യുഎപിഎ പിൻവലിക്കണം; വിവാദങ്ങൾ ഇടതുപക്ഷത്തിന്‌‍റെ മുഖം വികൃതമാക്കി എഐവൈഎഫ്

കോഴിക്കോട്: സി.പി.എം അംഗങ്ങളായ രണ്ടു വിദ്യാർഥികൾക്കെതിരെ യുഎപിഎ ചുമത്തിയ പൊലീസ് നടപടിയെ രൂക്ഷമായി വിമർശിച്ച് സിപിഐ യുവജനസംഘടനയായ എഐവൈഎഫ്. വിദ്യാർഥികൾക്കെതിരെ യുഎപിഎ അനുസരിച്ച് ചുമത്തിയ എഫ്ഐആർ റദ്ദാക്കാൻ പൊലീസ് തയാറാകണമെന്ന് എഐവൈഎഫ് സംസ്ഥാന സെക്രട്ടറി മഹേഷ് കക്കത്ത് പറഞ്ഞു.

വിവാദങ്ങള്‍ ഇടതുപക്ഷത്തിന്റെ മുഖം വികൃതമാക്കി. ആർഎസ്എസ് അജണ്ട നടപ്പാക്കാനാണ് പൊലീസ് ശ്രമിക്കുന്നത്. കേന്ദ്രത്തിലെ സർക്കാരിന്റെ നയമാണ് പൊലീസിലെ ചില ഉന്നത ഉദ്യോഗസ്ഥര്‍ നടപ്പിലാക്കുന്നത്. കേരളത്തില്‍ രജിസ്റ്റര്‍ ചെയ്ത് എല്ലാ യുഎപിഎ കേസുകളും പുനഃപരിശോധിക്കണം. പൊലീസിനകത്ത് ആഭ്യന്തര വകുപ്പ് അന്വേഷണം നടത്തണമെന്നും മഹേഷ് ആവശ്യപ്പെട്ടു.

Also Read 'നാല്‍പ്പത്തേഴായിരത്തിലേറെ അംഗങ്ങളില്‍ രണ്ട് പേർ മാത്രം'; അറസ്റ്റ് ചെയ്ത പാർട്ടി അംഗങ്ങളെ തള്ളി സിപിഎം

അട്ടപ്പാടിയിലെ മാവോയിസ്റ്റ് വേട്ടയ്ക്കും യുഎപിഎ ചുമത്തിയതിനുമെതിരെ സിപിഐ രംഗത്തെത്തിയിരുന്നു. ഇതിനു പിന്നാലെയാണ് എഐവൈഎഫും നിലപാട് വ്യക്തമാക്കിയിരിക്കുന്നത്.

Also Read 'സിപിഐ കരഞ്ഞിട്ട് കാര്യമില്ല; ചെറുത്ത് തോല്‍പിക്കാന്‍ കഴിഞ്ഞില്ലെങ്കില്‍ പുറത്ത് നിന്ന് എതിര്‍ക്കാന്‍ കഴിയണം": പി.കെ കുഞ്ഞാലിക്കുട്ടി