'എന്തുകൊണ്ടാണ് എല്ലാ കള്ളൻമാരുടെയും പേര് മോദി എന്നായത്'; മോദിക്കെതിരെ ആഞ്ഞടിച്ച് രാഹുൽ ഗാന്ധി

കോളാർ: പ്ര​ധാ​ന​മ​ന്ത്രി ന​രേ​ന്ദ്ര മോ​ദിക്കെതിരെ രൂക്ഷ വിമർശനവുമായി രാഹുൽ ഗാന്ധി. കാ​വ​ൽ​ക്കാ​ര​ൻ 100 ശ​ത​മാ​ന​വും ക​ള്ള​നാ​ണെ​ന്ന് പ​റ​ഞ്ഞ രാ​ഹു​ൽ എ​ന്താ​ണ് ഈ ​ക​ള്ള​ൻ​മാ​ർ​ക്കെ​ല്ലാം മോ​ദി എ​ന്നു പേ​രു വ​രു​ന്ന​തെന്നും രാഹുൽ ചോദിച്ചു.

എല്ലാ കള്ളന്‍മാരുടെയും പേരിൽ മോദി എന്നുണ്ട്. നീ​ര​വ് മോ​ദി, ല​ളി​ത് മോ​ദി, നരേന്ദ്ര മോദി. എ​ന്താ​ണ് ഈ ​ക​ള്ള​ൻ​മാ​ർ​ക്കെ​ല്ലാം മോ​ദി എ​ന്നു പേ​രു വ​രു​ന്ന​ത്. ഇ​നി​യും തെ​ര​ഞ്ഞാ​ൽ കൂ​ടു​ത​ൽ മോ​ദി​മാ​രു​ടെ പേ​രു​ക​ൾ പു​റ​ത്തു​വ​രുമെന്നും രാ​ഹു​ൽ പ​റ​ഞ്ഞു.

Also read: 'അലിയും ബജ്റംഗ്ബലിയും ഞങ്ങളുടേത്, അവരുടെ അനുഗ്രഹത്തിൽ ഞങ്ങൾ വിജയിക്കും'; യോഗിക്ക് മായാവതിയുടെ മറുപടി

കാ​വ​ൽ​ക്കാ​ര​ൻ 100 ശ​ത​മാ​ന​വും ക​ള്ള​നാ​ണെ​ന്ന് പ​റ​ഞ്ഞ രാ​ഹു​ൽ, മോ​ദി ച​ങ്ങാ​ത്ത മു​ത​ലാ​ളി​ത്ത​മാ​ണ് ഇ​ഷ്ട​പ്പെ​ടു​ന്ന​തെ​ന്നും കു​റ്റ​പ്പെ​ടു​ത്തി. മുപ്പതിനായിരം കോടി റഫേലിന്റെ പേരിൽ മോഷ്ടിച്ച പ്രധാനമന്ത്രി സുഹൃത്തായ അനിൽ അംബാനിക്ക് സമ്മാനമായി നൽകിയെന്നും രാഹുൽ പറഞ്ഞു.

അ​ഞ്ചു കോ​ടി കു​ടും​ബ​ങ്ങ​ൾ​ക്ക് 72,000 രൂ​പ വ​ർ​ഷം​തോ​റും ല​ഭി​ക്കു​ന്ന ന്യാ​യ് പ​ദ്ധ​തി കോ​ണ്‍​ഗ്ര​സ് നടപ്പിലാക്കുമെന്നും രാഹുൽ വ്യക്തമാക്കി. ക​ർ​ണാ​ട​ക​യി​ലെ കോ​ളാ​ർ, ചി​ത്ര​ദു​ർ​ഗ മേ​ഖ​ല​ക​ളി​ൽ തെ​ര​ഞ്ഞെ​ടു​പ്പ് റാ​ലി​ക​ളി​ൽ സം​സാ​രി​ക്കു​ക​യാ​യി​രു​ന്നു രാഹുൽ.