• HOME
  • »
  • NEWS
  • »
  • kerala
  • »
  • Abdul Nasir Maudany| 'നിരോധനത്തിന്റെ ഉമ്മാക്കി കാട്ടി മുസ്ലിം സമുദായത്തെ പേടിപ്പിക്കേണ്ട': മഅ്ദനി

Abdul Nasir Maudany| 'നിരോധനത്തിന്റെ ഉമ്മാക്കി കാട്ടി മുസ്ലിം സമുദായത്തെ പേടിപ്പിക്കേണ്ട': മഅ്ദനി

''ബീഫും കോഴിയും ആടും എല്ലാം നിരോധിച്ചാലും ആകാശത്ത് നിന്ന് വീഴുന്ന മഴത്തുള്ളികളുണ്ടെങ്കിൽ ഞങ്ങൾക്ക് ജീവിക്കാൻ കഴിയും പുഴയിലൂടെ ഒഴുകുന്ന വെള്ളമുണ്ടെങ്കിൽ ഞങ്ങൾക്ക് ജീവിക്കാൻ കഴിയുമെന്ന് കാണിച്ചുകൊടുക്കാനുള്ള ചങ്കുറപ്പും ജീവിതപരിചയവുമുള്ളവരാണ് മുസ്‌ലിങ്ങള്‍''

  • Share this:
    ബെംഗളൂരു: നിരോധനത്തിന്റെ ഉമ്മാക്കി കാട്ടി മുസ്‌ലിം (Muslim) സമുദായത്തെ പേടിപ്പിക്കേണ്ടെന്ന് പിഡിപി (PDP) ചെയർമാൻ അബ്ദുന്നാസർ മഅ്ദനി (Abdul Nasir Maudany). അള്ളാഹുവിൽ വിശ്വസിച്ച് പ്രവാചകനെ പിന്തുടർന്ന് കൊല്ലത്തിൽ 30 ദിവസം നോമ്പ് നോൽക്കുന്ന വിശ്വാസിക്ക് ഫാഷിസത്തിന്റെ കുടകൊണ്ട് തടഞ്ഞുനിർത്താനാവാത്ത ആകാശത്ത് നിന്ന് പെയ്യുന്ന മഴകൊണ്ട് ജീവിച്ചുപോവാനാവുമെന്നതിൽ സംശയമില്ലെന്നും അദ്ദേഹം വീഡിയോ സന്ദേശത്തിൽ പറഞ്ഞു.

    റമദാന്റെ തൊട്ടുമുമ്പ് ചില നിരോധനങ്ങൾ കൊണ്ടുവന്ന് മുസ്ലിങ്ങളെ ഭയപ്പെടുത്താൻ നോക്കേണ്ട. ബീഫും കോഴിയും ആടും എല്ലാം നിരോധിച്ചാലും ആകാശത്ത് നിന്ന് വീഴുന്ന മഴത്തുള്ളികളുണ്ടെങ്കിൽ ഞങ്ങൾക്ക് ജീവിക്കാൻ കഴിയും പുഴയിലൂടെ ഒഴുകുന്ന വെള്ളമുണ്ടെങ്കിൽ ഞങ്ങൾക്ക് ജീവിക്കാൻ കഴിയുമെന്ന് കാണിച്ചുകൊടുക്കാനുള്ള ചങ്കുറപ്പും ജീവിതപരിചയവുമുള്ളവരാണ് മുസ്ലിങ്ങളെന്ന കാര്യത്തിൽ സംശയമില്ല-മഅ്ദനി പറഞ്ഞു.

    ആചാരലംഘനം നടത്തിയെന്ന പേരിൽ ക്ഷേത്രം ജീവനക്കാരനെതിരെ നടപടി

    കണ്ണൂരിൽ ആചാരലംഘനം നടത്തിയെന്ന പേരിൽ ക്ഷേത്രം ജീവനക്കാരന് എതിരെ നടപടി. തൃച്ചംബരം ശ്രീകൃഷ്ണ സ്വാമി ക്ഷേത്രത്തിലെ ജീവനക്കാരനും വാദ്യ കലാകാരനുമായ എം.വി. വേണുഗോപാൽ ആണ് നടപടി നേരിടുന്നത്. സഹോദരിയുടെ മകളുടെ പ്രസവത്തെ തുടർന്ന് വാലായ്മ പാലിച്ചില്ല എന്ന പരാതിയിലാണ് നടപടി. വാലായ്മ ഉള്ളയാൾ ക്ഷേത്രത്തിൽ പ്രവേശിക്കാനോ വാദ്യകാരനായി അകമ്പടി സേവിക്കാനോ പാടില്ലെന്നാണ് ആചാരം. വേണുഗോപാലിനെ ജോലിയിൽ നിന്ന് മാറ്റി നിർത്തി സംഭവത്തിൽ വിശദമായ അന്വേഷണം നടത്താനാണ് ക്ഷേത്രം അധികൃതരുടെ തീരുമാനം. സഹോദരിയുമായി അകന്നു കഴിയുന്നതിനാൽ സംഭവം അറിയാത്തതിനെ തുടർന്നാണ് വാലായ്മ പാലിക്കാത്തത് എന്നാണ് ജീവനക്കാരന്റെ വിശദീകരണം.

    കഴിഞ്ഞ 28 വർഷമായി തൃച്ചംബരം ശ്രീകൃഷ്ണസ്വാമി ക്ഷേത്രത്തിൽ വഴിപാട് ക്ലർക്കായി സേവനമനുഷ്ഠിക്കുകയുണ് 51 കാരനായ വേണുഗോപാൽ . നീലേശ്വരത്ത് താമസിക്കുന്ന സഹോദരിയായ എം.വി. അനിതയാണ് വേണുഗോപാലിന് എതിരെ പരാതി നൽകിയത്. "വസ്തു തർക്കത്തെ തുടർന്ന് കഴിഞ്ഞ ഏഴു വർഷവുമായി ഞാൻ സഹോദരിയുമായി അകന്ന് കഴിയുകയാണ്. അതു കൊണ്ടാണ് സഹോദരിയുടെ മകളുടെ പ്രസവം അറിയാതിരുന്നത്. മനഃപൂർവം ആചാരം ലംഘിക്കാൻ ഉദേശിച്ചില്ല," വേണുഗോപാൽ ന്യൂസ് 18 നോട് പറഞ്ഞു. കണ്ണൂർ കാനൂലിലാണ് വേണുഗോപാൽ താമസിക്കുന്നത്.

    കഴിഞ്ഞ 14ന് തന്റെ മകൾ പെൺകുഞ്ഞിന് ജന്മം നൽകിയ വിവരം വേണുഗോപാലിന്റെ ഭാര്യയെ വാട്ട്സാപ്പ് വഴി അറിയിച്ചതായി സഹോദരി അനിത ക്ഷേത്രം അധികൃതർക്ക് നൽകിയ പരാതിയിൽ പറയുന്നു. ഭാര്യ വിവരം വേണുഗോപാലിനെ അറിയിച്ചതായി തന്നോട് പറഞ്ഞതായും അനിത പരാതിയിൽ വ്യക്തമാക്കിയിട്ടുണ്ട്. എന്നാൽ മറ്റൊരു വീട്ടിൽ താമസിക്കുന്ന ഭാര്യ തന്നെ വിവരം അറിയിച്ചില്ലന്നാണ് വേണുഗോപാലിന്റെ വിശദീകരണം. പതിനഞ്ചാം തീയതി ക്ഷേത്രം അധികൃതർ തന്നെ പരാതിയെ കുറിച്ച് അറിയിച്ചപ്പോഴാണ് സഹോദരിയുടെ മകൾ പ്രസവിച്ച കാര്യം അറിഞ്ഞത് എന്നാണ് വേണുഗോപാൽ പറയുന്നത്. സംഭവത്തിൽ ക്ഷേത്രം അധികൃതർ അന്വേഷണം പ്രഖ്യാപിച്ച സാഹചര്യത്തിൽ തനിക്ക് നിരപരാധിത്വം തെളിയിക്കാൻ കഴിയുമെന്ന പ്രതീക്ഷയിലാണ് വേണുഗോപാൽ.

    കണ്ണൂർ കരിവെള്ളൂരിൽ പൂരക്കളി കലാകാരനായ വിനോദ് പണിക്കരെ വിലക്കിയ നടപടി നേരത്തെ വിവാദമായിരുന്നു. മകൻ ഇതര മതത്തിൽ പെട്ട പെൺകുട്ടിയെ വിവാഹം ചെയ്തതിനെ തുടർന്നാണ് വിനോദ് പണിക്കർക്ക് വിലക്ക് നേരിടേണ്ടിവന്നത്.
    Published by:Rajesh V
    First published: