നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • ipl
    • »
    • IPL 2020| ചെന്നൈയുടെ പ്രിയപ്പെട്ട 'ചിന്ന തല' ഇനി സൂപ്പർകിങ്സിനുവേണ്ടി കളിച്ചേക്കില്ല

    IPL 2020| ചെന്നൈയുടെ പ്രിയപ്പെട്ട 'ചിന്ന തല' ഇനി സൂപ്പർകിങ്സിനുവേണ്ടി കളിച്ചേക്കില്ല

    ഹോട്ടലിൽ സ്യൂട്ട് മുറി ലഭിക്കാത്തതാണ് റെയ്നയെ പെട്ടെന്ന് ചൊടിപ്പിച്ചതും ടീം വിടാൻ കാരണമായതെന്നും അണിയറ സംസാരമുണ്ട്...

    raina

    raina

    • Share this:
      ആരാധകരെ ശരിക്കും ഞെട്ടിച്ചുകൊണ്ടാണ് ഐപിഎല്ലിൽനിന്നുള്ള സുരേഷ് റെയ്നയുടെ പിൻമാറ്റം. വ്യക്തമാപരമായ കാരണങ്ങളാൽ താൻ ഈ സീസണിൽ കളിക്കുന്നില്ലെന്നാണ് റെയ്ന അറിയിച്ചത്. എന്നാൽ ടീം മാനേജ്മെന്‍റുമായുള്ള പ്രശ്നങ്ങളാണ് റെയ്ന പുറതതുപോകാൻ കാരണമെന്നാണ് റിപ്പോർട്ട്. ഇനിയൊരിക്കലും റെയ്ന സിഎസ്കെയ്ക്കുവേണ്ടി കളിച്ചേക്കില്ലെന്നും അദ്ദേഹവുമായി അടുപ്പമുള്ളവർ പറയുന്നു. യുഎഇയിൽ നടക്കുന്ന ഐപിഎൽ മത്സരങ്ങൾക്കായി ടീമിനൊപ്പം ദുബായിലെത്തിയശേഷമാണ് റെയ്ന നാട്ടിലേക്ക് മടങ്ങിയത്. സി‌എസ്‌കെ ക്യാമ്പിൽ 13 കോവിഡ് -19 കേസുകൾ റിപ്പോർട്ട് ചെയ്തിരുന്നു. സിഎസ്കെ ടീമിലെ പ്രധാനകളായ ദീപക് ചഹാർ, രുതുരാജ് ഗെയ്ക്വാഡ് എന്നിവരുൾപ്പെടെ 13 പേർക്കാണ് രോഗം കണ്ടെത്തിയത്.

      എന്നാൽ, പൊടുന്നനെയുള്ള റെയ്നയുടെ പിൻമാറ്റം ടീം ഉടമയും ബിസിസിഐ മുൻ പ്രസിഡന്‍റുമായ എൻ ശ്രീനിവാസനിൽ കടുത്ത അതൃപ്തിയുണ്ടാക്കിയിട്ടുണ്ട്. ഹോട്ടലിൽ സ്യൂട്ട് മുറി ലഭിക്കാത്തതാണ് റെയ്നയെ ചൊടിപ്പിച്ചതെന്നും സംസാരമുണ്ട്. "സി‌എസ്‌കെയിൽ, പരിശീലകനും ക്യാപ്റ്റനും മാനേജർക്കും സ്യൂട്ടുകൾ നൽകുന്നതാണ് മാനദണ്ഡം. എന്നാൽ മുതിർന്ന താരമെന്ന നിലയിൽ ടീം താമസിക്കുന്ന ഏത് ഹോട്ടലിലും റെയ്‌നയ്ക്ക് ഒരു സ്യൂട്ട് നൽകുമായിരുന്നു. പക്ഷേ ഇത്തവണ ദുബായിൽ ടീം ക്വാറന്‍റീനിൽ കഴിഞ്ഞിരുന്ന ഹോട്ടലിൽ റെയ്നയ്ക്ക് അനുവദിച്ചത് ബാൽക്കണിയില്ലാത്ത മുറിയായിരുന്നുവെന്നും അതിൽ അദ്ദേഹം അസംതൃപ്തി പ്രകടിപ്പിച്ചുവെന്നുമാണ് ഐപിഎൽ വൃത്തങ്ങൾ പറയുന്നത്.

      "ഇത് ഒരു പ്രശ്നമായിരുന്നു, പക്ഷേ (ഇന്ത്യയിലേക്ക്) ഒരു തിരിച്ചുപോകാൻ മതിയായത്ര വലിയ കാര്യമില്ലെന്ന് ഞാൻ കരുതുന്നു. ചെന്നൈ ടീമിൽ വർദ്ധിച്ചുവരുന്ന കോവിഡ്-ആശങ്കയേക്കാൾ റെയ്നയെ ഭയപ്പെടുത്തുന്ന മറ്റെന്തെങ്കിലും ഉണ്ടാവാം," ടീമുമായി അടുപ്പമുള്ള വൃത്തങ്ങൾ പറയുന്നു.

      എന്നാൽ റെയ്നയുടെ പിൻമാറ്റം ഈ സീസണിലേക്കു മാത്രമുള്ളതല്ലെന്നാണ് സൂചന. അടുത്ത വർഷം ഏപ്രിലിൽ നടക്കുന്ന പുതിയ ഐപിഎൽ സീസണിലും റെയ്ന ചെന്നൈയ്ക്കുവേണ്ടി കളിച്ചേക്കില്ല. "ഈ സീസണിൽ അദ്ദേഹം കളിക്കില്ല, സി‌എസ്‌കെ പുറത്തിറക്കിയ ഔദ്യോഗിക പ്രസ്താവനയിൽ നിന്ന് ഇത് വ്യക്തമാണ്. ഇപ്പോൾ ചില ആളുകളുമായി മികച്ച രീതിയിൽ മുന്നോട്ട് പോകാനാകില്ല," ടീം വൃത്തങ്ങൾ പറഞ്ഞു. "വിരമിച്ചതും ഏതെങ്കിലും ക്രിക്കറ്റ് കളിക്കാത്തതുമായ ഒരാൾ സി‌എസ്‌കെക്ക് വേണ്ടി തിരിച്ചുവരുമെന്നത് വളരെ അസംഭവ്യമാണെന്ന് തോന്നുന്നു. ഒരുപക്ഷേ, അദ്ദേഹം ലേലത്തിലൂടെ ഐപിഎല്ലിൽ തിരിച്ചെത്തിയേക്കാം, മറ്റൊരു ടീം അദ്ദേഹത്തെ തിരഞ്ഞെടുത്തേക്കാം."- ടീം വൃത്തങ്ങൾ വ്യക്തമാക്കി.

      ക്വാറന്‍റീൻ പൂർത്തിയാക്കി രണ്ട് നെഗറ്റീവ് ടെസ്റ്റുകൾക്ക് ശേഷം പരിശീലന സെഷനിൽ ചേർന്ന യുവതാരം രുതുരാജിനെ ചെന്നൈ ഏറെ പ്രതീക്ഷയോടെയാണ് കാണുന്നത്. റെയ്നയുടെ പകരക്കാരനായി രുതുരാജിനെ സിഎസ്കെ ഉയർത്തിക്കാണിച്ചേക്കാം. “റെയ്‌നയ്ക്ക് പകരക്കാരനെ സി‌എസ്‌കെ ഇതുവരെ ആവശ്യപ്പെട്ടിട്ടില്ല… അവ തീരുമാനിച്ചിട്ടില്ല,” ഐ‌പി‌എൽ വൃത്തങ്ങൾ കൂട്ടിച്ചേർത്തു. ബയോ ബബിൾ ലംഘനത്തെക്കുറിച്ച് റെയ്‌നയുടെ ക്ഷമാപണം ചൈന്നൈ ടീമിൽ കാര്യമായ സ്വാധീനം ചെലുത്തില്ലെന്ന് ഉദ്യോഗസ്ഥർ പറഞ്ഞു.
      You may also like:സ്വവർഗ്ഗാനുരാഗികൾക്കായുള്ള ഡേറ്റിംഗ് ആപ്പ് വഴി തട്ടിപ്പ്; യുവാവിനെ വിളിച്ചു വരുത്തി കൊള്ളയടിച്ചു [NEWS]'എ രഞ്ജിത്ത് സിനിമ': വ്യത്യസ്ത പേരുമായി ആസിഫ് അലി നായകനാകുന്ന പുതിയ ചിത്രം [NEWS] ആന്ധ്രാപ്രദേശിൽ 'പ്രസിഡന്റ് മെഡൽ' ബ്രാൻഡിൽ മദ്യം; മുഖ്യമന്ത്രിക്കെതിരെ തെലുഗുദേശം പാർട്ടി [NEWS]
      “ക്ഷമാപണത്തെക്കുറിച്ച് എനിക്കറിയില്ല, പക്ഷേ ഭാവിയിലേക്ക് നോക്കിക്കൊണ്ട് രുതുരാജിനെ രംഗത്തിറക്കാൻ സി‌എസ്‌കെ ശ്രദ്ധിക്കുന്നുണ്ടെന്നും ധോണിയും ഫ്ലെമിംഗും അവരുടെ തന്ത്രത്തെ പുനരുജ്ജീവിപ്പിക്കുമെന്നും” ഉദ്യോഗസ്ഥർ പറഞ്ഞു.

      164 ഐ‌പി‌എൽ മത്സരങ്ങളിൽ നിന്ന് 4527 റൺസ് നേടിയ റെയ്‌ന സി‌എസ്‌കെയ്ക്കുവേണ്ടി ഏറ്റവും കൂടുതൽ റൺസ് നേടിയ താരമാണ്. ഐപി‌എൽ ചരിത്രത്തിൽ 5368 റൺസ് നേടിയ ഉത്തർപ്രദേശ് ഇടംകൈയൻ താരം ഐപിഎൽ റൺവേട്ടയിൽ ഇന്ത്യൻ ക്യാപ്റ്റൻ വിരാട് കോഹ്‌ലിയ്ക്ക് പിന്നിൽ രണ്ടാമതാണ്. 5412 റൺസാണ് കോഹ്ലി ഐപിഎല്ലിൽ അടിച്ചുകൂട്ടിയിട്ടുള്ളത്.
      Published by:Anuraj GR
      First published:
      )}