കൊച്ചിയിൽ റോഡിലെ കുഴിയിൽ വീണ് ഇരുചക്രവാഹന യാത്രക്കാരിയുടെ കാലൊടിഞ്ഞു

കൊച്ചി: റോഡിൽ പൈപ്പ് നന്നാക്കാനെടുത്ത കുഴിയിൽ വീണ് ഇരുചക്ര വാഹന യാത്രക്കാരിയുടെ കാലൊടിഞ്ഞു. രാവിലെ ജോലിക്ക് പോകുകയായിരുന്ന വെള്ളാപ്പിളളി സ്വദേശി ചിഞ്ചുവിനാണ് പരിക്കേറ്റത്.

ശ്രീമൂലനഗരം എം എൽ എ റോഡിൽ പൈപ്പ് നന്നാക്കാനെടുത്ത കുഴിയിൽ വാഹനം വീണ് തെറിച്ച് വീഴുകയായിരുന്നു. യുവതിയുടെ കാലിലെ എല്ലിന് പൊട്ടലുണ്ട്. കൈയിലും കാലിനും ചെറിയ പരിക്കുണ്ട്. ഒരു മാസത്തോളമായി എം എൽ എ റോഡിൽ അപകടകരമായ നിലയിൽ ഈ കുഴി ഉണ്ടെന്ന് നാട്ടുകാർ പറയുന്നു.

അതിനിടെ കൊച്ചിയിൽ  മാലിന്യക്കുഴിയില്‍ വീണ് നാലുവയസുകാരി മരിച്ചു. പശ്ചിമബംഗാള്‍ സ്വദേശിനി ഹുനൂബയുടെ മകള്‍ അസ്മിനിയാണ് മരിച്ചത്. പെരുമ്പാവൂരിലെ പ്ലൈവുഡ് കമ്പനിയിലാണ് അപകടം നടന്നത്.

Also read-കൊച്ചിയിൽ സ്വകാര്യ ബസ് ഇടിച്ച് ബൈക്ക് യാത്രക്കാരന് ദാരുണാന്ത്യം; അപകടം ബൈക്കിനെ മറികടക്കാൻ ശ്രമിക്കുന്നതിനിടെ

രാവിലെ ഒന്‍പതുമണിയോടെയായിരുന്നു അപകടം. ഹനൂബ ഈ പ്ലൈവുഡ് കമ്പനിയിലെ ജീവനക്കാരിയാണ്. രാവിലെ അമ്മക്കൊപ്പം പ്ലൈവുഡ് കമ്പനിയില്‍ എത്തിയതായിരുന്നു കുട്ടി. യുവതി ജോലിക്ക് കയറുന്നതിനിടെ കുട്ടി കമ്പനി പരിസരത്തു കളിക്കുകയായിരുന്നു. അതിനിടെയാണ് കുട്ടി കുഴിയിൽ വീണത്. മൃതദേഹം പെരുമ്പാവൂരിലെ ആശുപത്രിയില്‍ സൂക്ഷിച്ചിരിക്കുകയാണ്.