• HOME
  • »
  • NEWS
  • »
  • india
  • »
  • ചെന്നൈയില്‍ കാറിടിച്ച് മലയാളിയുൾപ്പെടെ രണ്ടുപേര്‍ മരിച്ചു; ഡ്രൈവര്‍ മദ്യലഹരിയിലെന്ന് പൊലീസ്

ചെന്നൈയില്‍ കാറിടിച്ച് മലയാളിയുൾപ്പെടെ രണ്ടുപേര്‍ മരിച്ചു; ഡ്രൈവര്‍ മദ്യലഹരിയിലെന്ന് പൊലീസ്

ജോലികഴിഞ്ഞ് ഓഫീസിൽ‌ നിന്ന് താമസസ്ഥലത്തേക്ക് നടന്നുപോകുന്നതിനിടെ അമിതവേഗതയിലെത്തിയ കാറിടിക്കുകയായിരുന്നു.

ശ്രീലക്ഷ്മി, ലാവണ്യ

ശ്രീലക്ഷ്മി, ലാവണ്യ

  • Last Updated :
  • Share this:
    ചെന്നൈ: ജോലികഴിഞ്ഞ് ഓഫീസിൽ‌ നിന്ന് താമസസ്ഥലത്തേക്ക് നടന്നുപോകുന്നതിനിടെ കാറിടിച്ച് മലയാളിയടക്കം ഐടി ജീവനക്കാരായ രണ്ടു യുവതികൾ മരിച്ചു. പാലക്കാട് അകത്തേത്തറ ധോണി പാതിരിനഗർ ‘സുരഭില’യിൽ രവിമണിയുടെ മകൾ ശ്രീലക്ഷ്മി (23), തിരുപ്പതി സ്വദേശിനി എസ്. ലാവണ്യ (23) എന്നിവരാണ് മരിച്ചത്.

    ചെന്നൈ ഓൾഡ് മഹാബലിപുരം റോഡിൽ(ഒഎംആർ) നടന്ന അപകടം നടന്നത്. ബുധനാഴ്ച രാത്രിയാണ് സംഭവം. നടന്നുപോകുന്ന ഇവരെ അതിവേഗത്തിലെത്തിയ കാർ ഇടിക്കുകയായിരുന്നു. കാറോടിച്ചിരുന്ന മോദീഷ് കുമാറിനെ (22) പോലീസ് അറസ്റ്റുചെയ്തു. ഇയാൾ മദ്യലഹരിയിലായിരുന്നുവെന്ന് പരിശോധനയിൽ തെളിഞ്ഞു.

    Also Read-കോട്ടയത്ത് വണ്‍വേ തെറ്റിച്ചെത്തിയ KSRTC മിന്നല്‍ ബസിടിച്ച് ബൈക്ക് യാത്രക്കാരന്‍ മരിച്ചു

    സംഭവസ്ഥലത്തുതന്നെ ശ്രീലക്ഷ്മി മരിച്ചു. ആശുപത്രിയിൽ എത്തിച്ചതിനുശേഷമാണ് ലാവണ്യ മരിച്ചത്. രണ്ടുപേരും എച്ച്.സി.എൽ. കമ്പനിയിലെ ജീവനക്കാരായിരുന്നു. മൂന്നുമാസംമുമ്പാണ് ശ്രീലക്ഷ്മി ജോലിയിൽ പ്രവേശിച്ചത്. അമ്മ: ജയലക്ഷ്മി. സഹോദരൻ: റോഹൻ. സംസ്കാരം വെള്ളിയാഴ്ച രാവിലെ 10-ന് ഐവർമഠം ശ്മശാനത്തിൽ.
    Published by:Jayesh Krishnan
    First published: