Diwali 2020 | ദീപാവലി ആശംസ ഹിന്ദിയിൽ നേർന്ന് BJP നേതാവ് എ.പി അബ്ദുള്ളക്കുട്ടി

കണ്ണൂർ: ഏവർക്കും ഹൃദ്യമായ ദീപാവലി ആശംസകൾ നേർന്ന് ബി ജെ പി ദേശീയ ഉപാധ്യക്ഷൻ എ പി അബ്ദുള്ളക്കുട്ടി. ഹിന്ദിയിലും ഇംഗ്ലീഷിലും മലയാളത്തിലുമാണ് അബ്ദുള്ളക്കുട്ടി ദീപാവലി ആശംസകൾ നേർന്നത്.

എന്നാൽ, ആശംസ നേർന്നു കൊണ്ടുള്ള പോസ്റ്റിനു താഴെ ട്രോളുകളും ചീത്തവിളികളും ഒക്കെയാണ് കമന്റ് ആയി വന്നു കൊണ്ടിരിക്കുന്നത്. ഇതിനിടയിൽ ചിലർ ദീപാവലിക്ക് പൊട്ടിക്കാൻ കുറച്ച് പടക്കം കിട്ടുമോയെന്നും അന്വേഷിക്കുന്നുണ്ട്. അതേസമയം, അബ്ദുള്ളക്കുട്ടിക്ക് മറുപടിയായി ദീപാവലി ആശംസകൾ നേർന്നവരും ഉണ്ട്.



നേരത്തെ, മുഖ്യമന്ത്രി പിണറായി വിജയൻ എല്ലാവർക്കും ദീപാവലി ആശംസകൾ നേർന്നിരുന്നു. ഫേസ്ബുക്ക് പോസ്റ്റിലാണ് മുഖ്യമന്ത്രി ദീപാവലി ആശംസകൾ നേർന്നത്. മനുഷ്യത്വത്തിന്റെ പ്രകാശന വേളയാക്കി ദീപാവലിയെ മാറ്റാൻ സാധിക്കട്ടെയെന്ന് മുഖ്യമന്ത്രി ആശംസിച്ചു.

നന്മയുടെ സന്ദേശമാണ് ദീപാവലിയുടേതെന്ന് മുഖ്യമന്ത്രി പറഞ്ഞു. മതസാഹോദര്യവും സമത്വവും ജനാധിപത്യമൂല്യങ്ങളും ഉയർത്തിപ്പിടിച്ചു കൊണ്ട് ദീപാവലി ആഘോഷിക്കാമെന്നും എല്ലാവർക്കും ഹൃദയംഗമമായ ആശംസകൾ നേരുന്നെന്നും മുഖ്യമന്ത്രി പറഞ്ഞു.

You may also like:'പുത്ര ചെയ്തികളുടെ പാപഭാരം പേറി കോടിയേരി സ്ഥാനമൊഴിഞ്ഞു'; ഇതൊന്നും പിണറായിക്ക് ബാധകമല്ലേയെന്ന് ശോഭ സുരേന്ദ്രൻ [NEWS]M Shivashankar | ഇഡിക്ക് പിന്നാലെ കസ്റ്റംസും ശിവശങ്കറെ ചോദ്യം ചെയ്യും; മാധ്യമങ്ങൾക്ക് വാർത്ത ചോർത്തി നൽകിയെന്ന ആരോപണം അസംബന്ധമെന്ന് കസ്റ്റംസ് [NEWS] 'മനസ്സിൽ കുറ്റബോധം തോന്നിത്തുടങ്ങിയാൽ പിന്നെ ചെയ്യുന്നതെല്ലാം യാന്ത്രികമായിരിക്കും'; സിപിഎമ്മിനെ പരിഹസിച്ച് ടി.സിദ്ദിഖ് [NEWS]

മുഖ്യമന്ത്രി ഫേസ്ബുക്കിൽ കുറിച്ചത്,

'മനുഷ്യത്വത്തിന്റെ പ്രകാശന വേളയാക്കി ദീപാവലിയെ മാറ്റാൻ സാധിക്കട്ടെ എന്നാശംസിക്കുന്നു. നന്മയുടെ സന്ദേശമാണ് ദീപാവലിയുടേത്. എല്ലാ വിധത്തിലുമുള്ള വേർതിരിവുകൾക്കതീതമായി മതസാഹോദര്യവും സമത്വവും ജനാധിപത്യമൂല്യങ്ങളും ഉയർത്തിപ്പിടിച്ചു കൊണ്ട് ദീപാവലി ആഘോഷിക്കാം. എല്ലാവർക്കും ഹൃദയംഗമമായ ആശംസകൾ നേരുന്നു.'