Bev Q App | എല്ലാം ശരിയായോ? ബെവ് ക്യു വഴിയുള്ള ബുക്കിങ് ഇന്ന് പുനരാരംഭിക്കും

കൊച്ചി: മദ്യവിതരണത്തിനായുള്ള ഓണ്ലൈന് ബുക്കിംഗ് ഇന്ന് പുനരാരംഭിക്കും. വൈകിട്ടാണ് ബുക്കിംഗ് തുടങ്ങുന്നത്. നാലു ലക്ഷത്തിലധികം പേർക്ക് ടോക്കൺ നൽകും.

സംസ്ഥാനത്തു ഇന്നലെയും ഇന്നും മദ്യം വിതരണം ഇല്ല. ഇന്നലെ സമ്പൂർണ ലോക്ക്ഡൌൺ ആയതിനാൽ സർക്കാർ അവധി പ്രഖ്യാപിച്ചിരുന്നു. ഇന്ന് ഒന്നാം തീയതി ആയതിനാൽ മദ്യഷോപ്പുകൾ തുറക്കില്ല.

നാളത്തേക്ക് മദ്യം വാങ്ങുന്നവർക്കായാണ് ഇന്നു മുതൽ ബെവ് ക്യൂ ആപ്പ് വഴി വീണ്ടും ബുക്കിങ് ആരംഭിക്കുന്നത്.

ഒ ടി പി സേവനദാതാക്കളുടെ എണ്ണം മൂന്നാക്കി ഉയർത്തിയിരുന്നു. അതിനാൽ ബുക്കിങ്ങിനുള്ള സാങ്കേതിക തടസം മാറിയിട്ടുണ്ട്.
TRENDING:ചൈനീസ് നിർമ്മിത ആപ്പുകൾ കണ്ടെത്തി നീക്കം ചെയ്യുന്ന ആപ്പ് വൈറലാകുന്നു [NEWS]ആ കായലും കടന്നൊരു പെൺകുട്ടി; അവൾക്കു വേണ്ടി മാത്രമൊരു ബോട്ട് സർവീസ് [NEWS]കാമുകി പ്രണയത്തിൽ നിന്ന് പിന്മാറി; കാമുകിയുടെ അമ്മയെ കാമുകനും സഹോദരനും ഇടിച്ചു പരിക്കേൽപിച്ചു [NEWS]
എന്നാൽ ആപ്പ് ഇപ്പോഴും പൂർണമായി പ്രവർത്തിക്കാൻ സജ്ജമായിട്ടില്ല. വിതരക്കാർക്കുള്ള ഓൺലൈൻ സംവിധാനം എപ്പോഴും പൂർണമായും നടപ്പായില്ല. ബാർകോഡ് സ്കാനിങ്ങ് ഉൾപ്പടെയുള്ള കാര്യങ്ങളിൽ പ്രശ്ന പരിഹാരമായിട്ടില്ല.

അതിനാൽ ഒ ടി പി നമ്പർ രേഖപ്പെടുത്തിയ ശേഷം മദ്യം വിതരണം ചെയ്യാനാണ് തീരുമാനിച്ചിരിക്കുന്നത്. ഇതുവരെ 26 ലക്ഷത്തിലധികം പേർ ബെവ് ക്യൂ ആപ്പ് ഇൻസ്റ്റാൾ ചെയ്തിട്ടുണ്ട്.