ആകാശവാണി മുന്‍ സ്‌റ്റേഷന്‍ ഡയറക്ടര്‍ സി.പി രാജശേഖരന്‍ അന്തരിച്ചു

മികച്ച പ്രക്ഷേപകനായിരുന്ന സി.പി.ആർ ആകാശവാണിയുടെയും ദൂരദര്‍ശന്റെയും വിവിധ സ്റ്റേഷനുകളില്‍ സേവനമനുഷ്ഠിച്ചിട്ടുണ്ട്.

news18
Updated: February 17, 2019, 3:29 PM IST
ആകാശവാണി മുന്‍ സ്‌റ്റേഷന്‍ ഡയറക്ടര്‍ സി.പി രാജശേഖരന്‍ അന്തരിച്ചു
സി.പി രാജശേഖരൻ
  • News18
  • Last Updated: February 17, 2019, 3:29 PM IST
  • Share this:
തൃശൂര്‍: ആകാശവാണി കോഴിക്കോട് നിലയം മുന്‍ സ്റ്റേഷന്‍ ഡയറക്ടര്‍ സി.പി രാജശേഖരന്‍(71) അന്തരിച്ചു. തൃശൂരിലെ സ്വകാര്യ ആശുപത്രിയില്‍ ഹൃദയ സംബന്ധമായ രോഗത്തെ തുടര്‍ന്ന് ഇന്ന് പുലര്‍ച്ചെയായിരുന്നു അന്ത്യം. മികച്ച പ്രക്ഷേപകനായിരുന്ന അദ്ദേഹം ആകാശവാണിയുടെയും ദൂരദര്‍ശന്റെയും വിവിധ സ്റ്റേഷനുകളില്‍ സേവനമനുഷ്ഠിച്ചിട്ടുണ്ട്. 45-ഓളം പുസ്തകങ്ങളുടെ രചയിതാവായ സി.പി.ആറിന് കേരള സാഹിത്യ അക്കാദമി, സംഗീത നാടക അക്കാദമി തുടങ്ങിയവ ഉള്‍പ്പെടെ നിരവധി പുരസ്‌കാരങ്ങള്‍ ലിഭിച്ചിട്ടുണ്ട്. 'മൂന്ന് വയസ്സന്‍മാര്‍' എന്ന റേഡിയോ നാടകമാണ് 1987 ല്‍ സാഹിത്യഅക്കാദമി അവാര്‍ഡിന് അര്‍ഹമായത്.

ഗാന്ധിയന്‍ ദര്‍ശനങ്ങളിലും സര്‍വോദയ പ്രസ്ഥാനങ്ങളിലും ചെറുപ്പം മുതല്‍ സജീവമായിരുന്ന അദ്ദേഹം കോളജ് പഠനകാലത്ത് ഗാന്ധിപീസ് ഫൗണ്ടേഷന്റെ പ്രസിഡന്റായി പ്രവര്‍ത്തിച്ചു. അധ്യാപകനായി ഔദ്യോഗിക ജീവിതം ആരംഭിച്ച സി.പി രാജശേഖരന്‍ കോഴിക്കോട് കല്ലായി ഗണപത് ഹൈസ്‌കൂളിലും, മാവൂര്‍ റയോണ്‍സ് ഹൈസ്‌കൂളിലും ജോലി ചെയ്തു.

1976 ല്‍ റേഡിയോ അനൗണ്‍സറായി. 35 വര്‍ഷത്തോളം സേവനമനുഷ്ടിച്ച ശേഷം ആകാശവാണിയുടെയും ദൂരദര്‍ശന്റെയും സ്റ്റേഷന്‍ ഡയറക്ടറായി വിരമിച്ചു. ഇതിനു ശേഷം ഇഗ്‌നോയുടെ ചാനല്‍ മേധാവിയായി. കുറച്ചുകാലം സുപ്രഭാതം മലയാള ദിനപത്രത്തിന്റെ പത്രാധിപരായും സേവനം അനുഷ്ഠിച്ചിട്ടുണ്ട്. സംസ്‌കാരം പിന്നീട്.

Also Read 'ഏത് കോളേജിലാണ് കളക്ടറാകാന്‍ പഠിക്കേണ്ടത്? 

First published: February 17, 2019, 3:29 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories

corona virus btn
corona virus btn
Loading