലപ്പെട്ടെന്ന് കേന്ദ്രമന്ത്രി വി കെ സിംഗ് [NEWS]'ആ പരാമർശം ഒഴിവാക്കേണ്ടതായിരുന്നു'; മുല്ലപ്പള്ളി രാമചന്ദ്രനെ വിമർശിച്ച് മുസ്ലിം ലീഗ് [NEWS] എട്ടു സീറ്റ് കൂടി; രാജ്യസഭയിൽ ബി.ജെ.പിക്ക് കോൺഗ്രസിന്‍റെ ഇരട്ടിയിലധികം സീറ്റ് [NEWS]

ജൂൺ 19ന് വരനും പിതാവും കുടുംബവും വിവാഹത്തിനായി പോകുമ്പോഴാണ് പരിശോധനാഫലം വന്നത്. പരിശോധനാ ഫലത്തിൽ വരനും അച്ഛനും കോവിഡ് 19 പോസിറ്റീവ് ആയിരുന്നു. തുടർന്ന് പൊലീസിനെ വിവരം അറിയിക്കുകയും വരന്റെ വിവാഹഘോഷയാത്രയായ 'ബരാത്' നിർത്തി വെയ്ക്കുകയുമായിരുന്നു.

വരനെയും പിതാവിനെയും ആരോഗ്യപ്രവർത്തകർ എത്തി ആശുപത്രിയിൽ എത്തിച്ചു. കുടുംബത്തിലെ പത്ത് അംഗങ്ങൾ ഇപ്പോൾ ക്വാറന്റീനിലാണ്. വരനും പിതാവും പൂർണമായും സുഖമാകുന്നതു വരെ വിവാഹം നിർത്തി വെച്ചിരിക്കുകയാണ്.
First published: June 21, 2020, 8:11 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading