'ചാന്‍സലറുടെ സ്ഥാനത്ത് പ്രശസ്തനായ വിദ്യാഭ്യാസ വിദഗ്ദ്ധൻ'; കരട് ബിൽ മന്ത്രിസഭാ യോഗം അംഗീകരിച്ചു
സംസ്ഥാനത്തെ 14 സര്‍വകലാശാലകളുടെ ചാന്‍സലര്‍ പദവിയില്‍ നിന്ന് ഗവര്‍ണറെ നീക്കാനാണ് സര്‍ക്കാര്‍ നീക്കം
- News18 Malayalam
- Last Updated :
സംസ്ഥാനത്തെ 14 സര്‍വകലാശാലകളുടെ ചാന്‍സലറുടെ സ്ഥാനത്ത് ഗവർണർക്ക് പകരം പ്രശസ്തനായ വിദ്യാഭ്യാസ വിദഗ്ദ്ധനെ നിയമിക്കുന്നതിന് സര്‍വകലാശാലാ നിയമങ്ങളില്‍ ആവശ്യമായ ഭേദഗതി വരുത്തുന്ന നിയമ നിര്‍മ്മാണത്തിന് മന്ത്രിസഭായോഗം തീരുമാനിച്ചു. ഇത് സംബന്ധിച്ച കരട് ബില്ലിന് മന്ത്രിസഭായോഗം അംഗീകാരം നല്‍കി.
നിയമങ്ങളിൽ ഭേദഗതി വരുത്തുന്ന സര്‍വകലാശാലകൾ
- കേരള സര്‍വകലാശാല
- മഹാത്മാഗാന്ധി സര്‍വകലാശാല
- കൊച്ചി ശാസ്ത്ര സാങ്കേതിക സര്‍വകലാശാല
- കോഴിക്കോട് സര്‍വകലാശാല
- കണ്ണൂര്‍ സര്‍വകലാശാല
- ശ്രീ ശങ്കരാചാര്യ സംസ്കൃത സർവ്വകലാശാല
- തുഞ്ചത്തെഴുത്തച്ഛന്‍ മലയാള സര്‍വകലാശാല
- കേരള ഡിജിറ്റല്‍ സര്‍വകലാശാല
- ശ്രീനാരായണഗുരു ഓപ്പണ്‍ സര്‍വകലാശാല
- കേരള കാര്‍ഷിക സര്‍വകലാശാല
- കേരള വെറ്ററിനറി അനിമല്‍ സയന്‍സ് സര്‍വകലാശാല
- കേരള ഫിഷറീസ് & ഓഷ്യന്‍ സ്റ്റഡീസ്
- കേരള ആരോഗ്യ സര്‍വകലാശാല
- എ.പി.ജെ.അബ്ദുള്‍കലാം കേരള ശാസ്ത്ര സാങ്കേതിക സര്‍വകലാശാല
നിയമിക്കപ്പെട്ടുന്ന ചാന്‍സലർക്കെതിരെ ഗുരുതരമായ പെരുമാറ്റ ദൂഷ്യ ആരോപണങ്ങൾ ഉണ്ടായാൽ ചുമതലകളില്‍ നിന്ന് നീക്കം ചെയ്യുന്നതിന് സുപ്രീം കോടതിയിലെയോ ഹൈക്കോടതിയിലെയോ ജഡ്ജായിരുന്ന ഒരാള്‍ നടത്തുന്ന അന്വേഷണത്തിന്‍റെ അടിസ്ഥാനത്തില്‍ സര്‍ക്കാരിന് അധികാരമുണ്ടായിരിക്കുമെന്നും കരട് ബില്ലില്‍ വ്യവസ്ഥയുണ്ട്.
ഏറ്റവും വിശ്വാസ്യതയുള്ള വാർത്തകള്‍, തത്സമയ വിവരങ്ങൾ, ലോകം, ദേശീയം, ബോളിവുഡ‍്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.
