സെക്രട്ടേറിയറ്റിലും 3 വകുപ്പുകളിലും മാത്രം 1013 അധിക ജീവനക്കാർ; പുനർവിന്യസിക്കണമെന്ന് വിദഗ്ധസമിതി

തിരുവനന്തപുരം: സെക്രട്ടേറിയറ്റിലും cമറ്റു മൂന്നു വകുപ്പുകളിലും മാത്രമായി  1013 ജീവനക്കാർ അധികമായുണ്ടെന്ന് ചെലവുചുരുക്കൽ പഠിക്കാൻ സർക്കാർ നിയോഗിച്ച വിദഗ്ധസമിതി. അധിക ജീവനക്കാരെ തദ്ദേശസ്ഥാപനങ്ങളിലേക്ക് പുനർവിന്യസിക്കണമെന്നും സമിതി നിർദ്ദേശിച്ചിട്ടുണ്ട്.

സെക്രട്ടേറിയറ്റിൽമാത്രം ഇപ്പോൾ 554 അറ്റൻഡർമാരും 204 കംപ്യൂട്ടർ അസിസ്റ്റന്റുമാരും അധികമായുള്ളത്. അച്ചടിവകുപ്പ് -90, കേരള ബുക്‌സ് ആൻഡ് പബ്ലിഷിങ് സൊസൈറ്റി-113, സ്റ്റേഷനറി വകുപ്പ് - 52 എന്നിങ്ങനെയാണ് അധിക ജീവനക്കാരുടെ കണക്ക്.
You may also like:India-China Border Faceoff|സംഘർഷത്തിൽ 20 ഇന്ത്യൻ സൈനികർക്ക് വീരമൃത്യു; 43 ചൈനീസ് സൈനികരും കൊല്ലപ്പെട്ടു?
[NEWS]'അമ്മച്ചി ഒന്ന് ഓര്‍ത്തു നോക്കിയേ, ഇനി വല്ല ചക്കക്കുരു ഷെയ്‌ക്കോ മറ്റോ'; KSEB പേജിൽ പ്രതിഷേധം [NEWS] ആദ്യം ‘ഹിന്ദി – ചീനി ഭായ് ഭായ്; ദലൈ ലാമയ്ക്ക് ഇന്ത്യ അഭയം നൽകിയത് ബന്ധം വഷളാക്കി; നാൾവഴികൾ [NEWS]

വിരമിച്ച ജഡ്ജിമാരുടെ നേതൃത്വത്തിൽ കമ്മിഷനുകൾ രൂപവത്കരിക്കുന്നതിനുപകരം സ്ഥിരംസംവിധാനം വേണമെന്നും സമിതി നിർദ്ദേശിക്കുന്നു.  ആഭ്യന്തരവകുപ്പിലോ, നിയമവകുപ്പിലോ ‘ഓഫീസ് ഓഫ് കമ്മിഷണേഴ്‌സ് ഓഫ് എൻക്വയറി’ രൂപവത്കരിക്കണം. കമ്മിഷനുകൾ ചെലവുകണക്ക് പ്രസിദ്ധീകരിക്കണമെന്നും ശിപാർശയുണ്ട്.

സി.ഡി.എസ്. ഡയറക്ടർ പ്രൊഫ. സുനിൽ മാണി അധ്യക്ഷനായ സമിതിയാണ് ഇടക്കാല റിപ്പോർട്ട് നൽകിയിരിക്കുന്നത്. ധനവകുപ്പ് അഡീഷണൽ ചീഫ് സെക്രട്ടറി ആർ.കെ. സിങ്, ധനവിനിയോഗ സെക്രട്ടറി സഞ്ജയ് കൗൾ, നഗരവികസന പ്രിൻസിപ്പൽ സെക്രട്ടറി ബിശ്വനാഥ് സിൻഹ എന്നിവർ അംഗങ്ങളാണ്. അന്തിമ റിപ്പോർട്ട് ജൂലായിൽ നൽകും.