നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • 'ഹരിതയിൽ ലീഗ് നേതൃത്വത്തിന് വീഴ്ച'; പിന്തുണയുമായി എംഎസ്എഫിലെ ഒരു വിഭാ​ഗം; നേതൃത്വത്തിന് കത്തയച്ചു

    'ഹരിതയിൽ ലീഗ് നേതൃത്വത്തിന് വീഴ്ച'; പിന്തുണയുമായി എംഎസ്എഫിലെ ഒരു വിഭാ​ഗം; നേതൃത്വത്തിന് കത്തയച്ചു

    പിഎംഎ സലാം വിഷയം കൈകാര്യം ചെയ്ത് വഷളാക്കുകയായിരുന്നു എന്ന വിമർശനവും കത്തിലുണ്ട്.

    MSF

    MSF

    • Share this:
      കോഴിക്കോട്: ഹരിതയ്ക്ക് പിന്തുണയുമായി എം എസ് എഫിലെ ഒരു വിഭാ​ഗം. ഹരിതയ്ക്കെതിരായ നടപടി പുനഃപരിശോധിക്കണമെന്നാണ് ഇവരുടെ ആവശ്യം. ആവശ്യമുന്നയിച്ച് ഇവർ മുസ്ലിം ലീ​ഗ് ദേശീയ നേതൃത്വത്തിന് കത്തയച്ചു. സീനിയർ വൈസ് പ്രസിഡന്റ്, ജനറൽ സെക്രട്ടറി ഉൾപ്പടെയുള്ളവരാണ് കത്തയച്ചിരിക്കുന്നത്. ‌

      Also Read- 'ആണ്‍കുട്ടികൾ മാപ്പ് ചോദിച്ചല്ലോ? പെൺകുട്ടികൾക്ക് എന്താ പരാതി പിൻവലിച്ചാൽ': വനിതാ ലീഗ് നേതാവ് ഖമറുന്നിസ അൻവർ

      സ്ഥിതി വഷളാക്കിയത് പി എം എ സലാമിന്റെ ഇടപെടലാണെന്നും ഇവർ ആരോപിക്കുന്നു. എംഎസ്എഫ് വനിതാ വിഭാഗമായ ഹരിതയുടെ സംസ്ഥാന കമ്മിറ്റി മുസ്ലിം ലീഗ് പിരിച്ചുവിട്ടത് ഏകകണ്ഠമായ തീരുമാനപ്രകാരമല്ലെന്നാണ് ഇപ്പോൾ മനസ്സിലാവുന്നത്. പി കെ നവാസിനെ എതിർക്കുന്ന എംഎസ്എഫിലെ ഒരു പ്രബല വിഭാ​ഗമാണ് ഇപ്പോൾ നടപടിയിൽ പുനഃപരിശോധന ആവശ്യപ്പെട്ട് കത്തയച്ചിരിക്കുന്നത്. നവാസിന്റെ ഭാ​ഗത്ത് നിന്ന് യോ​ഗത്തിൽ സ്ത്രീവിരുദ്ധ പരാമർശമുണ്ടായിട്ടുണ്ട്. അത് പാർട്ടിക്ക് നാണക്കേടാണ്. ഇപ്പോളെടുത്തിരിക്കുന്ന തീരുമാനവും പാർട്ടിക്ക് അപമാനകരമാണ്. അതുകൊണ്ട് ഒരു കാരണവശാലും ഈ തീരുമാനവുമായി മുന്നോട്ടുപോകരുത് എന്നാണ് കത്തിൽ ആവശ്യപ്പെട്ടിരിക്കുന്നത്.

      Also Read- മുസ്ലിം ലീഗുമായി ഏറ്റുമുട്ടലിന് ഉറച്ച് ഹരിത നേതാക്കള്‍; പോരാട്ടമാണ് വഴിയെന്ന് മുഫീദ തസ്നി

      ഹരിതയുടെ പരാതി കൈകാര്യം ചെയ്ത രീതിയ്ക്കകത്തും പ്രശ്നമുണ്ട്. പിഎംഎ സലാം വിഷയം കൈകാര്യം ചെയ്ത് വഷളാക്കുകയായിരുന്നു എന്ന വിമർശനവും കത്തിലുണ്ട്. ലീഗ് എന്ന പാർട്ടി സ്ത്രീവിരുദ്ധമാണെന്ന പൊതുധാരണ ഈ തീരുമാനം മൂലം ഉണ്ടായി. ആരോപണവിധേയര്‍ ഖേദപ്രകടനത്തില്‍പ്പോലും തെറ്റുപറ്റിയെന്ന് പറഞ്ഞില്ലെന്നും കത്തിൽ പറയുന്നു.

      Also Read- ഹരിത സംസ്ഥാന കമ്മിറ്റി പിരിച്ചു വിട്ടു; ഹരിത നേതാക്കളുടേത് കടുത്ത അച്ചടക്ക ലംഘനമെന്ന് മുസ്ലിം ലീഗ്

      ലീഗിന്റെ മുതിർന്ന നേതാക്കളെല്ലാം സ്ത്രീകളുടെ ഉന്നമനത്തിനായി പ്രവർത്തിച്ച ആളുകളാണ്. അവരെക്കൂടി അപമാനിക്കുന്ന തരത്തിലാണ് ഇപ്പോഴത്തെ തീരുമാനം. ഹരിത നൽകിയ പരാതി കൈകാര്യം ചെയ്തതിൽ ലീഗിന് വൻ വീഴ്ചയാണ് സംഭവിച്ചതെന്നും അത് പാടില്ലായിരുന്നെന്നും കത്തിൽ പറയുന്നു. ഏറെ വൈകിയും ഇത് പരിഹരിക്കാനുള്ള ശ്രമം ലീഗിന് നടത്താമായിരുന്നെങ്കിലും അത് ഉണ്ടായില്ലെന്നുള്ള വിമർശനമാണ് എംഎസ്എഫിന്റെ ഭാഗത്തുനിന്നും ഉണ്ടായത്.

      മുസ്ലിംലീഗ് ദേശീയ ജനറൽ സെക്രട്ടറി പി കെ കുഞ്ഞാലിക്കുട്ടിക്ക് അയച്ച കത്തിന്റെ പൂർണരൂപം 

      Published by:Rajesh V
      First published:
      )}