Suicides in Kerala| ആറു മാസത്തിനിടെ 13 നും 18 നും ഇടയില്‍ പ്രായമുള്ള 140 പേരുടെ ആത്മഹത്യ; മനുഷ്യാവകാശ കമ്മീഷൻ റിപ്പോർട്ട് തേടി

ഏറ്റവും കൂടുതല്‍ ആത്മഹത്യകള്‍ നടക്കുന്നത് തിരുവനന്തപുരം ജില്ലയിലാണ്. ആറുമാസത്തിനിടെ 22 പേരാണ് ഇവിടെ ആത്മഹത്യ ചെയ്തത്. മലപ്പുറത്ത് 20 ആത്മഹത്യകളാണ് നടന്നത്.

News18 Malayalam | news18-malayalam
Updated: September 16, 2020, 10:29 AM IST
Suicides in Kerala| ആറു മാസത്തിനിടെ 13 നും 18 നും ഇടയില്‍ പ്രായമുള്ള 140 പേരുടെ ആത്മഹത്യ; മനുഷ്യാവകാശ കമ്മീഷൻ റിപ്പോർട്ട് തേടി
News18 Malayalam
  • Share this:
തിരുവനന്തപുരം: കഴിഞ്ഞ ആറുമാസത്തിനിടെ കേരളത്തില്‍ ആത്മഹത്യ ചെയ്തത് 13നും 18നും ഇടയ്ക്ക് പ്രായമുള്ള 140 പേരെന്ന് പഠനം. ഇതിന്റെ പശ്ചാത്തലത്തില്‍ ആത്മഹത്യ തടയല്‍ നടപടികളുടെ ഫലപ്രാപ്തി പരിശോധിക്കാന്‍ സംസ്ഥാന മനുഷ്യാവകാശ കമ്മീഷന്‍ സാമൂഹ്യനീതി വകുപ്പിനോട് നിര്‍ദ്ദേശിച്ചു. യുവാക്കള്‍ക്കിടയില്‍ ആത്മഹത്യ തടയാന്‍ സ്വീകരിച്ച നടപടികളെക്കുറിച്ച്‌ കമ്മീഷൻ ചെയര്‍മാന്‍ ആന്റണി ഡൊമിനിക് വകുപ്പ് ഡയറക്ടറുടെ നിര്‍ദേശപ്രകാരം റിപ്പോര്‍ട്ട് തേടി.

Also Read- 'ഉപകരാറുകാരൻ ചതിച്ചു; കോടികളുടെ ബാധ്യതയുണ്ടായി'; വർക്കലയിൽ കുടുംബത്തോടൊപ്പം ജീവനൊടുക്കിയ ശ്രീകുമാറിന്റെ ആത്മഹത്യാകുറിപ്പ്

പാനലിന് ലഭിച്ച പരാതി പ്രകാരം, ദിശ എന്ന എന്‍ജിഒ നടത്തിയ പഠനത്തില്‍ 13 നും 18 നും ഇടയില്‍ പ്രായമുള്ള 140 ചെറുപ്പക്കാര്‍ 2020 ജനുവരി മുതല്‍ ജൂണ്‍ വരെയുള്ള കാലയളവില്‍ ആത്മഹത്യ ചെയ്തിട്ടുണ്ടെന്ന് കമ്മീഷന്‍ പറഞ്ഞു.കുടുംബ തര്‍ക്കങ്ങള്‍, പ്രണയ നൈരാശ്യം, പരീക്ഷകളില്‍ പരാജയം, മൊബൈല്‍ ഫോണുകളുമായി ബന്ധപ്പെട്ട പ്രശ്‌നങ്ങള്‍, ഇരുചക്ര വാഹനങ്ങള്‍ എന്നിവയാണ് ആത്മഹത്യയ്ക്ക് പ്രധാന കാരണമെന്ന് പഠനം പറയുന്നു.

Also Read- അദ്ഭുതം! ആൻജിയോഗ്രാമിന് തൊട്ടുമുൻപ് നെഞ്ചുവേദന മാറിയെന്ന് സ്വപ്ന; പരിശോധനക്ക് വിസമ്മതിച്ചു

ഏറ്റവും കൂടുതല്‍ ആത്മഹത്യകള്‍ നടക്കുന്നത് തിരുവനന്തപുരം ജില്ലയിലാണ്. 22 പേരാണ് ഇവിടെ ആത്മഹത്യ ചെയ്തത്. മലപ്പുറത്ത് 20 ആത്മഹത്യകളാണ് നടന്നതെന്ന് കമ്മീഷൻ അറിയിച്ചു. ഗ്രാമീണ ശിശു സംരക്ഷണ സമിതികളുടെ കാര്യക്ഷമതയില്ലായ്മയാണ് യുവാക്കള്‍ക്കിടയില്‍ ആത്മഹത്യകളുടെ എണ്ണം വർധിക്കുന്നതെന്ന് പരാതിയില്‍ പറയുന്നു.

ആത്മഹത്യ തടയല്‍ നടപടികളുടെ ഫലപ്രാപ്തി അവലോകനം ചെയ്യാന്‍ എസ്‌എച്ച്‌ആര്‍സി സാമൂഹിക നീതി വകുപ്പിനോട് ആവശ്യപ്പെടുകയും റിപ്പോര്‍ട്ട് തേടുകയും ചെയ്തു. കുട്ടികള്‍ക്കിടയില്‍ ആത്മഹത്യാ പ്രവണതകള്‍ കണ്ടുകൊണ്ടിരിക്കുകയാണെന്നും ഇത് വളരെ ഗുരുതരമായ സാമൂഹിക പ്രശ്‌നമാണെന്നും മുഖ്യമന്ത്രി പിണറായി വിജയന്‍ ജൂലൈയില്‍ പറഞ്ഞിരുന്നു. മാര്‍ച്ച്‌ 25 മുതല്‍ ദേശീയ ലോക്ക്ഡൗണ്‍ ഏര്‍പ്പെടുത്തിയപ്പോള്‍, 18 വയസ്സിന് താഴെയുള്ള 66 കുട്ടികള്‍ വിവിധ കാരണങ്ങളാല്‍ ജീവിതം അവസാനിപ്പിച്ചുവെന്ന് അന്ന് മുഖ്യമന്ത്രി പറഞ്ഞിരുന്നു.



മാനസിക സമ്മര്‍ദ്ദങ്ങളുമായി ബന്ധപ്പെട്ട പ്രശ്‌നങ്ങള്‍ അഭിമുഖീകരിക്കുന്ന കുട്ടികളെ സഹായിക്കുന്നതിന്, സർക്കാരിന്റെ നിര്‍ദേശപ്രകാരം ഔര്‍ റെസ്പോണ്‍സിബിലിറ്റി റ്റു ചില്‍ഡ്രന്‍ പ്രോഗ്രാമിന് കീഴില്‍ 'ചിരി' എന്ന ടെലി-കൗണ്‍സിലിംഗ് സംരംഭം ആരംഭിച്ചു, ഇത് പ്രായപൂര്‍ത്തിയായ കുട്ടികളുമായും യുവാക്കളുമായും ബന്ധിപ്പിക്കുന്ന ആസൂത്രിതമായ കമ്മ്യൂണിറ്റി ഇടപെടലാണ്. 12 -18 വയസ് ഉള്ളവര്‍ക്കാണ് കൗൺസിലിംഗ് നൽകുന്നത്.

ഏതെങ്കിലും തരത്തിലുള്ള മാനസിക ബുദ്ധിമുട്ടുകള്‍ നേരിടുന്ന കുട്ടികളെ സഹായിക്കുന്നതിനും അവര്‍ക്കിടയിലെ ആത്മഹത്യാ പ്രവണതകള്‍ തടയുന്നതിനുമായി ആരോഗ്യവകുപ്പ് 'ഒറ്റക്കല്ല ഒപ്പമുണ്ട്' (നിങ്ങള്‍ ഒറ്റയ്ക്കല്ല, ഞങ്ങള്‍ നിങ്ങളോടൊപ്പമുണ്ട്) എന്ന പ്രോഗ്രാം ആരംഭിച്ചിരുന്നു. കുട്ടികള്‍ക്കിടയില്‍ ആത്മഹത്യയെക്കുറിച്ച്‌ പഠനം നടത്താന്‍ ഫയര്‍ ആന്‍ഡ് റെസ്‌ക്യൂ സര്‍വീസസ് ഡിജിപി ആര്‍ ശ്രീലേഖയുടെ നേതൃത്വത്തില്‍ ഒരു സമിതി രൂപീകരിച്ചിരുന്നു
Published by: Rajesh V
First published: September 16, 2020, 10:29 AM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading