Vinayakan| മാധ്യമപ്രവർത്തകയെ അധിക്ഷേപിക്കുന്ന പരാമർശം; ക്ഷമ ചോദിച്ച് നടൻ വിനായകൻ

കൊച്ചി: 'ഒരുത്തീ' സിനിമയുടെ പ്രചാരണാർത്ഥം നടന്ന വാർത്താസമ്മേളനത്തിനിടെ മാധ്യമപ്രവർത്തക​യെ അധിക്ഷേപിച്ച് സംസാരിച്ചതിൽ ക്ഷമ ചോദിച്ച് നടൻ വിനായകൻ (Vinayakan). 'പത്രസമ്മേളനത്തിനിടെ ചില സംസാരത്തിൽ ഞാൻ ഉദ്ദേശിക്കാത്ത മാനത്തിൽ മാധ്യമ പ്രവർത്തകയായ ഒരു സഹോദരിക്ക് എന്റെ ഭാഷാപ്രയോഗത്തിന്മേൽ (ഒട്ടും വ്യക്തിപരമായിരുന്നില്ല 🙏🏿) വിഷമം നേരിട്ടതിൽ ഞാൻ ക്ഷമ ചോദിക്കുന്നു' - വിനായകൻ ഫേസ്ബുക്ക് പോസ്റ്റിൽ കുറിച്ചു.

മി ​ടൂ വി​ഷ​യ​ത്തി​ൽ ന​ട​ൻ വി​നാ​യ​ക​ന്‍റെ പ്ര​തി​ക​ര​ണം വ​ൻ വി​വാ​ദ​ത്തി​ലേ​ക്കും പ്ര​തി​ഷേ​ധ​ങ്ങ​ളി​ലേ​ക്കുമാണ് വ​ഴി​തെ​ളി​ച്ചിരുന്നത്. മി ​ടൂ എ​ന്താ​ണെ​ന്ന​റി​യി​ല്ലെ​ന്നും ത​നി​ക്ക് ലൈം​ഗി​ക​ബ​ന്ധ​ത്തി​ലേ​ർ​പ്പെ​ടേ​ണ്ട​വ​രോ​ട് ചോ​ദി​ച്ചു ചെ​യ്യാ​റാ​ണ് പ​തി​വെ​ന്നു​മു​ൾ​പ്പെ​ടെ​യു​ള്ള പ്ര​തി​ക​ര​ണ​ങ്ങ​ൾ​ക്കെ​തി​രെ​യാ​ണ് നി​ര​വ​ധി പേ​ർ രം​ഗ​ത്തെ​ത്തിയത്. വി കെ പ്ര​കാ​ശ് സം​വി​ധാ​നം ചെ​യ്ത് ന​വ്യ നാ​യ​രും വി​നാ​യ​ക​നും മു​ഖ്യ​വേ​ഷ​ത്തി​ലെ​ത്തു​ന്ന ഒ​രു​ത്തീ എ​ന്ന സി​നി​മ​യു​ടെ പ്ര​മോ​ഷ​നു​മാ​യി ബ​ന്ധ​പ്പെ​ട്ട വാ​ർ​ത്ത​സ​മ്മേ​ള​ന​ത്തി​ലാ​ണ് സ്ത്രീ​വി​രു​ദ്ധ പ്ര​സ്താ​വ​ന​ ന​ട​നി​ൽ​നി​ന്നു​ണ്ടാ​യ​ത്.

Also Read- Parvathy Thiruvothu | വിനായകന്റെ പരാമർശത്തോട് ഒറ്റവാക്കിൽ പ്രതികരിച്ച് പാർവതി തിരുവോത്ത്

ഇ​തി​നെ​തി​രെ സി​നി​മ താ​ര​ങ്ങ​ളും ആ​ക്ടി​വി​സ്റ്റു​ക​ളു​മു​ൾ​പ്പെ​ടെ നി​ര​വ​ധി പേ​ർ രം​ഗ​ത്തെ​ത്തി​യിരുന്നു. വി​നാ​യ​ക​നെ​തി​രെ മു​മ്പ്​ ഉ​യ​ർ​ന്നു​വ​ന്ന ലൈം​ഗി​കാ​തി​ക്ര​മ ആ​രോ​പ​ണം സം​ബ​ന്ധി​ച്ച ചോ​ദ്യ​ത്തി​നാ​ണ് മി ​ടൂ​വി​ന്‍റെ ഉ​ദ്ദേ​ശ്യ​ശു​ദ്ധി​യെ​യും ലൈം​ഗി​ക​ബ​ന്ധ​ത്തി​ലെ ഉ‍ഭ​യ​സ​മ്മ​ത​ത്തെ​യും നി​സ്സാ​ര​വ​ത്ക​രി​ക്കു​ന്ന വി​ധ​ത്തി​ലു​ള്ള മ​റു​പ​ടി​യു​ണ്ടാ​യ​ത്. സ്ത്രീ​യു​ടെ പോ​രാ​ട്ടം ചി​ത്രീ​ക​രി​ക്കു​ന്ന സി​നി​മ​യു​മാ​യി ബ​ന്ധ​പ്പെ​ട്ട വേ​ദി​യി​ലാ​ണ് ഇ​ത്ത​ര​ത്തി​ൽ സ്ത്രീ​വി​രു​ദ്ധ​ത നി​റ​ഞ്ഞ പ്ര​തി​ക​ര​ണ​മു​ണ്ടാ​യ​തെ​ന്ന വൈ​രു​ധ്യ​വും പ​ല​രും ചൂ​ണ്ടി​ക്കാ​ട്ടി. വ​നി​താ ക​മ്മീഷ​ൻ സ്വ​മേ​ധ​യാ കേ​സെ​ടു​ക്ക​ണ​മെ​ന്ന ആ​വ​ശ്യ​വും ഉ​യ​ർന്നിരുന്നു.

Also Read- Vinayakan | നടൻ വിനായകന്‍റെ മീ ടൂ പരാമർശം ഉണ്ടായത് എങ്ങനെ? വാർത്താസമ്മേളനം റിപ്പോർട്ട് ചെയ്ത മാധ്യമപ്രവർത്തകന്‍റെ കുറിപ്പ്

“എന്താണ് മീ ടൂ? എനിക്ക് അറിയില്ല. പെണ്ണിനെ കയറി പിടിച്ചോ? ഞാൻ ചോദിക്കട്ടെ ഒരു പെണ്ണായി സെക്സ് ചെയ്യണം എന്നുണ്ടെങ്കിൽ എന്ത് ചെയ്യണം? എന്റെ ലൈഫിൽ ഒരു പത്ത് സ്ത്രീകളുമായി താൻ ശാരീരിക ബന്ധത്തിൽ ഏർപ്പെട്ടിട്ടുണ്ട്. ഈ പത്ത് സ്ത്രീകളോടും ഞാൻ തന്നെയാണ് ഫിസിക്കൽ റിലേഷനിൽ ഏർപ്പെടാൻ തയ്യാറാണോയെന്ന് ചോദിച്ചത്. അതാണ് നിങ്ങൾ പറയുന്ന മീ ടൂ എങ്കിൽ ഞാൻ ഇനിയും ചോദിക്കും. അവർക്ക് താത്പര്യമില്ലെങ്കിൽ അവർ നോ പറയും. എന്നോട് ഇതുവരെ ഒരു പെണ്ണും അത് ചോദിച്ചിട്ടില്ല,” ഇതായിരുന്നു വിനായകന്റെ വാക്കുകൾ.

Also Read- Vinayakan| 'എല്ലാ സ്ത്രീകളോടും ഞാന്‍ സെക്‌സ് ചോദിച്ചുവാങ്ങുകയായിരുന്നു; ഫാൻസുകാർ പൊട്ടൻമാർ': വിനായകൻ

പത്രസമ്മേളനത്തിൽ പങ്കെടുത്ത ഒരു മാധ്യമപ്രവർത്തകയ്ക്ക് നേരെ കൈ ചൂണ്ടി ആ “പെണ്ണിനോട് സെക്സ് ചെയ്യണമെന്ന് തോന്നിയാൽ ഞാൻ ചോദിക്കും, അവർ നോ പറയുകയാണെങ്കിൽ ഓകെ,” എന്ന് പറഞ്ഞാണ് വിനായകൻ തന്റെ വാദത്തെ സമർത്ഥിച്ചത്.