• HOME
  • »
  • NEWS
  • »
  • india
  • »
  • Namami Gange|ഗംഗ പുനരുജ്ജീവനത്തിന് ലോക ബാങ്കിന്റെ 3000 കോടി രൂപയുടെ സഹായം

Namami Gange|ഗംഗ പുനരുജ്ജീവനത്തിന് ലോക ബാങ്കിന്റെ 3000 കോടി രൂപയുടെ സഹായം

ഗംഗയെ ശുചിത്വവും ആരോഗ്യവുമുള്ള നദിയാക്കുന്നതിനുള്ള സുപ്രധാന ദേശീയ പദ്ധതിയില്‍ കേന്ദ്ര ഗവണ്‍മെന്റിന്റെയും ലോക ബാങ്കിന്റെയും പങ്കാളിത്തം വ്യാപിപ്പിക്കുന്നതാണ് പുതിയ പദ്ധതി

ഗംഗാനദി

ഗംഗാനദി

  • Last Updated :
  • Share this:
    ന്യൂഡൽഹി: ഗംഗ നദിയുടെ പുനരുജ്ജീവനത്തിനായുള്ള നമാമി ഗംഗേ പദ്ധതിക്ക് പിന്തുണ നല്‍കുന്നതിന് ലോക ബാങ്കും കേന്ദ്ര ഗവണ്‍മെന്റും വായ്പാ കരാറില്‍ ഒപ്പു വച്ചു. നദിയിലെ മലിനീകരണം തടയുന്നതിനും 50 കോടി ജനങ്ങള്‍ ആശ്രയിക്കുന്ന നദീതടത്തിന്റെ  പരിപാലനം ശക്തമാക്കുന്നതിനും രണ്ടാമത് ദേശീയ ഗംഗാ നദീതട പദ്ധതി സഹായകമാകും.

    381 ദശലക്ഷം ഡോളര്‍ വായ്പയും 19 ദശലക്ഷം ഡോളര്‍ വരെയുള്ള ഈടും അടങ്ങുന്നതാണ് 400 ദശലക്ഷം ഡോളറിന്റെ (2993,46,60,000രൂപ) സഹായം. കേന്ദ്ര സാമ്പത്തിക കാര്യ വകുപ്പ് അഡീഷണല്‍ സെക്രട്ടറി ശ്രീ സമീര്‍ കുമാര്‍ ഖരേയും ലോക ബാങ്കിന്റെ ആക്ടിംഗ് കണ്‍ട്രി ഡയറക്ടര്‍(ഇന്ത്യ) ഖൈവസര്‍  ഖാനും ചേര്‍ന്ന് വായ്പ കരാറില്‍ ഒപ്പുവച്ചു.

    ഗംഗയെ ശുചിത്വവും ആരോഗ്യവുമുള്ള നദിയാക്കുന്നതിനുള്ള  സുപ്രധാന ദേശീയ പദ്ധതിയില്‍ കേന്ദ്ര ഗവണ്‍മെന്റിന്റെയും ലോക ബാങ്കിന്റെയും പങ്കാളിത്തം വ്യാപിപ്പിക്കുന്നതാണ് പുതിയ പദ്ധതിയെന്ന് ശ്രീ ഖരേ പറഞ്ഞു.
    TRENDING:GOOD NEWS | കോവിഡ് 19ൽ നിന്ന് രോഗമുക്തി നേടിയവരെ കെട്ടിപ്പിടിച്ച് ഒരു ഡോക്ടർ
    [NEWS]
    'ഞാന്‍ ഒരു ദൈവവിശ്വാസിയാണ്, സത്യം ജയിക്കും'; സോളാർ അഴിമതി ആരോപണ കാലത്തെ കുറിച്ച് ഉമ്മൻ ചാണ്ടി
    [NEWS]
    മരിക്കും മുമ്പ് തെളിവ് കൈയ്യിൽ കുറിച്ചു; പൊലീസുകാരെ കൊലപ്പെടുത്തിയ കേസിലെ പ്രതികൾ പിടിയിൽ
    [NEWS]


    ദേശീയ ഗംഗാ നദീ തട പദ്ധതി വഴി 2011 മുതല്‍ ലോക ബാങ്ക് കേന്ദ്ര ഗവണ്‍മെന്റ് പ്രവര്‍ത്തനങ്ങളെ പിന്തുണയ്ക്കുന്നുണ്ട്. നദീ പരിപാലനത്തിനുള്ള നോഡല്‍ ഏജന്‍സിയായി ഗംഗാ ശുചീകരണത്തിനുള്ള ദേശീയ ദൗത്യം ആവിഷ്‌ക്കരിക്കാനും നിരവധി നദീതട നഗരങ്ങളിലും പട്ടണങ്ങളിലും മലിനജല സംസ്‌കരണത്തിനുള്ള അടിസ്ഥാനസൗകര്യം വികസിപ്പിക്കുന്നതിലും ഈ പദ്ധതിസഹായകരമായി.
    Published by:Gowthamy GG
    First published: