തിരുവനന്തപുരം: ലളിതകലാ അക്കാദമിക്കെതിരെ ബിജെപി(BJP) സംസ്ഥാന അധ്യക്ഷന് കെ സുരേന്ദ്രന്(K Surendran). കോവിഡ് ഗ്ലോബല് മെഡിക്കല് ഉച്ചകോടിയില് ഇന്ത്യയുടെ പ്രതിനിധിയെ പശുത്തലയുള്ള കാവി പുതച്ച സന്യാസിയായി ചിത്രീകരിച്ചതിനെതിരെയാണ് വിമര്ശനം. ലളിതകലാ അക്കാദമിയുടെ നിലപാട് പിതൃശൂന്യതയാണെന്ന് അദ്ദേഹം കുറ്റപ്പെടുത്തി.
ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ പ്രതികരണം. 'സ്വന്തം നാടിനെ അപമാനിക്കാനും അവഹേളിക്കാനും ഉത്തരവാദപ്പെട്ട സ്ഥാനങ്ങളിലിരിക്കുന്നവര് തയ്യാറായാല് അതിനെ എതിര്ക്കാന് നാടിനെ സ്നേഹിക്കുന്നവര്ക്ക് മറുത്തൊന്നാലോചിക്കേണ്ടിവരില്ല' എന്ന് സുരേന്ദ്രന് പറഞ്ഞു.
എറണാകുളം വൈറ്റില പൊന്നുരുന്നി സ്വദേശി അനൂപ് രാധകൃഷ്ണന് കോവിഡ് ഗ്ലോബല് മെഡിക്കല് സമ്മിറ്റ് എന്ന ശീര്ഷകത്തില് വരച്ച ഈ കാര്ട്ടൂണിനായിരുന്നു കേരള ലളിതകലാ അക്കാദമിയുടെ ഓണറബിള് മെന്ഷന് പുരസ്കാരം ലഭിച്ചത്.
കെ സുരേന്ദ്രന്റെ ഫേസ്ബുക്ക് പോസ്റ്റിന്റെ പൂര്ണരൂപം
മിതമായ ഭാഷയില് പറഞ്ഞാല് പിതൃശൂന്യതയാണ് ലളിതകലാ അക്കാദമി കാണിച്ചിരിക്കുന്നത്. സ്വന്തം നാടിനെ അപമാനിക്കാനും അവഹേളിക്കാനും ഉത്തരവാദപ്പെട്ട സ്ഥാനങ്ങളിലിരിക്കുന്നവര് തയ്യാറായാല് അതിനെ എതിര്ക്കാന് നാടിനെ സ്നേഹിക്കുന്നവര്ക്ക് മറുത്തൊന്നാലോചിക്കേണ്ടിവരില്ല.
നാടു ഭരിക്കുന്നവരാണ് ഇത്തരം നെറികേടുകളെ നിയന്ത്രിക്കേണ്ടത്. അവരതിന് തയ്യാറാവുന്നില്ലെങ്കില് ജനങ്ങള്ക്ക് അതേറ്റെടുക്കേണ്ടി വരും
Published by:Jayesh Krishnan
First published:
ഏറ്റവും വിശ്വാസ്യതയുള്ള വാർത്തകള്, തത്സമയ വിവരങ്ങൾ, ലോകം, ദേശീയം, ബോളിവുഡ്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.