Corona Virus: സംസ്ഥാനത്ത് 806 പേർ നീരീക്ഷണത്തിൽ; ലക്ഷണങ്ങളോടെ 10 പേർ ആശുപത്രിയിൽ

തിരുവനന്തപുരം: കൊറോണ പ്രതിരോധ പ്രവർത്തനങ്ങളുടെ ഭാഗമായി സംസ്ഥാനത്ത് കൂടുതൽ പേർ നിരീക്ഷണത്തിൽ. ചൈന അടക്കമുള്ള വിദേശരാജ്യങ്ങളില്‍ നിന്ന് എത്തിയവര്‍ ഉള്‍പ്പെടെ 806 പേരാണ് സംസ്ഥാനത്ത് നിരീക്ഷണത്തില്‍. കൊറോണ രോഗലക്ഷണങ്ങളുമായി 10 പേര്‍ ഇപ്പോള്‍ ആശുപത്രിയിലാണ്.

173 പേര്‍ക്ക് കൂടി നിരീക്ഷണം ഏര്‍പ്പെടുത്തിയതോടെ സംസ്ഥാനത്ത് ആകെ നിരീക്ഷണത്തിലുള്ളവരുടെ എണ്ണം 806 ആയി. 796 പേർ വീട്ടിലും 10 പേർ രോഗലക്ഷണങ്ങളുമായി ആശുപത്രിയിലുമാണ് നിരീക്ഷണത്തിൽ കഴിയുന്നത്. 28 ദിവസം ഇവര്‍ നിരീക്ഷണത്തിൽ ആയിരിക്കും.

Corona Virus: 170 പേർ ചൈനയിൽ മരിച്ചു; 1000ത്തിലേറെ പേർക്ക് പുതുതായി രോഗം സ്ഥിരീകരിച്ചു

ആശുപത്രിയിലായിരുന്ന ഒൻപതു പേരെ ഡിസ്ചാര്‍ജ് ചെയ്തു. പൂനെ വൈറോളജി ഇൻസ്റ്റിറ്റ്യൂട്ടിലേക്ക് പരിശോധനയ്ക്ക് അയച്ച 16 പേരുടെ സാമ്പിളുകളുകളിൽ 10 പേര്‍ക്കും കൊറോണ രോഗബാധയില്ലെന്ന് സ്ഥിരീകരിച്ചു. ആറുപേരുടെ ഫലം വരാനുണ്ട്. കൊച്ചി, തിരുവനന്തപുരം വിമാനത്താവളങ്ങളില്‍ നിരീക്ഷണസംവിധാനം തുടരും.

ചൈന ഉള്‍പ്പെടെയുള്ള രാജ്യങ്ങളില്‍ നിന്ന് നാട്ടിലെത്തുന്നവര്‍ വീട്ടില്‍ തന്നെ നിരീക്ഷണത്തില്‍ കഴിയണം. കോഴിക്കോട് ജില്ലയിലാണ് ഏറ്റവും കൂടുതല്‍ പേര്‍ നിരീക്ഷണത്തിലുള്ളത്. 136 പേര്‍. എറണാകുളത്ത് 114 പേരും, മലപ്പുറത്ത് 104 പേരും നിരീക്ഷണത്തിലാണ്.

കൊറോണ: നിരീക്ഷണത്തിലുള്ളവര്‍

തിരുവനന്തപുരം - 63
കൊല്ലം - 79
പത്തനംതിട്ട- 18
ഇടുക്കി-13
കോട്ടയം- 29
ആലപ്പുഴ- 33
എറണാകുളം- 114
തൃശൂര്‍- 67
പാലക്കാട്- 53
മലപ്പുറം- 104
കോഴിക്കോട്- 136
വയനാട്- 14
കണ്ണൂര്‍- 45
കാസര്‍ഗോഡ്- 37