തുണി അലക്കുന്നതിനിടെ കാൽവഴുതി പുഴയിൽവീണ് പ്ലസ് ടു വിദ്യാർഥിനി മരിച്ചു

കൽപ്പറ്റ: തുണി അലക്കുന്നതിനിടെ കാൽവഴുതി പുഴയിൽവീണ് പ്ലസ് ടു വിദ്യാർഥിനി മരിച്ചു. വയനാട് പുൽപ്പള്ളി പ്രിയദർശിനി കോളനിയിൽ താമസിക്കുന്ന തമിഴ്നാട് സ്വദേശി സുമേഷ്-ശാന്ത ദമ്പതികളുടെ മകൾ ആദിത്യയാണ് മരിച്ചത്. ചേകാടി പുഴയിലാണ് അപകടം ഉണ്ടായത്. ശനിയാഴ്ച വൈകിട്ട് നാലരയോടെയാണ് അപകടം.

തുണി അലക്കുന്നതിനിടെ കാൽവഴുതി പുഴയിലേക്ക് വീഴുകയായിരുന്നു. മൃതദേഹം ഇൻക്വസ്റ്റ് നടപടികൾ പൂർത്തിയാക്കി പോസ്റ്റുമോർട്ടം നടത്തി.

Also Read- കൊല്ലം ബീച്ചിൽ പുതുവത്സരാഘോഷത്തിനിടെ യുവാവിനെ തിരയിൽപ്പെട്ട് കാണാതായി

പുൽപ്പള്ളി വിജയ ഹയർ സെക്കൻഡറി സ്കൂളിലെ വിദ്യാർഥിയാണ് ആദിത്യ. ചേകാടി പമ്പ്ഹൌസിന് അടുത്ത് കുടുംബാംഗങ്ങളോടൊപ്പമാണ് ആദിത്യ തുണി അലക്കാനായി എത്തിയത്.