Vivekananda Kendra| വിവേകാനന്ദ കേന്ദ്രം പ്രസിഡന്റായി എ ബാലകൃഷ്ണൻ ചുമതലയേറ്റു

കന്യാകുമാരി വിവേകാനന്ദ കേന്ദ്രം പ്രസിഡന്റായി എ ബാലകൃഷ്ണൻ ചുമതലയേറ്റു. കാൽ നൂറ്റാണ്ട് കേന്ദ്രത്തിന്റെ പ്രസിഡന്റായിരുന്ന പി പരമേശ്വരന്റെ വിയോഗത്തെ തുടർന്നാണ് നിലവിൽ വൈസ് പ്രസിഡന്റായ എ ബാലകൃഷ്ണൻ ചുമതലയയേറ്റെടുത്തത്.

വിവേകാനന്ദ കേന്ദ്രത്തിന്റെ ആറാമത് പ്രസിഡന്റായാണ് ബാലകൃഷ്ണൻ ചുമതലയേറ്റത്. തൃശൂർ സ്വദേശിയായ ബാലകൃഷ്ണൻ ഇന്ത്യൻ വ്യോമസേനയിൽ നിന്ന് വിരമിച്ചശേഷം കേന്ദ്രത്തിന്റെ സ്ഥാപകനായ ഏകനാഥ് റാനഡെയുമായി ബന്ധപ്പെട്ട് പ്രവർത്തിച്ചു.

1973 ലെ ആദ്യ ബാച്ചിൽ പൂർണസമയ പ്രവർത്തകനായി പരിശീലനം നേടിയശേഷം വടക്കുകിഴക്കൻ മേഖലയിൽ മേഖലാ സംഘാടകനായി സേവനമനുഷ്ഠിച്ചു. 1981 മുതൽ 2001വരെ ജനറൽ സെക്രട്ടറിയായി ചുമതല വഹിച്ചു. അദ്ദേഹത്തിന്റെ നേതൃത്വത്തിലാണ് 1979ൽ അരുണാചൽ പ്രദേശിൽ വിവേകാനന്ദ കേന്ദ്ര വിദ്യാലയം ആരംഭിച്ചത്.

TRENDING:COVID 19 | ഇളവുകൾ അനുവദിക്കും; തിരുവനന്തപുരത്ത് ലോക്ക്ഡൗൺ തുടരും[NEWS]Fact Check | മാസ്ക് ധരിക്കാത്തതിന് ആടിനെ അറസ്റ്റ് ചെയ്തോ?[PHOTOS]INSPIRING LIFE | ഉയരമല്ല കാര്യം; പൊക്കമില്ലായ്മയെ ഐഎഎസ് കൊണ്ട് തോൽപിച്ച് ആർതി ദോഗ്ര [NEWS]

പ്രൊഫ. ടിഎംപി മഹാദേവൻ, പ്രൊഫ. കമൽ നയൻ വാസ്വാനി, ഏകനാഥ് റാനഡെ, ഡി ലക്ഷ്മി കുമാരി, പി പരമേശ്വരൻ എന്നിവരായിരുന്നു വിവേകാനന്ദ കേന്ദ്രത്തിന്റെ മുൻ പ്രസിഡന്റുമാർ.