മുഖ്യമന്ത്രിയുടെ ദുരിതാശ്വാസനിധിയിലേക്ക് എല്ലാവരും സംഭാവന നൽകണമെന്ന് BJP നേതാവ് എം.ടി. രമേശ്

കോഴിക്കോട്: മുഖ്യമന്ത്രിയുടെ ദുരിതാശ്വാസ നിധിയിലേക്ക് എല്ലാവരും സംഭാവന നൽകണമെന്ന് ബിജെപി സംസ്ഥാന ജനറൽ സെക്രട്ടറി എം ടി രമേശ്. ദുരിതാശ്വാസ നിധിക്ക് എതിരായ പ്രചാരണങ്ങൾ തള്ളിക്കളയണം. ഈ തുകയാണ് ദുരിതാശ്വാസ പ്രവർത്തനങ്ങൾക്ക് ഉപയോഗിക്കുന്നത്. പണം ശരിയായാണോ വിനിയോഗിക്കുന്നതെന്ന് പിന്നീട് പരിശോധിക്കണം. മുഖ്യമന്ത്രിയുടെ ദുരിതാശ്വാസനിധിയിലേക്ക് പണം നൽകരുതെന്ന് ബിജെപി പറയില്ലെന്ന് എം ടി രമേശ് പറഞ്ഞു.

രക്ഷാപ്രവർത്തനത്തിന് ഇറങ്ങുന്നവരെ കൊടിയുടെ നിറം നോക്കി മുഖ്യമന്ത്രി തടയരുതെന്നും എം ടി രമേശ് ആവശ്യപ്പെട്ടു. അവർ ചെയ്യുന്ന നല്ല കാര്യങ്ങള്‍ പ്രോത്സാഹിപ്പിക്കണം. മുഖ്യമന്ത്രി ഇക്കാര്യത്തിൽ രാഷ്ട്രീയം കലർത്തരുതെന്നും എം ടി രമേശ് അഭിപ്രായപ്പെട്ടു.

Rain Update At 10.30 AM: ഒരാഴ്ചയിലെ മഴക്കെടുതി; ഒറ്റനോട്ടത്തില്‍