സർവ്വകക്ഷിയോഗത്തിൽ പങ്കെടുക്കുന്ന കാര്യം ആലോചിച്ച് തീരുമാനിക്കുമെന്ന് ബിജെപി

പത്തനംതിട്ട: ശബരിമല വിഷയത്തിൽ വിളിച്ച സർവ്വകക്ഷി യോഗത്തിൽ പങ്കെടുക്കുന്ന കാര്യം ആലോചിച്ച് മാത്രമെന്ന് ബിജെപി അധ്യക്ഷൻ അഡ്വ. പി എസ് ശ്രീധരൻപിളള. വിശ്വാസികളുടെ താത്പര്യം സംരക്ഷിക്കുന്നതിൽ സർക്കാർ ഇനിയും ആത്മാർത്ഥ തെളിയിക്കേണ്ടതുണ്ട്. തുടർ പ്രക്ഷോഭത്തെ കുറിച്ച് എൻ ഡി എ നേതാക്കൾ അടുത്ത ദിവസം കൂടിയാലോചിച്ച് തീരുമാനിക്കുമെന്നും ശ്രീധരൻപിള്ള പറഞ്ഞു.

സുപ്രീം കോടതി അത്യപൂർവ്വമായ രീതിയിലാണ് ശബരിമല വിധിയുടെ പുനപരിശോധന ഹർജികൾ പരിഗണിച്ചതെന്ന് പി എസ് ശ്രീധരൻ പിള്ള പറഞ്ഞു. അതു കൊണ്ട് ജനുവരി 22 വരെ വിധി നടപ്പാക്കുന്നതിൽ നിന്ന് സർക്കാർ വിട്ടു നിൽക്കണം. സർവ്വകക്ഷി യോഗത്തിലേക്ക് പോകുന്നത കാര്യം എൻ ഡി എ നേതാക്കളുമായി കൂടിയാലോചിച്ച് മാത്രം.

സുപ്രീംകോടതിയുടേത് നല്ല നീക്കമെന്ന് പി എസ് ശ്രീധരൻപിള്ള

ശബരിമല സംരക്ഷണ യാത്ര സമാപിച്ച സാഹചര്യത്തിൽ തുടർ പ്രക്ഷോഭത്തെ കുറിച്ച് ആലോചിക്കുമെന്നും അദ്ദേഹം പറഞ്ഞു. കാസർഗോഡിലെ മധൂരിൽ നിന്ന് 500 കിലോമീറ്ററിലധികം ദൂരം പിന്നിട്ട് പത്തനംതിട്ടയിൽ സമാപിച്ച ശബരിമല സംരക്ഷണ രഥയാത്ര പ്രവർത്തകർക്ക് ആവേശം പകർന്നതായാണ് വിലയിരുത്തൽ.