PC George| 'മുസ്‍ലിങ്ങളെ കുറ്റം പറഞ്ഞത് തെറ്റായിപ്പോയി; ഇനി അങ്ങനെ ഉണ്ടാകില്ല': പി സി ജോർജ്

കോഴിക്കോട്: മുസ്ലിം സമുദായത്തെ (Muslims) കുറ്റപ്പെടുത്തി സംസാരിച്ചത് തെറ്റായിപ്പോയെന്ന് പൂഞ്ഞാർ (Poonjar) മുൻ എം എൽ എ പി സി ജോർജ് (PC George). 'ചിലർ നിരന്തരം ആക്ഷേപിച്ചപ്പോൾ തിരികെ പറഞ്ഞു പോയതാണ്. ഇനിയുണ്ടാവാതെ നോക്കാം. എസ് ഡി പി ഐ ആയിരുന്നു തനിക്കെതിരായ പ്രചാരണത്തിന് പിന്നിൽ. ഈരാറ്റുപേട്ടയിലെ മുസ്‌ലിം വോട്ട് നഷ്ടപ്പെട്ടതാണ് തെരഞ്ഞെടുപ്പ് തോൽവിക്ക് കാരണം'- പി സി ജോർജ് കോഴിക്കോട്ട് പറഞ്ഞു.

Also Read- Actress Attack Case| ദിലീപിനെതിരായ തെളിവുകൾ കൈമാറി ബാലചന്ദ്രകുമാർ; ക്രൈംബ്രാഞ്ചിന് നൽകിയത് 20 ഓഡിയോ ക്ലിപ്പുകൾ; 'VIP'ക്ക് മന്ത്രിമാരുമായും അടുത്ത ബന്ധം

കെ റെയിൽ സംസ്ഥാനത്തിന് ആവശ്യമില്ലാത്ത പദ്ധതിയാണ്. കമ്മ്യൂണിസ്റ്റ് മുഖ്യമന്ത്രി മാന്യൻമാരെ വിളിച്ചു ചർച്ച നടത്തുകയാണ്. സമ്പന്നൻമാർ മാത്രമാണ് പിണറായിക്ക് മാന്യൻമാർ. ഇരകളോട് സംസാരിക്കാൻ പിണറായി തയാറാവുന്നില്ല. ആക്രി കച്ചവടത്തിനാണ് കെ റെയിൽ നടത്തുന്നത്. 15000 കോടിയുടെ അഴിമതിയാണ് സിൽവർ ലൈൻ പദ്ധതിയെന്നും അദ്ദേഹം ആരോപിച്ചു. ഇരട്ടി വില നൽകിയാൽ പിണറായിയുടെ സ്ഥലം തനിക്ക് നൽകുമോയെന്ന് അദ്ദേഹം ചോദിച്ചു. ജപ്പാനിൽ നിന്ന് ആക്രി ട്രെയിൻ കൊണ്ടുവരാനാണ് പിണറായി ശ്രമിക്കുന്നതെന്നും അദ്ദേഹം ആരോപിച്ചു.

Also Read- Actress Attack Case|ദിലീപിനെ വെള്ളിയാഴ്ച വരെ അറസ്റ്റ് ചെയ്യരുതെന്ന് ഹൈക്കോടതി

നിയമസഭാ തെരഞ്ഞെടുപ്പിന് മുൻപ് പി സി ജോർജ് നടത്തിയ ചില പരാമർശങ്ങൾ മുസ്ലിം സമുദായത്തിന്റെ വിമർശനങ്ങൾക്കിടയാക്കിയിരുന്നു. ജോര്‍ജിന്റെ ഫോണ്‍ സംഭാഷണവും പുറത്തുവന്നിരുന്നു. പിന്നീട് ഈ വിഷയത്തില്‍ പി സി ജോര്‍ജ് ക്ഷമ പറഞ്ഞിരുന്നു.

Also Read- മലയാള താരനിരക്കെതിരെ വിമർശനവുമായി WCC;  'ആക്രമണത്തിനിരയായ നടിക്ക് വേണ്ട സമയത്ത് ആരും പിന്തുണ നൽകിയില്ല'

2030 ഓടെ രാജ്യത്തെ മുസ്ലിം രാഷ്ട്രമാക്കി മാറ്റാന്‍ ചില സംഘടനകള്‍ ശ്രമം നടത്തിയിരുന്നുവെന്നും നോട്ട് നിരോധനം മൂലമാണ് അത് നടക്കാതെ പോയതെന്നും പി സി ജോർജ് പറഞ്ഞിരുന്നു. ഹലാല്‍ വിവാദങ്ങളുമായി ബന്ധപ്പെട്ട പരാമർശങ്ങളും വിവാദമായിരുന്നു.

Also Read- Covid 19| ആശങ്ക; കോവിഡ് രോഗികളുടെ എണ്ണം കുത്തനെ ഉയർന്നു; ഇന്ന് 9066 പേര്‍ക്ക് രോഗബാധ