• HOME
  • »
  • NEWS
  • »
  • kerala
  • »
  • PC George | ആപ്പ് പച്ച പിടിക്കില്ല, ഇനി വരാൻ പോകുന്നത് പിണറായിയും ബിജെപിയും തമ്മിലുള്ള പോരാട്ടം: പി.സി ജോര്‍ജ്

PC George | ആപ്പ് പച്ച പിടിക്കില്ല, ഇനി വരാൻ പോകുന്നത് പിണറായിയും ബിജെപിയും തമ്മിലുള്ള പോരാട്ടം: പി.സി ജോര്‍ജ്

പി സി ജോർജ്

പി സി ജോർജ്

  • Share this:
പഞ്ചാബ് തെരഞ്ഞെടുപ്പിൽ വൻ വിജയം നേടി അധികാരത്തിലെത്തിയ ആം ആദ്മി പാർട്ടി (Aam Aadmi Party) കേരളത്തിൽ പച്ച പിടിക്കില്ലെന്ന് ജനപക്ഷം സെക്കുലർ സംസ്ഥാന അധ്യക്ഷൻ പിസി ജോർജ് (PC George) .  കേരളത്തിൽ ഏതെങ്കിലും ഒരു ന്യൂനപക്ഷ വിഭാഗത്തിന് പിന്തുണ ഇല്ലാതെ കാര്യമായി പ്രവർത്തിക്കാനാവില്ല. കേരളത്തിൽ 46% ന്യൂനപക്ഷ സമുദായങ്ങൾ ആണ് ഉള്ളത്.ആം ആദ്മി പാർട്ടിക്ക് ഏതെങ്കിലുമൊരു വിഭാഗത്തിന്റെ പിന്തുണ ഇല്ല എന്നും പിസി ജോർജ് ചൂണ്ടിക്കാട്ടുന്നു. ആം ആദ്മി പാർട്ടിയുമായി ഒരു തരത്തിലുള്ള സഖ്യത്തിനും താനില്ലെന്ന്  പിസി ജോർജ് പറഞ്ഞു.

ആം ആദ്മി പാർട്ടിയും ട്വന്റി20യും ഒരുമിച്ച് ചേർന്നാലും ഗുണം ഉണ്ടാകില്ല . എല്ലാവർക്കും ഭക്ഷണ കിറ്റുകൾ നൽകിയാണ് ട്വന്റി 20 വിജയത്തിൽ എത്തിയത്. എന്നാൽ കേരളത്തിൽ എല്ലാവർക്കും ഇത് നൽകാൻ  ട്വന്റി20 നേതൃത്വത്തിന് ആകുമോ എന്ന് പിസി ജോർജ് ചോദിക്കുന്നു. അരവിന്ദ് കെജ്രിവാളിന് പ്രവർത്തനത്തിൽ തനിക്ക് അഭിമാനമാണ് ഉള്ളത് എന്നും പി സി ജോർജ്ജ് പറഞ്ഞു. എന്നാൽ കേരളത്തിൽ ഇത് ഗുണം ചെയ്യില്ല എന്ന് പിസി ജോർജ് ചൂണ്ടിക്കാട്ടി.

  Also Read- 'കെ വി തോമസിന് ചെവി കേള്‍ക്കുമോ? 90 കഴിഞ്ഞവരെ ഇനിയും രാജ്യസഭയില്‍ ഇരുത്തരുത്, യുവാക്കള്‍ക്ക് അവസരം നല്‍കണം': പിസി ജോര്‍ജ്

കേരളത്തിൽ വൈകാതെ കോൺഗ്രസ് തകരുന്ന സാഹചര്യം ആകും ഉണ്ടാവുക. പകരം ബിജെപി ശക്തിപ്രാപിക്കും. അടുത്ത ഒരു വർഷത്തിനുള്ളിൽ ബിജെപി പ്രധാനപ്പെട്ട ശക്തികേന്ദ്രമായി മാറുമെന്നും പി സി ജോർജ്ജ് പറഞ്ഞു. അങ്ങനെ പിണറായി വിജയനും ബിജെപിയും നേരിട്ടുള്ള ഏറ്റുമുട്ടൽ ആകും ഉണ്ടാകുക എന്നും പിസി ജോർജ് അഭിപ്രായപ്പെട്ടു.

രാജ്യത്തെ കോൺഗ്രസ് അപമാനകരമായ തോൽവിയാണ് ഏറ്റുവാങ്ങുന്നത് . വിവിധ സംസ്ഥാനങ്ങളിലേക്ക് നടന്ന തെരഞ്ഞെടുപ്പ് തോൽവികൾ വിശകലനം ചെയ്തുകൊണ്ടാണ് പിസി ജോർജ് അഭിപ്രായം പ്രകടിപ്പിച്ചത്. പഞ്ചാബിൽ വലിയ തോൽവി ആണ് ഉണ്ടായത്.  കോൺഗ്രസിനെ തിരികെ കൊണ്ടുവന്നാൽ ഇനി പുതിയ നേതൃത്വം ഉണ്ടാകണമെന്നും പിസി ജോർജ് അഭിപ്രായപ്പെട്ടു.

യുവതലമുറ കോൺഗ്രസ് നേതൃസ്ഥാനത്ത് എത്തണമെന്നാണ് തന്റെ അഭിപ്രായമെന്നും പിസി ജോർജ് പറഞ്ഞു. രാഹുൽഗാന്ധി കോൺഗ്രസിനെ മുന്നോട്ടു കൊണ്ടുപോകാൻ പ്രാപ്തനല്ല എന്ന് ജോർജ് അഭിപ്രായപ്പെട്ടു. ഇടയ്ക്കിടയ്ക്ക് വിദേശത്ത് പോകേണ്ട ആവശ്യം ഉള്ള ആളാണ് രാഹുൽ ഗാന്ധി എന്ന്  പിസി ജോർജ് പരിഹാസിച്ചു.

പ്രിയങ്ക ഗാന്ധി കോൺഗ്രസ് അധ്യക്ഷ സ്ഥാനത്തേക്ക് എത്തണമെന്ന്  പിസി ജോർജ് അഭിപ്രായപ്പെട്ടു. ഉത്തർപ്രദേശിൽ തോൽവി ഉണ്ടായത് പ്രിയങ്ക ഗാന്ധിയുടെ മാത്രം കുഴപ്പം കൊണ്ടല്ല. പ്രിയങ്ക ഗാന്ധിക്ക് ചുമതല നൽകി ഉത്തർപ്രദേശിലേക്ക് വിട്ടു എങ്കിലും മറ്റാരും സഹായിക്കാൻ ഉണ്ടായില്ല എന്നാണ് പിസി ജോർജ് ചൂണ്ടിക്കാട്ടുന്നത്. ഇന്ദിരാഗാന്ധി യുമായി ഏറെ ഛായയുള്ള നേതാവ് എന്ന നിലയിൽ പ്രിയങ്ക ഗാന്ധിക്ക് സാധ്യത ഏറെയാണ് എന്നും പി സി ജോർജ്ജ് പറഞ്ഞു. കോൺഗ്രസ് പ്രധാനമന്ത്രി പറഞ്ഞതുപോലെ ആയി മാറുകയാണ്. ഒരു പ്രതിപക്ഷം ആയെങ്കിലും കോൺഗ്രസ് ഇവിടെ തുടരേണ്ടത് ആവശ്യമാണ് എന്നും പിസി ജോർജ് അഭിപ്രായപ്പെട്ടു.
Published by:Arun krishna
First published: