നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • kerala
    • »
    • കേരളത്തിലെ ക്രിസ്ത്യാനികളുടെ ജനനനിരക്ക് അപകടകരമാംവിധം കുറയുന്നു: KCBC

    കേരളത്തിലെ ക്രിസ്ത്യാനികളുടെ ജനനനിരക്ക് അപകടകരമാംവിധം കുറയുന്നു: KCBC

    ക്രൈസ്തവർക്കിടയിൽ അപകടകരമാം വിധം ജനനനിരക്ക് കുറയുന്നതിനെക്കുറിച്ച് ആഴത്തിൽ ആശങ്ക പ്രകടിപ്പിച്ച കെസിബിസി അത് സമൂഹത്തിന്റെ നിലനിൽപ്പിനെ പോലും അപകടത്തിലാക്കുമെന്ന് വ്യക്തമാക്കി.

    KCBC

    KCBC

    • Share this:
      കൊച്ചി: ഓഗസ്റ്റ് രണ്ട് മുതൽ ആറ് വരെ നടന്ന വാർഷിക സമ്മേളനത്തിന് ശേഷമുള്ള തീരുമാനങ്ങളെക്കുറിച്ച് തിങ്കളാഴ്ച കേരള കാത്തലിക് ബിഷപ്സ് കൗൺസിലിൽ (കെസിബിസി) ഒരു പ്രസ്താവന പുറത്തിറക്കി. പ്രസ്താവനയിൽ, ക്രിസ്ത്യാനികൾക്കിടയിൽ ജനനനിരക്ക് കുത്തനെ കുറയുന്നതിനെക്കുറിച്ച് കെസിബിസി ആശങ്ക പ്രകടിപ്പിച്ചു.

      ഇതിനുപുറമെ , ജീവന്റെ സംരക്ഷണം, സാംസ്കാരിക-മാധ്യമ മേഖലയിലെ ക്രിസ്ത്യൻ വിരുദ്ധ പ്രവണത, ഫാ. സ്റ്റാൻ സ്വാമിയുടെ മരണം, പള്ളികൾ പൊളിച്ചുമാറ്റൽ എന്നിവ സംബന്ധിച്ച വിഷയങ്ങളും സമ്മേളനത്തിൽ ചർച്ച ചെയ്തു.

      ക്രൈസ്തവർക്കിടയിൽ അപകടകരമാം വിധം ജനനനിരക്ക് കുറയുന്നതിനെക്കുറിച്ച് ആഴത്തിൽ ആശങ്ക പ്രകടിപ്പിച്ച കെസിബിസി അത് സമൂഹത്തിന്റെ നിലനിൽപ്പിനെ പോലും അപകടത്തിലാക്കുമെന്ന് വ്യക്തമാക്കി.

      1950 കളിൽ കേരള ജനസംഖ്യയുടെ 24.6% ക്രൈസ്തവരായിരുന്നു. എന്നാൽ ഇപ്പോൾ അത് 17.2% ആയി കുറഞ്ഞു. ഏറ്റവും കുറഞ്ഞ ജനനനിരക്ക് (1.8%) ഉള്ള ഒരു സമൂഹമായി ക്രിസ്ത്യൻ സമൂഹം മാറിയെന്നും കെസിബിസി വ്യക്തമാക്കി. ഈ സാഹചര്യത്തിലാണ് വിവിധ രൂപതകൾ കൂടുതൽ കുട്ടികളുള്ള കുടുംബങ്ങളെ പിന്തുണയ്ക്കുന്നതിനുള്ള പദ്ധതികളുമായി മുന്നോട്ട് വന്നത്. അനുചിതമായ വികസന നയങ്ങൾ മൂലം ഉണ്ടാകുന്ന സാമൂഹിക പ്രതിസന്ധികൾക്കുള്ള ഏക പരിഹാരമായി ജനസംഖ്യ കുറയ്ക്കൽ പരിഗണിക്കുന്നത് യുക്തിസഹമല്ലെന്നും കെസിബിസി പറഞ്ഞു.

      "ചൈന പോലുള്ള രാജ്യങ്ങളും ജനനനിരക്ക് കുറവുള്ള വിവിധ വികസിത രാജ്യങ്ങളും അതിന്റെ ദോഷഫലങ്ങൾ കാരണം അവരുടെ നയങ്ങൾ പുനർവിചിന്തനം ചെയ്യാൻ നിർബന്ധിതരായിരിക്കുകയാണെന്നും" കെസിബിസി കൂട്ടിച്ചേർത്തു.

      തീരദേശ മണ്ണൊലിപ്പിന് സാധ്യതയുള്ള ചെല്ലാനം പോലുള്ള തീരപ്രദേശങ്ങളെ സംരക്ഷിക്കാൻ ബ്രേക്ക് വാട്ടർ നിർമ്മിക്കുന്നതിൽ സർക്കാരിന്റെ അടിയന്തര ഇടപെടലും കൗൺസിൽ ആവശ്യപ്പെട്ടു. "കൊച്ചി തുറമുഖത്തെ ആഴം കൂട്ടുന്നതിനായി ഡ്രഡ്ജിംഗിലൂടെ വീണ്ടെടുത്ത മണൽ തീരദേശ മണ്ണൊലിപ്പ് നേരിടുന്ന പ്രദേശങ്ങളിൽ സംരക്ഷണത്തിനായി ഉപയോഗിക്കണമെന്നും" കെസിബിസി പറഞ്ഞു.

      കസ്റ്റഡിയിലിരിക്കെ മരിച്ച ഫാ.സ്റ്റാൻ സ്വാമിയുടെ മരണത്തെ തുടർന്നുള്ള ആരോപണങ്ങൾ പൊതുസമൂഹത്തിന് മുന്നിൽ തെളിയിക്കാൻ സർക്കാരിന് ബാധ്യതയുണ്ടെന്നും കെസിബിസി പറഞ്ഞു. "അദ്ദേഹത്തിനെതിരെ ചുമത്തിയ ആരോപണങ്ങൾക്ക് പിന്നിലെ സത്യം അന്വേഷിക്കാനുള്ള നടപടികൾ സർക്കാർ ആരംഭിക്കണമെന്നും" കെസിബിസി വ്യക്തമാക്കി.

      Also read- 'ഈശോയെ' തള്ളി മെത്രാന്മാർ; കലാ മാധ്യമ രംഗങ്ങളിൽ ക്രൈസ്തവ വിരുദ്ധ വികാരം വർദ്ധിക്കുന്നുവെന്ന് KCBC

      ആരാധനയ്ക്കുള്ള അവകാശത്തെക്കുറിച്ചും അഭിപ്രായ സ്വാതന്ത്ര്യത്തെക്കുറിച്ചും പ്രസ്താവനയിൽ പരാമർശിച്ചിട്ടുണ്ട്. മാധ്യമങ്ങളിലും സാംസ്കാരിക മേഖലകളിലും ക്രിസ്ത്യൻ വിരുദ്ധ ചായ്‌വ് ഉയർന്നു വരുന്നതായും കൗൺസിൽ നിരീക്ഷിച്ചു. കലാരംഗത്ത്, പ്രത്യേകിച്ച് സിനിമയിൽ, ക്രിസ്ത്യൻ ചിഹ്നങ്ങളെയും കൂദാശകളെയും അപകീർത്തിപ്പെടുത്താനുള്ള ശ്രമങ്ങൾ വർദ്ധിച്ചു വരികയാണ്. ഉത്തരവാദിത്തപ്പെട്ടവർ സമൂഹത്തിന്റെ ആശങ്കകൾ മനസ്സിലാക്കുകയും ആവശ്യമായ തിരുത്തലുകൾ വരുത്തുകയും ചെയ്യുമെന്ന് പ്രതീക്ഷിക്കുന്നതായും ”കെസിബിസിയുടെ പ്രസ്താവനയിൽ പറയുന്നു.

      ഇന്ത്യയിൽ ഗർഭിണികളുടെ മെഡിക്കൽ ടെർമിനേഷൻ (എംടിപി) നിയമം നടപ്പാക്കിയതിന്റെ 50-ാം വാർഷികമായ ഇന്ന് കത്തോലിക്കാ സഭ ജീവന്റെ സംരക്ഷണ ദിനമായാണ് ആചരിക്കുന്നത്. 'ജീവന്റെ സംരക്ഷണ ദിനം' ആചരിക്കുന്നതിന്റെ ഭാഗമായി, സംസ്ഥാനത്തെ 32 കത്തോലിക്കാ രൂപതകളിലും പ്രവർത്തനങ്ങൾ നടത്തുമെന്ന് കമ്മീഷൻ അറിയിച്ചു.
      Published by:Naveen
      First published: