ഞാനതിൽ ഖേദിക്കുന്നു; മോഹൻരാജിന്റെ പരാജയത്തിൽ അടൂർ പ്രകാശിന്റെ പ്രതികരണം

തിരുവനന്തപുരം: കോന്നിയിലെ യുഡിഎഫ് സ്ഥാനാർഥി മോഹൻരാജിന്റെ പരാജയത്തിൽ ഖേദിക്കുന്നുവെന്ന് അടൂർ പ്രകാശ്. തെരഞ്ഞെടുപ്പ് പരാജയത്തിൽ നിന്ന് ഒളിച്ചോടുന്നില്ലെന്നും പരാജയം അംഗീകരിക്കുന്നുവെന്നും അടൂർ പ്രകാശ് വ്യക്തമാക്കി.

also read:ഉപതെരഞ്ഞെടുപ്പ് കഴിഞ്ഞാൽ മിസോറാം ഗവർണർ സ്ഥാനം; ആദ്യം കുമ്മനം ഇപ്പോൾ പിള്ള

കോന്നിയിലെ പരാജയത്തിൽ നേതൃത്വത്തെ അദ്ദേഹം കുറ്റപ്പെടുത്തി. സ്ഥാനാർഥി നിർണയത്തില്‍ പാളിച്ച സംഭവിച്ചതായി അടൂർ പ്രകാശ് പറഞ്ഞു. മത്സരിക്കാൻ കൊള്ളാവുന്ന സ്ഥാനാർഥിയുടെ പേര് ആദ്യം പറഞ്ഞിരുന്നു. എന്നാൽ പിന്നീടുണ്ടായ പാർട്ടി തീരുമാനം അംഗീകരിക്കുകയായിരുന്നു-അടൂർ പ്രകാശ് വ്യക്തമാക്കി.



ഡി സി സി നേതൃത്വത്തിന്റെ പ്രവർത്തനം കോന്നിക്കാർ ഉൾകൊണ്ടിട്ടില്ലെന്നും അദ്ദേഹം പറഞ്ഞു. തെറ്റായ പ്രവർത്തനങ്ങൾ ഉണ്ടായെന്നും തോൽവിയുടെ കാരണം കണ്ടെത്തണമെന്നും അടൂർപ്രകാശ്. തെരഞ്ഞെടുപ്പ് പ്രചാരണത്തിൽ പൂർണ്ണമായും പങ്കാളിയായിരുന്നെന്നും അടൂർ പ്രകാശ് പറഞ്ഞു.