Bev Q App | പിൻകോഡ് ആപ്പായി; മദ്യം വാങ്ങാൻ ആപ്പ് ഉപയോഗിക്കുന്നവർ കുടുങ്ങി

കൊച്ചി: ബെവ്ക്യൂ ആപ്പിൽ പിൻകോഡ് മാറ്റം വരുത്താനാകാത്തത് മദ്യ ഉപഭോക്താക്കൾക്ക് പ്രതിസന്ധിയാകുന്നു. ഇതുമൂലം വിവിധ സ്ഥലങ്ങളിൽ നിന്ന് മദ്യം ബുക്ക് ചെയ്യാൻ കഴിയാത്ത സ്ഥിതിയാണ്. ലോക് ഡൗൺ പശ്ചാത്തലത്തിലാണ് ഒരുതവണ ഒറ്റപിൻകോഡ് ഉപയോഗിച്ചുള്ള മദ്യവിതരണം എന്നാണ് സർക്കാർ വിശദീകരണം.

സംസ്ഥാനത്തു മദ്യം വാങ്ങുന്നതിനുള്ള ഓൺലൈൻ സംവിധാനം ആണ് ഫെയർ കോഡ് ടെക്നോളജിസിന്റെ

ബെവ് ക്യൂ ആപ്പ്. മദ്യം ബുക്ക് ചെയ്യുന്നതിന് ആപ്പ് ഡൗൺലോഡ് ചെയ്ത ശേഷം അതു വാങ്ങാൻ താല്പര്യപ്പെടുന്ന സ്ഥലത്തെ പിൻകോഡ് രേഖപ്പെടുതേണ്ടതുണ്ട്. ഒരു തവണ പിൻകോഡ് രേഖപ്പെടുത്തിയാൽ പിന്നെ ആ കോഡിൽ നിന്ന് മാത്രമേ ആപ്പുപയോഗിച്ചു വീണ്ടും മദ്യം ഓർഡർ ചെയ്യാൻ കഴിയുകയുള്ളു. അതെ നമ്പറിൽ നിന്നും വീണ്ടും മദ്യം വേറെ സ്ഥലത്തു നിന്നു വാങ്ങണമെങ്കിൽ ആപ് അൻഇൻസ്റ്റാൾ ചെയ്ത ശേഷം വീണ്ടും ഡൗണ്ലോഡ് ചെയ്യണം.
TRENDING:Online Class |'അതിജീവനം എം.പീസ് എഡ്യുകെയർ' പദ്ധതിയിൽ പങ്കാളിയായി മഞ്ജു വാര്യർ; പഠന സൗകര്യങ്ങളില്ലാത്ത വിദ്യാർഥികളെ സഹായിക്കും [NEWS]Good News Prithviraj | കോവിഡ് പരിശോധന ഫലം പരസ്യപ്പെടുത്തി പൃഥ്വിരാജ് [NEWS]എല്ലാം സെർച്ചിനും ഉത്തരമില്ല; പ്രശ്നമുണ്ടെന്ന് സ്ഥിരീകരിച്ച് ഗൂഗിൾ [NEWS]
ഒരു തവണ ആപ്‌ ഉപയോഗിച്ച് പല സ്ഥലങ്ങളിൽ നിന്നു മദ്യം വാങ്ങാൻ അനുവദിക്കാത്തത് കോവിഡിന്റെ പശ്ചാത്തലത്തിൽ ആണെന്നാണ് എക്സൈസ് വകുപ്പ്‌ വ്യക്തമാക്കുന്നത്. ഉപഭോക്താക്കൾ പല ഇടങ്ങളിൽ നിന്നും ഓർഡർ ചെയ്യുന്നത് ഒഴിവാക്കുന്നതിലൂടെ ആളുകളുടെ സഞ്ചാരവും കുറക്കാനാകും എന്നും കണക്കുകൂട്ടുന്നു.

മദ്യം ബുക്ക് ചെയ്യുന്ന പലർക്കും 25 കിലോമീറ്റർ അകലെ വരെയുള്ള മദ്യശാലകളാണ് ലഭിക്കുന്നതെന്ന ആരോപണവും ഉയർന്നിട്ടുണ്ട്.