By-election LIVE | പോളിംഗ് സമയം അവസാനിച്ചു; ശതമാനം കൂടുതൽ കോന്നിയിൽ

മഞ്ചേശ്വരത്ത് ഖമറുദ്ദീൻ 

മഞ്ചേശ്വരത്ത് യുഡിഎഫ് സ്ഥാനാർഥി എം സി ഖമറുദ്ദീൻ വിജയിച്ചു. ബിജെപി സ്ഥാനാർഥി രവീശതന്ത്രി കുണ്ടാറിനെ 7923 വോട്ടിനാണ് ഖമറുദ്ദീൻ പരാജയപ്പെടുത്തിയത്. എൽഡിഎഫ് സ്ഥാനാർഥി ശങ്കർ റേ മൂന്നാം സ്ഥാനത്തായി.

ഷാനിമോൾ ഷൈനിംഗ്

അരൂരിൽ യുഡിഎഫ് സ്ഥാനാർഥി ഷാനിമോൾ ഉസ്മാന് അട്ടിമറി ജയം. എൽഡിഎഫ് സ്ഥാനാർഥി മനു സി പുളിക്കലിനെ 2025 വോട്ടിനാണ് ഷാനിമോൾ പരാജയപ്പെടുത്തിയത്.

ലീഡുയർത്തി ഷാനിമോൾ

അരൂരിലെ വോട്ടെണ്ണൽ അവസാന ഘട്ടത്തിലേക്ക് കടക്കുമ്പോൾ യുഡിഎഫ് സ്ഥാനാർഥി ഷാനിമോൾ ഉസ്മാന് 1536 വോട്ടിന്റെ ലീഡ്

അരൂരിൽ പൊരിഞ്ഞ പോരാട്ടം

അരൂരിൽ യുഡിഎഫ് സ്ഥാനാര്‍ഥി ഷാനിമോൾ ഉസ്മാന്റെ ഭൂരിപക്ഷം 1392 ആയി കുറഞ്ഞു. ഇനി എണ്ണാനുള്ളത് രണ്ട് റൗണ്ടുകൾ

കോന്നിയിൽ ജനീഷ് കുമാർ

കോന്നിയിൽ എൽഡിഎഫ് സ്ഥാനാർഥി കെ യു ജനീഷ് കുമാറിന് അട്ടിമറി വിജയം. 10,031 വോട്ടിനാണ് യുഡിഎഫ് സ്ഥാനാർഥി പി മോഹൻരാജിനെ അദ്ദേഹം പരാജയപ്പെടുത്തിയത്

പതിനായിരം കടന്ന് ഖമറുദ്ദീൻ

മഞ്ചേശ്വരത്ത് യുഡിഎഫ് സ്ഥാനാര്‍ഥി എം സി ഖമറുദ്ദീന്റെ മുന്നേറ്റം. 10409 വോട്ടിന് ഖമറുദ്ദീൻ ലീഡ് ചെയ്യുന്നു. ബിജപിയാണ് ഇവിടെ രണ്ടാം സ്ഥാനത്ത്

പതിമൂന്നായിരം കടന്ന് വി കെ പ്രശാന്ത്

വട്ടിയൂർക്കാവ് എൽഡ‍ിഎഫ് സ്ഥാനാർഥി വി കെ പ്രശാന്തിന്റെ ലീഡ് 13218 കടന്നു.