'അച്ഛനമ്മമാർ ജോലിക്ക് പോകുന്നതിന് മുൻപ് കെട്ടിപിടിച്ച് ഉമ്മ കൊടുക്കണം'; കുട്ടികളോട് ആലപ്പുഴ കളക്ടർ

ആലപ്പുഴ: സംസ്ഥാനത്ത് മഴ കനത്തതിനെ തുടർന്ന് ആലപ്പുഴയിൽ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ച് ജില്ലാ കളക്ടർ വി ആർ കൃഷ്ണ തേജ. കുട്ടികളോട് നിർദേശങ്ങളും ഉൾപ്പെടുത്തിയാണ് കളക്ടറുടെ പോസ്റ്റ്. നാളെയും അവധിയാണ് കേട്ടോ എന്ന് വെച്ച് ഇന്നലെ പറഞ്ഞതൊന്നും മറക്കല്ലേ' എന്നായിരുന്നു കളക്ടറുടെ നിർദേശം.

കൂടാതെ അച്ഛനമ്മമാർ‌ ജോലിക്ക് പോകുന്നതിന് മുൻപ് അവരുടെ ബാഗിൽ കുട, മഴക്കോട്ട് എന്നിവ ഉണ്ടെന്ന് ഉറപ്പാക്കണമെന്നും അവരെ കെട്ടിപ്പിടിച്ച് ഉമ്മ കൊടുക്കണമെന്നും കളക്ടർ കുട്ടികളോട് പറയുന്നു. കളക്ടർ മാമൻ എന്ന വിശേഷിപ്പിച്ചുകൊണ്ടായിരുന്നു കുട്ടികള്‍ക്ക് നിർദേശങ്ങൾ നൽകിയിരിക്കുന്നത്.




Also  Read-Rains LIVE| അഞ്ച് ജില്ലകളിലെ കളക്ടർമാർ അവധി പ്രഖ്യാപിച്ചു

കനത്ത മഴ തുടരുന്ന സാഹചര്യത്തിൽ സംസ്ഥാനത്ത് അഞ്ചു ജില്ലകളിലെ വിദ്യാഭ്യാസ സ്ഥാപനങ്ങൾ അവധി പ്രഖ്യാപിച്ചു. കോട്ടയം, ആലപ്പുഴ, ഇടുക്കി, തൃശൂർ, പാലക്കാട് ജില്ലകളിലെ വിദ്യാഭ്യാസ സ്ഥാപനങ്ങൾക്കണ് അവധി പ്രഖ്യാപിച്ചിരിക്കുന്നത്. പ്രൊഫഷനൽ കോളേജ് ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കാണ് അവധി.

എം ജി സർവകലാശാല വെള്ളിയാഴ്ച നടത്താനിരുന്ന എല്ലാ പപരീക്ഷകളും മാറ്റി വെച്ചു. പുതുക്കിയ തീയതി പിന്നീട് അറിയിക്കും. അതേസമയം സംസ്ഥാനത്ത് വീണ്ടും കേന്ദ്ര കാലാവസ്ഥാ വകുപ്പിന്റെ അതി തീവ്ര മഴ മുന്നറിയിപ്പ്. ഉച്ചയ്ക്കു 12 മണിക്കു പുറത്തിറക്കിയ അറിയിപ്പില്‍ എട്ടു ജില്ലകളില്‍ റെഡ് അലര്‍ട്ട് പ്രഖ്യാപിച്ചു.

Also Read-ചാലക്കുടി പുഴയിൽ ശക്തമായ ഒഴുക്ക്; തീരത്തുള്ളവർ ഉടൻ മാറണം; മന്ത്രി കെ രാജൻ

12 ജില്ലകളില്‍ ഓറഞ്ച് അലര്‍ട്ട് എന്നായിരുന്നു രാവിലത്തെ മുന്നറിയിപ്പ്. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്‍, പാലക്കാട്, കണ്ണൂര്‍ ജില്ലകളിലാണ് റെഡ് അലര്‍ട്ട്. കൊല്ലം, മലപ്പുറം, കോഴിക്കോട്, വയനാട്. കാസര്‍ക്കോട് ജില്ലകളില്‍ ഓറഞ്ച് അലര്‍ട്ടും പ്രഖ്യാപിച്ചിട്ടുണ്ട്. തിരുവനന്തപുരത്ത് യെല്ലോ അലര്‍ട്ടാണ്.