പോസ്റ്റൽ വോട്ട് ക്രമക്കേട്; 63,000 പോസ്റ്റൽ ബാലറ്റ് അയച്ചതിൽ 8000 മാത്രമാണ് മടക്കിക്കിട്ടിയതെന്ന് മീണ

തിരുവനന്തപുരം: പോസ്റ്റൽ വോട്ടിൽ ക്രമക്കേടുകളെ കുറിച്ച് വ്യക്തമാക്കി മുഖ്യ തെരഞ്ഞെടുപ്പ് ഓഫീസർ ടിക്കാറാം മീണ. 63,000 പോസ്റ്റല്‍ ബാലറ്റ് അയച്ചതില്‍ 8000 വോട്ട് മാത്രമാണ് മടക്കിക്കിട്ടിയതെന്ന് അദ്ദേഹം വ്യക്തമാക്കി. വാർത്ത സമ്മേളനത്തിലാണ് അദ്ദേഹം ഇക്കാര്യം അറിയിച്ചത്.

also read: മുഖ്യമന്ത്രിയുടെ മണ്ഡലത്തിലും കള്ളവോട്ട്; കുറ്റക്കാർക്കെതിരെ ക്രിമിനൽ കേസെടുക്കാൻ ചീഫ് ഇലക്ടറൽ ഓഫീസറുടെ നിർദേശം

പൊലീസിലെ പോസ്റ്റല്‍ വോട്ട് തിരിമറിയില്‍ ക്രൈംബ്രാഞ്ച് അന്വേഷണം നടക്കുകയാണെന്ന് അദ്ദേഹം പറഞ്ഞു. ക്രൈംബ്രാഞ്ചാണ് അന്വേഷണം നടത്തുന്നത്. തട്ടിപ്പിൽ പൊലീസ് അസോസിയേഷന് പങ്കുണ്ടെന്ന് കണ്ടെത്തിയിട്ടുണ്ടെന്ന് മീണ കഴിഞ്ഞ ദിവസം വ്യക്തമാക്കിയിരുന്നു.

ഇത്തവണ വളരെ സുതാര്യമായാണ് വോട്ടര്‍ പട്ടിക പുതുക്കല്‍ നടന്നതെന്നും അദ്ദേഹം അറിയിച്ചു. പേര് ഒഴിവാക്കിയതില്‍ പരാതി വന്നാല്‍ പരിശോധിക്കുമെന്നും മന:പൂര്‍വ്വം ഒഴിവാക്കിയെങ്കില്‍ നടപടി ഉണ്ടാകുമെന്നും മീണ പറഞ്ഞു.