ക്രിക്കറ്റ് മാച്ച് വീഡിയോ പങ്കുവെച്ച് പ്രിയങ്ക ഗാന്ധി; ഇത് ബിജെപി മന്ത്രിമാർക്കുളള ഉപദേശം

ന്യൂഡൽഹി: സാമ്പത്തിക മാന്ദ്യത്തെ കുറിച്ചുള്ള മോദി സർക്കാർ മന്ത്രിസഭയിലെ മന്ത്രിമാരുടെ പരാമർശത്തിൽ ഉപദേശവുമായി പ്രിയങ്ക ഗാന്ധി. ക്രിക്കറ്റ് മത്സരത്തിന്റെ വീഡിയോ പങ്കുവെച്ചാണ് പ്രിയങ്ക ഉപദേശം നൽകിയിരിക്കുന്നത്.

ഓലയും ഊബറും ഉപയോഗിക്കുന്നത് കാരണമാണ് വാഹന വിപണിയിൽ മാന്ദ്യം ഉണ്ടായതെന്ന് നേരത്തെ ധനമന്ത്രി നിർമല സീതാരാമൻ പറഞ്ഞിരുന്നു. ടെലിവിഷനില്‍ കാണുന്ന തരത്തിലുള്ള കണക്കുകള്‍ തെറ്റാണെന്നും കണക്കുകള്‍ ഗുരുത്വാകര്‍ഷണം കണ്ടുപിടിക്കുന്ന സമയത്ത് ഐന്‍സ്റ്റീനെ പോലും സഹായിച്ചിരുന്നില്ല എന്നായിരുന്നു ഗോയലിന്റെ മറുപടി. ഇതിനെ പരിഹസിച്ചാണ് പ്രിയങ്കയുടെ ഉപദേശം.

also read:മഴപെയ്യാൻ തവളകൾക്ക് കല്യാണം നടത്തി; പ്രളയം വന്നതോടെ വിവാഹ മോചിതരാക്കി

ശരിയായ ക്യാച്ച് ലഭിക്കാൻ, പന്തിൽ ശ്രദ്ധ പുലർത്തുകയും കളിയുടെ സാരാംശം മനസ്സിലാക്കുകയും ചെയ്യേണ്ടത് പ്രധാനമാണ്. അല്ലെങ്കിൽ നിങ്ങൾ ഗുരുത്വാകർഷണത്തെയും ഗണിതത്തെയും ഓലയെയും ഊബറിനെയും കുറ്റപ്പെടുത്തും- പ്രിയങ്ക ട്വിറ്ററിൽ കുറിച്ചു. ഒരു ക്രിക്കറ്റ് മത്സരത്തിലെ ക്യാച്ച് വീഡിയോ ഷെയർ ചെയ്ത് കൊണ്ടാണ് പ്രിയങ്ക ഇക്കാര്യം വ്യക്തമാക്കിയിരിക്കുന്നത്.

 

सही कैच पकड़ने के लिए अंत तक गेंद पर नजर और खेल की सच्ची भावना होनी जरुरी है। वरना आप सारा दोष #gravity, गणित, ओला-उबर और इधर-उधर की बातों पर मढ़ते रहेंगे।

भारतीय अर्थव्यवस्था के लिए जनहित में जारी। pic.twitter.com/3zqBnoIZYp

— Priyanka Gandhi Vadra (@priyankagandhi) September 13, 2019

'സമ്പദ് വ്യവസ്ഥയ്ക്കായി പൊതു താത്പര്യാർഥം' എന്ന കുറിപ്പോടെയാണ്  പ്രിയങ്ക ഉപദേശം നൽകിയിരിക്കുന്നത്.

നിർമല സീതാരാമന്റെയും പീയുഷ് ഗോയലിന്റെയും പരാമർശങ്ങൾ സമൂഹ മാധ്യമങ്ങളിൽ പരിഹാസത്തിന് കാരണമായി. ഗുരുത്വാകർഷണം കണ്ടെത്തിയത് ഐൻസ്റ്റീൻ ആണെങ്കിൽ ന്യൂട്ടൻ എന്ത് ചെയ്തെന്നാണ് ട്രോളന്മാർ ചോദിക്കുന്നത്.