• HOME
  • »
  • NEWS
  • »
  • kerala
  • »
  • വി എസ് ശതാബ്ദിയിലേക്ക്; പോരാട്ട ജീവിതരേഖയിലെ 25 നാഴികക്കല്ലുകൾ

വി എസ് ശതാബ്ദിയിലേക്ക്; പോരാട്ട ജീവിതരേഖയിലെ 25 നാഴികക്കല്ലുകൾ

വി എസ് അച്യുതാനന്ദന്റെ പോരാട്ട ജീവിതരേഖയിലെ 25 നാഴികക്കല്ലുകൾ അറിയാം

  • Share this:
തിരുവനന്തപുരം: രാജ്യത്ത് തന്നെ ജീവിച്ചിരിക്കുന്ന ഏറ്റവും മുതിർന്ന കമ്മ്യൂണിസ്റ്റ് നേതാവ് വി എസ് അച്യുതാനന്ദന് ഇന്ന് 99ാം പിറന്നാൾ. ശാരീരിക അവശതകളെ തുടർന്ന് വിശ്രമജീവിതത്തിലാണ് അദ്ദേഹം. ഈ സമയത്ത് പ്രിയ നേതാവിന്റെ രാഷ്ട്രീയ ജീവിതത്തിലെ 25 പ്രധാന നാഴികക്കല്ലുകൾ അറിയാം.

Also Read- വി എസ് അച്യുതാനന്ദൻ ശതാബ്ദിയിലേക്ക്; ജീവിതം തന്നെ പോരാട്ടമാക്കിയ കമ്മ്യൂണിസ്റ്റ് നേതാവിന് പിറന്നാളാശംസകൾ

1923 ഒക്ടോബർ 20- പുന്നപ്ര വെന്തലത്തറ കുടുംബത്തിൽ ശങ്കരന്റെയും അക്കമ്മയുടെയും മകനായി ജനനം. ഏഴാം ക്ലാസുവരെ വിദ്യാഭ്യാസം.

1940- മുതൽ കമ്മ്യൂണിസ്റ്റ് പാർട്ടി പ്രവർത്തനം.

1952 - അവിഭക്ത കമ്മ്യൂണിസ്റ്റ് പാർട്ടി ആലപ്പുഴ ഡിവിഷൻ സെക്രട്ടറി.

1956- പാർട്ടി ജില്ലാ സെക്രട്ടറി.

1957-  സംസ്ഥാന സെക്രട്ടറിയേറ്റ് അംഗം.

1959-  ദേശീയ കൗൺസിൽ അംഗം.

1964- കമ്മ്യൂണിസ്റ്റ് പാർട്ടി ദേശീയ കൗൺസിൽ യോഗത്തിൽ നിന്ന് ഇറങ്ങിപ്പോന്നു. പിളർപ്പിനെ തുടർന്ന് സിപിഎം കേന്ദ്ര കമ്മിറ്റി അംഗം.

1965- അമ്പലപ്പുഴയിൽ നിന്ന് നിയമസഭയിലേക്കുള്ള കന്നിയങ്കത്തിൽ തോല്‍വി. അമ്പലപ്പുഴയിൽ 1977ലും മാരാരിക്കുളത്ത് 1996ലും വി എസ് പരാജയപ്പെട്ടിട്ടുണ്ട്.

1967- അമ്പലപ്പുഴയിൽ നിന്ന് ആദ്യമായി നിയമസഭയിൽ. 1970ലും വിജയം. 1991ൽ മാരാരിക്കുളത്ത് നിന്നും 2001, 2006, 2011, 2016 തെരഞ്ഞെടുപ്പുകളിൽ മലമ്പുഴയിൽ നിന്നും വിജയം.

1967 ജൂലൈ 18 - വസുമതിയെ വിവാഹം ചെയ്തു.

1980 ജനുവരി- സിപിഎം സംസ്ഥാന സെക്രട്ടറി. 1991 ഡിസംബർ വരെ 3 തവണ സെക്രട്ടറിയായി.

1985- സിപിഎം പോളിറ്റ് ബ്യൂറോ അംഗം.

1992- ആദ്യമായി പ്രതിപക്ഷ നേതാവ്. ഇ കെ നായനാർ പാർട്ടി സെക്രട്ടറിയായപ്പോഴാണ് ഈ സ്ഥാനം. പിന്നീട് 2001ലും 2011ലും പ്രതിപക്ഷ നേതാവായി.

1997- നിലംനികത്തൽ വിരുദ്ധ സമരത്തിന് നേതൃത്വം നൽകി

1998- പാലക്കാട് സമ്മേളനത്തിൽ എതിർപക്ഷത്തെ വെട്ടിനിരത്തി പാർട്ടി കൈപ്പിടിയിലാക്കി. എന്നാൽ, 2005ലെ മലപ്പുറം സമ്മേളനത്തിൽ തിരിച്ചടിയേറ്റു.

2001- 2006- പ്രതിപക്ഷ നേതാവെന്ന നിലയിൽ മുല്ലപ്പെരിയാർ മുതൽ പൂയംകുട്ടിവരെയും മതികെട്ടാൻ മുതൽ എൻഡ‍ോസൾഫാൻ വരെയുമുള്ള പരിസ്ഥിതി പ്രശ്നങ്ങളിൽ സജീവമായി ഇടപെട്ടു.

2006 മെയ്- മുഖ്യമന്ത്രിയായി. കേരളത്തിൽ മുഖ്യമന്ത്രി സ്ഥാനത്തെത്തുന്ന ഏറ്റവും പ്രായം കൂടിയ ആൾ.

2007- വിവാദമായ മൂന്നാർ കയ്യേറ്റ ഭൂമി തിരിച്ചുപിടിക്കലിന് നേതൃത്വം നൽകി.

2009- പോളിറ്റ് ബ്യൂറോയിൽ നിന്ന് പുറത്ത്. പാർട്ടി സംസ്ഥാന സെക്രട്ടറി പിണറായി വിജയനുമായുള്ള ഏറ്റുമുട്ടലിന്റെ ഭാഗമായുള്ള പരസ്യപ്രസ്താവനകളിലൂടെയും മറ്റും വി എസ് അച്ചടക്കവും സംഘടനാ തത്വങ്ങളും ലംഘിച്ചതായി പാർട്ടി വ്യക്തമാക്കി.

2011- നിയമസഭാ തെരഞ്ഞെടുപ്പിൽ മുന്നണിയുടെ പ്രധാന പ്രചാരകനായിരുന്നെങ്കിലും നേരിയ ഭൂരിപക്ഷത്തിന് ഭരണം നഷ്ടമായി. വീണ്ടും പ്രതിപക്ഷ നേതാവ്.

2016- ഭരണപരിഷ്കാര കമ്മീഷൻ അധ്യക്ഷൻ.

2021- ജനുവരിയിൽ ഭരണപരിഷ്കാര കമ്മീഷൻ അധ്യക്ഷൻ സ്ഥാനമൊഴിഞ്ഞു.

2019- ഒക്ടോബറില്‍ പുന്നപ്ര- വയലാർ വാർഷിക ചടങ്ങുകളിൽ പങ്കെടുത്ത് മടങ്ങി തിരുവനന്തപുരത്തെത്തിയ വി എസിന് ശാരീരിക അസ്വസ്ഥതകളുണ്ടായി. പിന്നീട്, പൂർണവിശ്രമത്തിലാണ് അദ്ദേഹം.
Published by:Rajesh V
First published: