• HOME
  • »
  • NEWS
  • »
  • kerala
  • »
  • Actress Attack Case | നടിയെ ആക്രമിച്ച കേസ്; കാവ്യാ മാധവന്റെ ചോദ്യംചെയ്യല്‍ പൂര്‍ത്തിയായി

Actress Attack Case | നടിയെ ആക്രമിച്ച കേസ്; കാവ്യാ മാധവന്റെ ചോദ്യംചെയ്യല്‍ പൂര്‍ത്തിയായി

ദിലീപിന്റെ ആലുവയിലെ 'പത്മസരോവരം' വീട്ടില്‍ ഉച്ചയ്ക്ക് 12 മണിയോടെ ആരംഭിച്ച ചോദ്യംചെയ്യല്‍ നാലര മണിക്കൂറോളം നീണ്ടുനിന്നു

Kavya_madhavan

Kavya_madhavan

  • Last Updated :
  • Share this:
    കൊച്ചി: നടിയെ ആക്രമിച്ച കേസില്‍(Actress Attack Case) നടി കാവ്യമാധവനെ(Kavya Madhavan) ക്രൈംബ്രാഞ്ച്(Crime Branch) ചോദ്യം ചെയ്തു. ദിലീപിന്റെ ആലുവയിലെ 'പത്മസരോവരം' വീട്ടില്‍ ഉച്ചയ്ക്ക് 12 മണിയോടെ ആരംഭിച്ച ചോദ്യംചെയ്യല്‍ നാലര മണിക്കൂറോളം നീണ്ടുനിന്നു. ചോദ്യം ചെയ്യലിന് ശേഷം വൈകിട്ട് 4.30 ഓടെയാണു ക്രൈംബ്രാഞ്ച് സംഘം വീട്ടില്‍നിന്നു മടങ്ങിയത്.

    കേസിലെ സാക്ഷിയാണ് കാവ്യാ മാധവന്‍. കേസില്‍ തുടരന്വേഷണം നടക്കുന്നതിനിടെയാണ് കാവ്യാ മാധവനെയും ചോദ്യംചെയ്യാന്‍ അന്വേഷണസംഘം തീരുമാനിച്ചത്. കാവ്യാ മാധവനെക്കുറിച്ച് പരാമര്‍ശിക്കുന്ന ചില ശബ്ദരേഖകളും മറ്റും പുറത്തുവന്നതിന് പിന്നാലെ നടിയെ വിശദമായി തന്നെ ചോദ്യംചെയ്യാന്‍ അന്വേഷണസംഘം തീരുമാനമെടുക്കുകയായിരുന്നു.

    Also Read-Actress Attack Case | അതിജീവിതയ്ക്ക് പിന്തുണയുമായി കൂട്ടായ്മ; ഐക്യദാര്‍ഢ്യമറിയിച്ച് തൃക്കാക്കരയിലെ ഇടത്-വലത് സ്ഥാനാര്‍ത്ഥികളും

    നേരത്തെയും ചോദ്യം ചെയ്യലിനു ഹാജരാകാന്‍ ആവശ്യപ്പെട്ട് ക്രൈംബ്രാഞ്ച് കാവ്യയ്ക്ക് നോട്ടിസ് നല്‍കിയിരുന്നു. എന്നാല്‍, അസൗകര്യം അറിയിച്ച് കാവ്യ ക്രൈംബ്രാഞ്ചിന് കത്തുനല്‍കി. ചോദ്യംചെയ്യലിനായി മറ്റൊരിടം തിരഞ്ഞെടുക്കണമെന്ന് അന്വേഷണസംഘം ആവശ്യപ്പെട്ടെങ്കിലും കാവ്യാ മാധവന്‍ നിലപാടില്‍ ഉറച്ചുനിന്നു. ഇതോടെയാണ് ചോദ്യംചെയ്യലിന് ഹാജരാകുന്ന സ്ഥലം ഉള്‍പ്പെടെ അറിയിക്കാന്‍ ആവശ്യപ്പെട്ട് ക്രൈംബ്രാഞ്ച് വീണ്ടും നോട്ടീസ് നല്‍കിയത്.

    എന്നാല്‍, ആലുവ 'പത്മസരോവരം' വീട്ടില്‍വച്ച് ചോദ്യം ചെയ്യാമെന്ന് കാവ്യ ക്രൈംബ്രാഞ്ചിനെ അറിയിച്ചു. ഇതേത്തതുടര്‍ന്നാണ് ഇവിടെവച്ച് ചോദ്യം ചെയ്തത്. നടിയെ പീഡിപ്പിച്ച കേസിനു മുന്‍പ് അതിജീവിത, നടന്‍ ദിലീപ്, നടി മഞ്ജു വാരിയര്‍ എന്നിവര്‍ക്കിടയില്‍ ഏതെങ്കിലും സാമ്പത്തിക, റിയല്‍ എസ്റ്റേറ്റ് ബിസിനസുകള്‍ നടത്തിയിട്ടുണ്ടോയെന്ന് അന്വേഷണ സംഘം പരിശോധിച്ചു.
    Published by:Jayesh Krishnan
    First published: