സിസാ തോമസിന് എതിരായ സർക്കാർ നടപടി അഡ്മിനിസ്ട്രേറ്റിവ് ട്രൈബ്യൂണൽ വിലക്കി

കൊച്ചി: സാങ്കേതിക സർവകലാശാല വൈസ് ചാൻസലർ ഡോ. സിസ തോമസിന് എതിരായ സർക്കാരിന്റെ നടപടികൾക്ക് വിലക്ക്. കാരണം കാണിക്കൽ നോട്ടിസിലെ തുടർ നടപടികൾ അഡ്മിനിസ്ട്രേറ്റിവ് ട്രൈബ്യൂണലാണ് വിലക്കിയത്. നോട്ടിസിന് സിസ മറുപടി നൽകണം. സർക്കാർ വിശദമായ സത്യവാങ്മൂലം സമർപ്പിക്കണമെന്നും ട്രൈബ്യൂണൽ അറിയിച്ചു. സിസ തോമസ് നൽകിയ പരാതിയിലാണ് ട്രൈബ്യൂണലിന്റെ ഉത്തരവ്.

Also Read- ഗവര്‍ണര്‍ക്കു തിരിച്ചടി; KTU സിന്‍ഡിക്കേറ്റ് തീരുമാനങ്ങള്‍ സസ്‌പെന്‍ഡ് ചെയ്ത ചാൻസലറുടെ നടപടി ഹൈക്കോടതി റദ്ദാക്കി

കെടിയു വിസിയായി താൽക്കാലിക നിയമനം നേടിയപ്പോൾ‌ ഡോ.സിസ സർക്കാരിന്റെ മുൻകൂർ അനുമതി എന്തുകൊണ്ട് നേടിയില്ല എന്നതു കാട്ടിയാണ് സർക്കാർ കാരണം കാണിക്കൽ നോട്ടിസ് നൽകിയത്. എന്നാൽ ഇതിൽ തുടർ നടപടികൾ ഉണ്ടാകരുതെന്നാണ് ഇപ്പോൾ ട്രൈബ്യുണൽ നിർദേശിച്ചിരിക്കുന്നത്.

Also Read- ‘എസ്എഫ്‌ഐക്കാര്‍ മര്‍ദിച്ചു; പത്തുമണിക്കൂര്‍ പൂട്ടിയിട്ടു; മുറിയിലെ വൈദ്യുതി വിച്ഛേദിച്ചു;’ ലോ കോളജ് അധ്യാപിക

എന്തുകൊണ്ടാണ് ഇങ്ങനെ ഒരു നോട്ടിസ് നൽകിയത് തുടങ്ങിയ കാര്യങ്ങളിൽ വിശദമായ സത്യവാങ്മൂലം നൽകണമെന്ന് സർ‌ക്കാരിനോട് ആവശ്യപ്പെട്ടു. ഈ മാസം 23ന് കേസ് പരിഗണിക്കും. ഈ മാസം അവസാനം ഡോ.സിസ തോമസ് സർവീസിൽനിന്ന് വിരമിക്കും.