HOME » NEWS » Kerala » ACTRESS MANJU WARRIERS STATEMENT AGAINST SHRIKUMAR MENON

'മോശക്കാരിയെന്ന് വരുത്താൻ ശ്രമിച്ചു'; ശ്രീകുമാർ മേനോനെതിരെ നടി മഞ്ജുവാര്യരുടെ മൊഴി

സമൂഹ മാധ്യമങ്ങളിൽ അപകീർത്തി പെടുത്തുന്ന തരത്തിലുളള സ്ക്രീൻ ഷോട്ടുകൾ അന്വേഷണസംഘത്തിന് മഞ്ജു കൈമാറി

News18 Malayalam | news18-malayalam
Updated: October 27, 2019, 7:15 PM IST
'മോശക്കാരിയെന്ന് വരുത്താൻ ശ്രമിച്ചു'; ശ്രീകുമാർ മേനോനെതിരെ നടി മഞ്ജുവാര്യരുടെ മൊഴി
ശ്രീകുമാർ മേനോൻ, മഞ്ജു വാര്യർ
  • Share this:
തൃശൂർ‌: സംവിധായകൻ ശ്രീകുമാർ മേനോനെതിരായ പരാതിയിൽ പൊലീസ് നടി മഞ്ജു വാര്യരുടെ മൊഴിയെടുത്തു. രഹസ്യ കേന്ദ്രത്തിലേക്ക് വിളിച്ചു വരുത്തിയാണ് മൊഴിയെടുത്തത്. സമൂഹ മാധ്യമങ്ങളിലൂടെ അപകീർത്തിപെടുത്തിയെന്നും മോശക്കാരിയെന്നു ചിത്രീകരിക്കാൻ ശ്രമിച്ചുവെന്നുമാണ് മഞ്ജുവിന്റെ മൊഴി. സമൂഹ മാധ്യമങ്ങളിൽ അപകീർത്തി പെടുത്തുന്ന തരത്തിലുളള സ്ക്രീൻ ഷോട്ടുകൾ അന്വേഷണസംഘത്തിന് മഞ്ജു കൈമാറി. പരാതിയുടെയും മൊഴിയുടെയും അടിസ്ഥാനത്തിൽ ശ്രീകുമാർ മേനോനെ പൊലീസ് ചോദ്യം ചെയ്യും

നടി മഞ്ജു വാര്യരുടെ പരാതിയിൽ സംവിധായകൻ ശ്രീകുമാര്‍ മേനോനെതിരെ ബുധനാഴ്ചയാണ് തൃശൂർ ഈസ്റ്റ് പൊലീസ് കേസെടുത്തത്. തൃശൂര്‍ ജില്ലാ ക്രൈം ബ്രാഞ്ച് ഡിവൈ.എസ്.പിക്കാണ് അന്വേഷണ ചുമതല. സ്ത്രീകളോടു അപമര്യാദയോടെയുളള പെരുമാറ്റം, സ്ത്രീയുടെ അന്തസ്സിന് ഭംഗം വരുത്തല്‍, സമൂഹമാധ്യമങ്ങളിലൂടെ അപമാനിക്കല്‍ എന്നീ വകുപ്പുകള്‍ ചേര്‍ത്താണ് സംവിധായകൻ ശ്രീകുമാർ മേനോനെതിരെ കേസെടുത്തത്. ഡിജിപിക്ക് മഞ്ജു വാര്യര്‍ നൽകിയ പരാതി ഈസ്റ്റ് പൊലീസ് സ്റ്റേഷനിലിലേക്ക് കൈമാറുകയായിരുന്നു.

Also Read- 'എന്നാലും എന്റെ പ്രിയപ്പെട്ട മഞ്ജു.... നീ എന്താണ് ഈ ചെയ്തുകൊണ്ടിരിക്കുന്നത്?'

അന്വേഷണത്തിന്റെ ആദ്യ പടിയായിട്ടാണ് മഞ്ജുവാര്യരുടെ മൊഴി രേഖപ്പെടുത്തിയത്. ഈ മൊഴിയുടെ അടിസ്ഥാനത്തിലായിരിക്കും കേസിലെ തുടര്‍നടപടികള്‍ പൊലീസ് സ്വീകരിക്കുക. ഒരാഴ്ചക്ക് അകം ശ്രീകുമാർ മേനോനെ ചോദ്യം ചെയ്യാൻ വിളിപ്പിക്കുമെന്നാണ് സൂചന. 2017 മുതൽ നടിയുടെ കരിയറിനേയും സ്ത്രീത്വത്തേയും നിരന്തരം അപമാനിക്കുകയും സമൂഹമാധ്യമങ്ങളിലും ഒടിയൻ സിനിമയുടെ ഷൂട്ടിംഗ് ലൊക്കേഷനിലും നിരന്തരം തേജോവധം ചെയ്യുകയും ചെയ്തെന്നാണ് പരാതി.

First published: October 27, 2019, 7:15 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories